ՎԵՐՋԻՆ ՀՐԱԺԵՇՏ՝ ՆԱՀԱՏԱԿ ՕԴԱՉՈՒՆԵՐՈՒՆ

0 0
Read Time:3 Minute, 58 Second

taghoum_zinvor-016

ԵՐԵՒԱՆ.¬ Երեւանի Նոր Նորքի Սուրբ Սարգիս եկեղեցւոյ մէջ Նոյեմբեր 24-ին տեղի ունեցաւ Ատրպէյճանի զինուած ուժերուն կողմէ վար առնուած ուղղաթիռի օդաչուներու հոգեհանգիստի քաղաքացիական եւ զինուորական հրաժեշտի արարողութիւնը: Հոգեհանգստեան կարգը մատուցեց Ամենայն Հայոց կաթողիկոս Գարեգին Բ.: Ներկայ էին Հայաստանի նախագահ Սերժ Սարգսեան, վարչապետ Յովիկ Աբրահամեան, Հայաստանի եւ Արցախի պաշտպանութեան նախարարներ Սէյրան Օհանեանն ու Մովսէս Յակոբեանը, օրէնսդիր եւ գործադիր իշխանութիւններու ներկայացուցիչներ, զինուորականներ, ընտանեկան պարագաներ:
Օդանաւորդութեան զօրամասի ղեկավարման մարմինի պետի տեղակալ, սպայ Վաչագան Ստեփանեան լրագրողներուն հետ ունեցած զրոյցին ընթացքին յայտնեց, թէ կը ճանչնար օդաչուները. «Սերգէյը հոյակապ անձնաւորութիւն էր՝ բարձր կարողութեամբ օժտուած: Սարգիս Նազարեանը նոյնպէս շատ խելացի, իր գործին նուիրուած մարդ էր, աւարտել է օդանաւորդութեան հիմնարկը բարձր նիշերով, իսկ Ազատի երազանքն էր մասնակցիլ զօրավարժութիւններուն», յայտնեց ան:taghoum5
Օդանաւորդութեան զօրամասի սպայ Գոռ Ղազարեան, իր կարգին յայտնեց, որ Սերգէյ Սահակեանին հետ ծառայած է 19 տարի. «Կիսել ենք մեր ծառայութեան բոլոր դժուարութիւններն ու ուրախութիւնները: Ծանր է խօսել Ազատի ու Սարգիսի մասին, երկուսն ել երիտասարդ, կարգապահ, բանիմաց սպաներ էին: Առանձնապէս ուրիշ սպասելու բան էլ չկայ Սաֆարովի նման ստահակին հերոսացնող պետութիւնից: Նրանք մէկ անգամ չէ, որ իրենց դէմքը ցոյց են տուել: Անձամբ մեր զօրամասի անունից տղերքին խօսք ենք տալիս, որ իրենց փայ երկնակամարին տէր ենք լինելու: Թող Հայտարի թոռնիկներն էլ իմանան, որ արծիւները լեռներում են ծնւում: Հատուցումն էլ այն բաժինն է, որ ստանալու են շատ սառը ու ժամանակին: Սա այն հակամարտութիւնն է, որը պսակուելու է միայն ու միայն մեր յաղթանակով»:
Անձնակազմի ղեկավարն էր հազարապետ Սերգէյ Սահակեանը` 38 տարեկան, 1993-էն ի վեր զինուած ուժերուն մաս կը կազմէր: Հարիւրապետ Ազատ Սահակեանը 24 տարեկան էր` Չարենցաւանէն, 2009-էն ի վեր կը ծառայէր զինուած ուժերուն մէջ:
Աւագ հարիւրապետ Սարգիս Նազարեանը, 25 տարեկան է, Երեւանէն, զինուած ուժերուն մաս կը կազմէ 2006-էն: Ան ոսկի մետալով աւարտած է մարաջախտ Արմենակ Խանփերեանցի անուան ռազմական օդանաւորդութեան հիմնարկը: Սարգիս Նազարեանի տան պահարանին վրայ զետեղուած են անոր տասնեակ մը պատուոյ գիրերը, գովասանագիրներն ու մետալները, որոնց մէկ մասը ստացած է դպրոցէն` մարմնակրթութեան մրցումներէն, ուրիշներ` համալսարանէն, ինչպէս նաեւ` զինուած ուժերուն մէջ ծառայած տարիներուն: Դրացիները զայն կը յիշեն որպէս խելացի, պարտաճանաչ տղայ: Օդանաւորդութեան մասնագիտութիւնը Սարգիսին հետաքրքրութիւնը եղած է իր մանկութենէն:taghoumj seyran-Ohanyan-yerablur-mourning-ceremony-pilots
«Մենք իրեն փոքրուց գիտենք, արտակարգ երեխայ էր, չափից դուրս աշխատասէր: Սովորելու ձգտում ունէր, աւելի առաջ գնալու: Գերազանց աւարտել էր համալսարանը, ոսկէ մետալով: Ժիւտօ էր պարապում, շատ մրցումների էր մասնակցել, առաջին տեղ գրաւել, պատուոգրեր ունէր: Ինչքան դրական բան կայ, կարելի է ասել իր մասին: Ընկերասէր էր, ազնուութեան համար պայքարում էր: Իրեն բոլոր ճանաչողները խորը ցաւ են ապրում:… Ինքնաթիռներ էր պատրաստում, այդ դպրոցի յետեւում դաշտ կար, տանում` էնտեղից թռցնում էր: Շատ խելացի էր, շատ ուղեղով էր: Շատ էր սիրում իր մասնագիտութիւնը, չափից դուրս աշխատասէր էր: Համալսարանում առաջարկել են, որ մնայ այնտեղ որպէս դասախօս, բայց չի ուզել, ասել է` ես պիտի առաջ գնամ:…Մայրն ասում էր` Սարգիս ջան, ամուսնացի, հերիք ա, ինքն ասում էր` մինչեւ չկանգնեմ ոտքի վրայ, չեմ ամուսնանայ, ուզում եմ իմ ընտանիքին կարողանամ ամէն ինչով ապահովել», կը յայտնէ անոր դրացիներէն Գայեանէ Դաշտոյեանը:
Նոյեմբեր 25ին, զոհուած օդաչուներուն աճիւնները Սուրբ Սարգիս եկեղեցիէն փոխադրուեցան «Եռաբլուր» զինուորական պանթէոն: Կատարուեցաւ սգոյ հաւաք, «Եռաբլուր»ի զինուորական պանթէոնին մէջ եւ յուղարկաւորութիւն՝ զինուորական արարողակարգով:
ՅԱՏՈՒԿ ԳՈՐԾՈՂՈՒԹԻՒՆԸ ԿԱՏԱՐԱԾ Է ՉՈՐՍ ՀՈԳԻԷ ԲԱՂԿԱՑԱԾ ՋՈԿԱՏ ՄԸ
Նոյեմբեր 22-ին, Արցախի պաշտպանութեան բանակին կատարած մէկ յատուկ գործողութեան արդիւնք, կարելի եղած էր հասնիլ Նոյեմբեր 12-ին վար առնուած ուղղաթիռին վայրը, եւ տարահանել ուղղաթիռի անձնակազմէն մէկուն անշնչացած մարմինը, երկու օդաչուներու մասունքներն ու ուղղաթիռի որոշ անհրաժեշտ մասերը, որոնց կարգին յատկապէս “սեւ տուփ“ը:
Այս գործողութիւնը կատարած է յատուկ նշանակութեան ջոկատայիններու չորս հոգինոց խմբակ մը: Գործողութեան ընթացքին անոնք օգտագործած են երեք տեսակի օդային սարք, որոնցմէ մէկը՝ առաջին անգամ ըլլալով:

Զոհուած օդաչուները, ձախէն աջ` Սերգէյ Սահակեան, Ազատ Սահակեան եւ Սարգիս Նազարեան
Զոհուած օդաչուները, ձախէն աջ` Սերգէյ Սահակեան, Ազատ Սահակեան եւ Սարգիս Նազարեան

Հ.Հ. Պաշտպանութեան Նախարարութեան մամլոյ խօսնակ Արծրուն Յովհաննիսեան, այս գործողութեան մասին անդրադառնալով, յայտնեց թէ Ատրպէյճանի կորուստները շատ են ու այնքան շատ, որ հրամանատարը պաշտօնանկ ըրած են: “Նկատի առնելով հակառակորդի չափազանց մեծ կրակային եւ այլ հակազդեցութիւնները, այս գործողութիւնները բնոյթով եւ բարդութեամբ աննախադէպ էին: Կատարողականութիւնը ուղղակի փայլուն է նկատի առնելով նաեւ հակառակորդի ոչ փոքր կորուստները, որոնք ծուղակ էին: Դեռ մի քանի օր կը լսենք անոնց անունները, որոնք բնականաբար մահացած կ’ըլլան տարբեր դժբախտութիւններէ: Արցախի յատուկ նշանակութեան ուժերը իրենց տօնի օրը փայլեցան, փառք անոնց: Կատարուած է համաշխարհային մակարդակի փայլուն գործողութիւն, իսկ սեւ հրանօթները կը լռեն“, եզրակացուց Արծրուն Յովհաննիսեան:

Նոյեմբեր 24-ին լրագրողներուն հետ ունեցած զրոյցին ընթացքին այս մասին յայտնած է քաղաքագէտ Հրանդ Մելիք-Շահնազարեանը: Անոր համաձայն՝ Ատրպէյճանի հասարակութիւնը, ինչպէս նաեւ ընկերային ցանցերը չեն հաւատար այդ երկրի մամուլին մէջ տարածուած այն պնդումներուն, թէ հայկական կողմին կատարած դուրս բերման այդ գործողութիւնը չէ յաջողած:
Ատրպէյճան պաշտօնապէս յայտնած էր, թէ արտօնութիւն պիտի տայ ջախջախուած ուղղաթիռին մօտենալու միայն այն ատեն, երբ ինք յարմար կը տեսնէր։ Պատասխանելով լրագրողներուն այն հարցումին, որ արդեօք այս հանգրուանէն ետք կա՞յ պատերազմի ծրագիր՝ Հրանդ Մելիք-Շահնազարեան ըսած է. «Ո՛չ Հայաստանը, ո՛չ էլ Ատրպէյճանը, առաւել եւս Արցախի Հանրապետութիւնը լայնածաւալ պատերազմական գործողութիւններ չեն ուզում: Կատարուածը պատերազմի վերսկսման առիթ չէր, այլ հակառակորդը նման քայլով փորձեց իր հասարակութեան ուշադրութիւնը շեղել տնտեսական խնդիրներից, որոնք առաջացել են նաւթի գների անկման հետեւանքով»:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles