Պելճիքայէն Երեսփոխանական Պատուիրակութիւն Մը Կ՚այցելէ Հայաստան Եւ Արցախ

0 0
Read Time:1 Minute, 42 Second

unnamed (3)

Պելճիքայէն վեց երեսփոխաններ՝ Էլս Ֆան Հոֆ (դաշնակցային խորհրդարան, Պելճիքայի Հայաստանի եւ Վրաստանի հետ միջխորհրդարանական խումբի նախագահ), Ժորժ Տալըման (դաշնակցային խորհրդարան, Պելճիքայի Հայաստանի եւ Վրաստանի հետ միջխորհրդարանական խումբի անդամ), Տավիտ Քլարինվալ (դաշնակցային խորհրդարան, Պելճիքայի Հայաստանի եւ Վրաստանի հետ միջխորհրդարանական խումբի անդամ), Զոէ Ժենօ (Պրիւքսելի շրջանային խորհրդարանի անդամ), Փոլ Տելվա (Պրիւքսէլի շրջանային խորհրդարանի անդամ) եւ փրոֆեսէօր Սերժ Տը Փաթուլ (Պրիւքսէլի շրջանային խորհրդարան)՝ ընկերակցութեամբ Եւրոպայի Հայ Դատի յանձնախումբի նախագահ Գասպար Կարապետեանի եւ գրասենեակի եւրոպական հարցերու պատասխանատու Հեղինէ էվինեանի, ժամանեցին Հայաստան եւ Արցախ:unnamed (1)
Այցելութեան առաջին օրը, Օգոստոս 31-ին, Մայր Աթոռ Սուրբ Էջմիածնի արտաքին յարաբերութիւններու եւ արարողակարգի բաժնի տնօրէն Գերաշնորհ Տ. Նաթան արքեպիսկոպոս Յովհաննիսեանը Էջմիածնի մէջ ընդունեց երեսփոխաններ Զոէ Ժենոն եւ Փոլ Տելվան: Պատուիրակութեան անդամները նաեւ հանդիպումներո ունեցան Մարդկային Զարգացման Միջազգային Կեդրոն եւ Ռազմավարական եւ Ազգային Ուսումնասիրութեան Կեդրոն (Strategic and National Research Center) կազմակերպութեանց հետ, եւ առիթն ունեցան այցելելու պատմութեան թանգարանը:
Սեպտեմբեր 1-ին, Պելճիքայի երեսփոխանական պատուիրակութիւնը այցելեց Հայաստանի Հանրապետութեան Ազգային Ժողով, եւ տեսակցեցաւ Հայաստան – Պելճիքա բարեկամական խումբի ղեկավար Շիրակ Թորոսեանի եւ խումբի անդամներ Կարինէ Աճեմեանի, Էլինար Վարդանեանի եւ Արմէն Ռուստամեանի հետ: Արծարծուեցան Հայաստան – Պելճիքա յարաբերութիւնները, Հայկական Ցեղասպանութիւնը, Արցախի հիմնահարցը եւ Հայաստանի մէջ մարդկային իրաւանց եւ ժողովրդականացման ընթացքը: Ապա՝ պելճիքացի երեսփոխանները հանդիպեցան Ազգային Ժողովի նախագահ Գալուստ Սահակեանի հետ: Ան կարեւորեց երկու երկիրներու միջեւ օրէնսդիր մարմիններու միջեւ համագործակցութիւնը, որ կը նպաստէ երկու երկիրներու միջեւ յարաբերութիւններու զարգացման: Գալուստ Սահակեան նաեւ շնորհակալութիւն յայտնեց պելճիքացի երեսփոխաններուն 2015 Յուլիսի Պելճիքայի Ներկայացուցիչներու տան կողմէ Հայկական Ցեղասպանութեան ճանաչման բանաձեւի ընդունման համար:unnamed
unnamed (4)Պելճիքացի երեսփոխանները ապա այցելեցին նախագահական պալատ եւ հանդիպում մը ունեցան Հ.Հ. նախագահ Սերժ Սարգսեանի հետ: Երկու կողմերը կարեւորած են խորհրդարանական աշխոյժ աշխատանքը՝ յատկապէս բարեկամութեան խումբերու ծիրէն ներս, որ ինքնին կ՚ամրացնէ Հայաստանի եւ Պելճիքայի յարաբերութիււնները: Հ.Հ. նախագահը պատասխանելէ ետք երեսփոխաններու հարցերուն՝ պելճիքացի երեսփոխան Ժորժ Տալըմանը պարգեւատրած է երախտագիտութեան մետալով:
պարգեւատրած է երախտագիտութեան մետալով:
Պատուիրակութիւնը աւելի ուշ այցելեց Ծիծեռնակաբերդ, ապա մեկնեցաւ Ստեփանակերտ եւ տեսակցութիւն մը ունեցաւ Արցախի Հանրապետութեան նախագահ Բակօ Սահակեանի հետ: Քննարկուեցան երկու երկիրներուն միջեւ խորհրդարանական կապերու զարգացման առնչուող հարցեր:
Նախագահ Սահակեան կարեւոր նկատեց Պելճիքայի խորհրդարանականներուն այցելութիւնը Արցախ` Արցախի Հանրապետութեան հռչակման 25-րդ տարեդարձի տօնական ձեռնարկներու ծիրին մէջ` նշելով, որ Արցախի մէջ բարձր կը գնահատեն անկեղծ եւ անշահախնդիր բարեկամութիւնը:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles