Լրահոս
ՈՒՐՈՒԿՈՒԱՅԻ ՄԷՋ ՀԱՅ ԵՐԻՏԱՍԱՐԴՆԵՐՈՒ ՏՊԱՒՈՐԻՉ ՑՈՅՑԸ
ՄՈՆԹԵՎԻՏԷՕ.- Կազմակերպութեամբ, Ուրուկուայի հայ երիտասարդական միութիւններուն, Մարտ 26-ի երեկոյեան, Հայոց Ցեղասպանութեան հրապարակի տարածքին մէջ տեղի ունեցաւ լուռ ցոյց մը, որուն ընթացքին մասնակից երիտասարդները գետին նստած եւ իրենց բերանները կարմիր երիզներով կապած` ցոյց մը կատարեցին, մինչ կարգ մը երիտասարդներ Հայոց Ցեղասպանութեան մասին թերթիկներ կը բաժնէին բազմաթիւ անցորդներուն, որոնք հետաքրքրութեամբ առաւել տեղեկութիւններ կը փափաքէին ունենալ Ցեղասպանութեան մասին:
Հայոց Ցեղասպանութեան հրապարակի տարածքը կը գտնուի զբօսաշրջիկներու յատուկ շրջանի մը մէջ:
Ցուցարար երիտասարդները պարզած էին պաստառներ, որոնց վրայ գրուած էր` “Կը զօրակցինք աշխարհի բոլոր լքեալներուն“, “Ո՛չ մարդու իրաւունքներու խախտումներուն“, “Հայոց Ցեղասպանութիւն` բնաւ երբե՛ք“:
