Ոչ Եւս Է Արարատ 73-ի Խմբապետ՝ Յովհաննէս Զանազանեանը

0 0
Read Time:1 Minute, 12 Second

p15 zanazanian-1

Կիսապաշտպան Յովհաննէս Զանազանեանը 1973-ի հրաշքներ կերտած եւ Խորհրդային Միութեան ախոյեանութեան առաջնութեան տիրացած Արարատ Երեւանի խմբապետն էր:
Ան մահացաւ Հոկտեմբեր 4-ին, յետ երկարատեւ հիւանդութեան:
Զանազանեան ծնած էր 1946 թուին Աթէնքի մէջ։ Ներգաղթած ընտանիքի զաւակ, ան ուսանած է հայկական գիւղատնտեսական հիմնարկի ապա Երեւանի Պետական Համալսարանին մէջ։
Իր կողքին ունենալով Անդրէասեանի, Քովալենքոյի, Ղազարեանի նման աստղեր, Զանազանեան եւ այդ օրերու Արարատը մեծ խանդավառութւն ստեղծած էր: Եւ այս հռչակը հասած էր նաեւ Եւրոպա, ուր խումբը կը մասնակցէր Եւրոպայի ախոյեան խումբերու մրցաշարքերուն, ճակատելով Պայէրն Միւնիխի նման կազմերու դէմ: 1991-92-ին Յովհաննէս Զանազանեան մարզիչն էր Լիբանանի Հ.Մ.Ը.Մ.-ի ներկայացուցչական կազմին։
Զանազանեանի մահուան կապակցութեամբ Հայաստանի ոտնագնդակի համադաշնակցութեան նախագահ Ռուբէն Հայրապետեան ցաւակցական ուղերձ մը հրատարակած է, ուր կ՚ըսուի՝ «Հանրայայտ ֆութպոլիստ, Խ.Ս.Հ.Մ. եւ միջազգային կարգի մարզանքի վարպետ, Արարատի պատմութիւն կերտած աւագ Յովհաննէս Զանազանեանի մահը մեծ կորուստ է հայկական ֆութպոլի համար։
Մեծ է Յովհաննէս Զանազանեանի աւանդը մեր ֆութպոլի փառահեղ յաղթանակներուն, մեր ժողովուրդի սիրելի Արարատի վերելքներում եւ պատահական չէ, որ Յովհաննէս Զանազանեանի անուան հետ է զուգակցւում Արարատի լեկենտեր աւագ տիտղոսը՝ շնորհուած ժողովուրդի կողմից։
Նրա ֆութպոլը ոգեւորութեան, երջանկութեան եւ հպարտութեան բազում պահեր է պարգեւել մեր երկրին եւ ժողովուրդին։ Յովհաննէս Զանազանեանը անուրանալի աւանդ ունեցաւ նաեւ նորանկախ Հայաստանի ֆութպոլի զարգացման գործում՝ իր փորձն ու գիտելիքները, հմտութիւնները ու կարողութիւնները, իր փրոֆէսյոնալ եւ մարդկային որակները անմնացորդ ծառայեցնելով նորանկախ Հայաստանի ֆութպոլի զարգացմանը, նոր ֆութպոլային սերունդի դաստիարակութեանը։
Շատերի համար էր մեծ բարեբախտութիւն մարզուել եւ խաղալ իրենց երբեմնի կուռքի, հայկական ֆութպոլի հերոսի ղեկավարութեան ներքոյ»։
Հոկտեմբեր 6-ին կատարուեցաւ Զանազանեանի յուղարկաւորութիւնը։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles