ՇԻՔԱԿՈՅԻ ՄԷՋ.- ՀԱՅՈՑ ՑԵՂԱՍՊԱՆՈՒԹԵԱՆ 99ԱՄԵԱԿԻ ՆՇՈՒՄ

0 0
Read Time:1 Minute, 25 Second

chicago2  Ապրիլ 24ին, Շիքակոյի կեդրոնական շրջաններէն՝ Տէլի Փլազայի մօտակայքը, տեղի ունեցաւ Հայոց Ցեղասպանութեան 99ամեակի նշում, ներկայութեամբ շրջանի հայորդիներուն:

Հաւաքը կազմակերպուած էր, Հ.Ե.Դ.Ի տեղւոյն “Արարատ“ մասնաճիւղին կողմէ: Այս ձեռնարկին մասկակցեցան նաեւ պոնտոսցի յոյներ եւ ասորիներ, որոնք իրենց կարգին ենթարկուած էին կազմակերպուած ջարդի, կազմակերպուած նոյնինքն թուրք պետութեան կողմէ:
Ներկաները թղթիկներ ցրուեցին, նշելով թէ թուրք պետութիւնը, կը շարունակէ ուրանալ եւ շարունակ “ծածկել“ Հայոց Ցեղասպանութիւնը:
Բանուկ ճամբու վրայ կատարուած այս խաղաղ ցոյցին բազմաթիւ տեղացիներ ամենահետաքրքրութեամբ թերթատեցին բաժնուած թռուցիկները, որոնց մէջ հստակօրէն կը ներկայացուէր Հայոց Ցեղասպանութեան պատմականը:astarjianchicago1
“Իլիինոյի ժողովուրդը պէտք է որ իմանայ, թէ այլեւս իրականութիւններ պէտք է բացայայտուին: Կարելի չէ շարունակ ստել եւ մոռցնել տալ անցեալ մը“, ըսաւ Հայ Դատի յանձնախումբի ներկայացուցիչ Մայք Տէմիրճեան, աւելցնելով թէ Թուրքիա կը շարունակէ գումարներ մսխել, ամերիկացի քաղաքական գործիչներ Անգարա հրաւիրելով եւ անոնց հետ գրասենեակներու ետին քարոզչական աշխատանքներ կատարելով:
Նշենք թէ, այս գծով, վերջերս “Շիքակօ Թրիպիւն“ տեղեկացուցած էր թէ 2009էն 2012, աւելի քան քառասուն նմանօրինակ բարձրաստիճան քաղաքագէտներու համար, ճամբորդութիւններ կազմակերպուած էր Անգարայի կողմէ: Այս հրաւիրուածներու շարքին էր Իլլինոյի ներկայացուցիչներէն՝ Մայքըլ Մատիկըն, որ չորս անգամ Թուրքիա մեկնած էր:
Ապրիլ 25ին, Հայ Կեդրոնին մէջ տեղի ունեցաւ հանդիսութիւն: Մայք Տէմիրճեան խօսք առնելով նշեց թէ, նախագահ Օպամա անգամ մը եւս դրժեց իր խոստումը եւ Ցեղասպանութիւն բառը չգործածեց: Ներկայ էր նաեւ քոնկրէսական Ռապըրթ Տոլտ: Ապա, խօսք առաւ օրուան դասախօս տոքթ. Հենրի Ասթարճեան, որ իր կարգին կոչ ուղղեց յաւելեալ աշխատանք տանելու հարց Հայ Դատին:
Կիրակի, Ապրիլ 27ին, այլ հաւաք մը տեղի ունեցաւ Ամենայն Սրբոց եկեղեցւոյ սրահէն ներս, ուր յաջորդաբար խօսք առին Տարօն Պետեան (Հ.Ե.Դ.), Արա Սուրէնեան (տեղւոյն “Քրիստափոր“ Կոմիտէութիւն) եւ տոքթ. Հենրի Ասթարճեան: Գեղարուեստական յայտագրով ելոյթ ունեցաւ Համազգայինի երգչախումբը:
Նշենք թէ, տեղւոյն Հ.Օ.Մ.ի “Զապէլ“ մասնաճիւղը կազմակերպած էր արեան տուչութեան օր մը, որ աւելի քան քսան տարիէ ի վեր մեծ խանդավառութեամբ կը կատարուի:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles