0
0
Եունիըն Սիթիի (Նիւ Ճըրզի) մէջ, յատուկ յիշատակութեամբ նշուեցաւ Հայաստանի Անկախութեան Մայիս 28-ի 95-ամեակը: Այս առթիւ կատարուեցաւ դրօշակի արարողութիւն, որուն յետ ներկաները կատարեցին “Մեր Հայրենիք“ քայլերգի երգեցողութիւնը: 15 տարիէ ի վեր կը կազմակերպուի այս հաւաքը, շնորհիւ շրջանի բնակիչ Վերժին Տեկրարեանի աշխատանքներուն:
Բացման աղօթքը կատարեց Սուրբ Վարդանանց եկեղեցւոյ հովիւ Յովնան Պօզոյեան: Այս առթիւ յատուկ յուշանուէր մը ստացաւ, քառասուն տարիէ ի վեր Նիւ Ճըրզիի մէջ, հայապահպանման եւ Հայ Դատի աշխատանքներուն գծով աշխատանք տարած Յարութիւն Մսըրլեանը:
Հաւաքը աւարտեցաւ, շրջանի Սուրբ Խաչ եկեղեցւոյ հովիւ Վազգէն Քարայեանի աղօթքով: Ապա, տեղի ունեցաւ հիւրասիրութիւն:
