ՅԱՏՈՒԿ ՈՐՈՇՈՒՄՆԵՐ…ՍԱՀՄԱՆՆԵՐՈՒ ՊԱՇՏՊԱՆՄԱՆ ՀԱՄԱՐ

0 0
Read Time:2 Minute, 12 Second

p4

ԵՐԵՒԱՆ.- Վերջին օրերուն, վերլուծելով տեղի ունեցած ատրպէյճանական հետախուզական գործողութիւնները, Հայաստանի Պաշտպանութեան Նախարարութեան մէջ սահմաններու պաշտպանութիւնը ուժեղացնելու համար եօթ կէտերէ բաղկացած ծրագիր մը կազմուած է:
Պաշտպանութեան Նախարար Սէյրան Օհանեան յայտարեց, որ յատուկ եւ հետեւողական փորձեր տեղի պիտի ունենան` զինուորներուն մարտունակութիւնը բարձրացնելու համար: Ան աւելցուց թէ, հայկական կողմը պէտք է որոշ պարագաներու նախայարձակ ըլլայ` չսպասելով հակառակորդին գործողութիւններուն:
«Մենք պէտք է ունենանք կանոնաւոր գործելու ընդունակութիւններ. պատրաստի հակահարուածները եւ պատժիչ միջոցները միշտ պէտք է մեր ձեռքին մէջ ըլլան», եզրակացուց Օհանեան:
Միւս կողմէ, Արցախի պաշտպանութեան բանակէն տեղեկացուցած են, որ շուրջ հազար կրակոց արձակուած է: Յունուար 12-ի երեկոյեան ալ հաղորդուած էր, որ Արցախի հարաւը գտնուող մարտական դիրքի մը վրայ հակառակորդի կրակոցէն վիրաւորուած է 23-ամեայ զինուոր Միսաք Յակոբեան:
Տաւուշի մարզի Բաղանիս գիւղին մօտ, հետախուզական եւ Ներթափանցման յարձակման պատճառով գիւղացի հովիւ մը զոհուած էր:
Այգեպար եւ Պառաւաքար գիւղերու դիրքերուն ուղղութեամբ եւս կրակոցներ արձակուած են:
2014-ին, Հայաստանի զինուած ուժերու շարքերուն եւ Արցախի պաշտպանութեան բանակին մէջ 42 միջադէպի իբրեւ հետեւանք մահացած է 46 զինուորական ծառայող, որոնց թիւը 2013ի կորուստներուն հետ բաղդատելով՝ աւելցած է 15ով:
2014ին արձանագրուած մահացու 45 դէպքերէն 26ը տեղի ունեցած են զինադադարի դրութեան խախտման իբրեւ հետեւանք, վեցը՝ դժբախտ պատահարի, չորսը՝ սպանութեան (երկուքը՝ դիտաւորեալ սպանութեան, երկուքը՝ զէնքի հետ վարուելու կանոններու խախտման), երեքը՝ մարտական հերթապահութիւն կամ ծառայութիւն կատարելու կանոններու խախտման, երեքը՝ առողջական խնդիրներու եւ ոչ պատշաճ բժշկական ծառայութեան տրամադրման, երեքը՝ անձնասպանութեան (ըստ յարուցուած քրէական գործի որակման), մէկը՝ զէնքի հետ վարուելու կանոններու խախտման պատճառով:P1 ohanyan-seyran-artsakh
Եթէ վերջին չորս տարիներուն ընթացքին զինադադարի դրութեան խախտման իբրեւ հետեւանք մահացութեան դէպքերը կը կազմէին ընդհանուր մահացութեան մինչեւ 28 տոկոսը, ապա 2014 թուականին այդ տոկոսը մեծապէս բարձրացած եւ կազմած է գրեթէ 57 տոկոս:
Միւս կողմէ նշենք թէ, Յունուար 9-ին, Հայաստանի Հանրապետութեան պաշտպանութեան նախարարութեան վարչական համալիրին մէջ նախարար Սէյրան Օհանեանի գլխաւորութեամբ, տեղի ունեցաւ խորհրդակցութիւն, որուն մասնակցեցան Հայաստանի Հանրապետութեան բանակի ընդհանուր հրամանատար Եուրի Խաչատուրով, փոխնախարարները եւ բանակի հրամանատարին տեղակալները, պաշտպանութեան նախարարութեան վարչութիւններու եւ բաժանմունքներու պետեր, բարձրաստիճան զինուորականներ եւ քաղաքացիական յատուկ ծառայողներ:
Խորհրդակցութեան ընթացքին ներկայացուեցան սահմանագիծին վրայ եւ մնայուն տեղակայման վայրերուն մէջ անձնակազմի եւ կարգապահութեան, մարտական եւ զօրահաւաքային պատրաստակամութեան, զինեալ ուժերու մարտական պատրաստութեան բարձրացման ուղղուած աշխատանքները, քննարկուած են ձմեռնային վարժանքներու փուլի, ինչպէս նաեւ զինեալ ուժերու կազմաւորման 23-րդ տարեդարձին առիթով տեղի ունենալիք ձեռնարկներու ծրագրաւորման առանցքային հարցերը: Անդրադարձ կատարուած է նաեւ արդէն իսկ սկսած ձմեռնային զօրակոչի պատշաճ կազմակերպման եւ կայացման նախաձեռնութիւններուն:
Ըստ պաշտպանութեան նախարարութեան տեղեկատուական ծառայութեան, Եուրի Խաչատուրով հաշուետու զեկուցում ներկայացուցած է Ամանորի եւ Ս. Ծննդեան օրերուն արձանագրուած միջադէպերուն, հակառակորդի սանձազերծած սադրիչ գործողութիւններուն եւ անոնց ի պատասխան ձեռնարկուած քայլերուն վերաբերեալ:
Նկատի առնելով եղանակային պայմաններու վատթարացումը` նախարար Սէյրան Օհանեան խորհրդակցութեան մասնակիցներուն ուշադրութիւնը հրաւիրած է զօրամասերուն մէջ անհրաժեշտ ջեռուցման պայմաններու ապահովման, անձնակազմի հիւանդացումի եւ ցրտահարութեան դէպքերու բացառման, զինուորներու` յատկապէս նորակոչներու առողջական գանգատներուն լրջօրէն արձագանգելու վրայ: Նախարարը տուած է համապատասխան յանձնարարականներ եւ նշած է առաւելագոյն ուշադրութիւն պահանջող աշխատանքային ուղղութիւնները:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles