ՄԻԱՑԵԱԼ ՆԱՀԱՆԳՆԵՐՈՒ ԱՐԵՒԵԼԵԱՆ ՇՐՋԱՆԻ Հ.Օ.Մ.-Ի 95ՐԴ ՊԱՏԳԱՄԱՒՈՐԱԿԱՆ ԺՈՂՈՎԸ Մեծ ՅԱՋՈՂՈՒԹԵԱՄԲ Կ’ԱՒԱՐՏԻ

0 0
Read Time:6 Minute, 53 Second

jjjjjj

ԹՂԹԱԿԻՑ

Հ.Օ.Մ.ի Արեւելեան Միացեալ Նահանգներու Արեւելեան Շրջանի 95րդ Պատգամաւորական Ժողովը տեղի ունեցաւ Օգոստոս 13-16, 2015, Շէրաթոն պանդոկին մէջ, Նովա, Միշիկըն, ներկայութեամբ 39 լիազօր պատգամաւորներու, որոնք կու գային Հ.Օ.Մ.ի Արեւելեան Շրջանի 32 մասնաճիւղերէն. ներկայ էին 21 մասնաճիւղ եւ Շրջանային Վարչութեան լրիւ կազմը։

Հիւրընկալ մասնաճիւղերն էին՝ Միշիկընի Հ.Օ.Մ.ի Զապէլ, Մարօ, Շաքէ, Սիպիլ, եւ Ցոլիկ մասնաճիւղերը։
Հիւրաբար ներկայ էին, Հ.Օ.Մ.-ի Կեդրոնական Վարչութիւնէն՝ ընկհ.Գարոլին Շմաւոնեան, Հ.Յ.Դ. Արեւելեան Ամերիկայի Կ.Կ.էն՝ ընկ. Խաժակ Մկրտիչեան, Հ.Մ.Ը.Մ.էն՝ Եղբ. Շանթ Ժամկոչեան, Համազգային-էն՝ ընկհ. Շողեր Ուրլեան, ինչպէս նաեւ Պատգամաւորական Ժողովի հիւրեր՝, ընկ. Թաթուլ Սոնենց, ընկերուհիներ Անժէլ Մանուկեան, Սօսէ, Ֆլորիտա, Անի Աթթար եւ Շաքէ Պասմաճեան՝ Միշիկընի Ցոլիկ մասնաճիւղէն։ Պատգամաւորներուն կողմէ հրաւիրուեցան ընկերուհիներ Տանա Քաջերեան, Մարօ, եւ Թամիցա Տաքէսեան, Ցոլիկ, Միշիկընի մասնաճիւղերէն։11890480_585304448274388_1561773063323624027_oKhajag delivers his message
Շրջանի Վարչութեան ատենապետուհի՝ ընկհ. Թալին Տաղլեան, իր բարի գալուստի խօսքերէն ետք, հրաւիրեց Արեւելեան Ա.Մ.Ն.-ի Թեմիս Փոխ- Առաջնորդ՝ Գերաշնորհ Անուշաւան Եպիսկոպոս Դանիէլեանը, որ իր խօսքին մէջ նշեց Հայ Օգնութեան Միութեան մարդասիրական առաքելութիւնն ու նպատակները.- «Սփիւռքի տարածքին, Հ.Օ.Մ.-ուհին միշտ օգնեց ու ծառայեց անկարին ու կարօտեալին։ Հայ Օգնութեան Միութեան բեռը ծանր էր անցնող երեք տարիներուն, Սուրիահայութեան տագնապալի վիճակին որպէս հետեւանք։ Հ.Օ.Մ.-ը իր «Տաք Ճաշ», «Տաքուկ Բնակարան», «Հովանաւորել Հայ Ընտանիք» ծրագիրներով սփոփեց հայ ազգի աղետեալ զաւակներուն ցաւը։ «Դուք կը հասնիք Հայ ժողովուրդի բոլո՛ր կարիքներուն,» ըսաւ Սրբազան Հայրը իր աղօթքով ու քաջալերական պատգամով յաջողութիւն մաղթելով ժողովականներուն։
Ժողովի պաշտօնական բացումը եղաւ Հ.Օ.Մ.-ի քայլերգով, առաջնորդութեամբ՝ Սիպիլ մասնաճիւղի ընկհ.՝ Սոնա Միշիկեանի, որմէ ետք, ընկհ. Սիրան Չոլաքեան, Տիթրոյիթի մասնաճիւղերու անունով բարի գալուստ ու յաջողութիւն մաղթեց ժողովին։ old and new board

Ընկհ. Թալին Տաղլեան ներկայացուց Հ.Օ.Մ.-ի Կեդրոնական Վարչութեան անդամ, ընկհ. Գարոլին Շմաւոնեանը՝ փոխանցելու Կեդրոնական Վարչութեան խօսքը։ Ընկհ. Շմաւոնեան շնորհակալութիւն յայտնեց բոլոր անդամներուն, որոնք իրենց առօրեայ աշխատանքէն դուրս, աշխոյժ դերակատարութիւն կÿունենան ծառայելու եւ իրագործելու Հ.Օ.Մ.-ի բարեսիրական նպատակները։ Ան բարձր գնահատեց Արեւելեան Շրջանի շարունակական աջակցութիւնը Հ.Օ.Մ.-ի Սուրիոյ ծրագիրներուն այս աղետալի օրերուն ընթացքին, միաժամանակ սատար հանդիսանալով Հ.Օ.Մ.-ի աշխարհասփիւռ գործունէութիւններուն։ Ընկհ Շմաւոնեան մաղթեց որ այս պատգամաւորական ժողովը յաջող ընթացք ունենայ եւ ըլլայ արդիւնաբեր։
Նոյն Թեմայով ու շունչով, ընկ. Խաժակ Մկրտիչեան փոխանցեց Հ.Յ.Դ. Կեդրոնական Կոմիտէութեան խօսքը. ան իր կարգին կարեւորեց Հայ կնոջ դերը Հայաստանէն ներս, նկատի ունենալով երկրէն ներս ընթացող ներկայ զարգացումները։ Խօսք առին նաեւ Համազգայինի Շրջանային վարչութեան ներկայացուցիչ՝ ընկհ Շողեր Ուրլեան, Հ.Մ.Ը.Մ.ի Շրջանային Վարչութեան ներկայացուցիչ՝ եղբ. Շանթ Ժամկոչեան.Detroit ARS award

Ապա Պատգամաւորական Ժողովը ընտրեց իր Դիւանը։ Դիւանի ատենապետուհիներ ընտրուեցան ընկ. Սիլվա Գույումճեան՝ Հայերէնով, ընկ. Սիմոնէ Թօփուզեան՝ Անգլերէնով։ Ատենադպրուհի ընտրուեցան ընկերուհիներ, Սիլվա Սաղըրեան եւ Անիք Քէշիշեան՝ Հայերէնի, ընկ. Սիլվա Ճէրիքեան եւ Հելէնա Պարտաքճեան՝ Անգլերէնի։
Ժողովը անցաւ իր յանձնախումբերու ընտրութեան.- Իրաւասութիւն Քննող, Ընտրողական, Հաշուեքննիչ, Արխիւային, Ժողովավարական կանոններու խորհրդատու, թղթակից եւ հսկիչ։ Վարչութեան կողմէ յատուկ հիրասիրութեան համար Ժողովը դադար առաւ։a
Շրջանային Ժողովը շարունակեց իր ընթացիկ օրակարգի գործադրութեան։ Ընկհ. Գարոլին Շմաւոնեան՝ Հ.Օ.Մ.ի Կեդրոնական Վարչութեան ներկայացուցիչը, ներկայացուց Կեդրոնական Վարչութեան 2014-2015 տարեկան տեղեկագիրը Power Point-ով։ Պատգամաւորները մեծապէս գնահատեցին այս ներկայացման ձեւը։
Ընկհ. Մելիսա Սիմոնեան ներկայացուց Հ.Օ.Մ.ի Արեւելեան Շրջանի Շրջանային Վարչութեան Տարեկան Նիւթաբարոյական Տեղեկագիրը, նոյնպէս power point-ով։ Հարցումներէ եւ լուսաբանութիւններէ ետք, եղաւ ծրագիրներու քննարկում։
–ՀՕՄ-ի Երիտասարդական Ծրագիրը (Youth Connect Program) մեծապէս գնահատուեցաւ պատգամաւորական ժողովին կողմէ։ Ներկաները ամփոփ տեսաներիզի մը ցուցադրութենէն ետք, անդրադարձան այս ծրագրի կարեւորութեան շրջանէն ներս։
Երիտասարդական Ծրագիրը կը ներգրաւէ համալսարանական աշակերտներ տարբեր համալսարաններէ եւ ուսանողական մասնագիտութիւններէ, որոնք քով քովի գալով կը քննարկեն այլազան հարցեր։b
-Հայաստան Ճամբարի առնչութեամբ եղան հարցումներ ճամբարի դասագրքին մասին, ինչպէս նաեւ ճամբարի նորոգման ու վերաշինութեան։ Հ.Օ.Մ.ը միշտ պատրաստ կը մնայ սատարելու Ճամբարին։
-Ուսումնական Կրթաթոշակներ աւարտական եւ նախա-աւարտական ուսանողներու։
-Գիտաժողովներ շրջանէն ներս՝ երիտասարդ ուժեր ներգրաւելու միտումով։
-Սուրիահայութեան Օգնութիւն- Ընկերուհիներուն առաջնահերթ մտահոգութիւնն էր Սուրիոյ, մասնաւորապէս Հալէպի Հայութեան վիճակը։ Մասնաճիւղերը պիտի շարունակեն օժանդակել Հ.Օ.Մ.-ի ծրագրերուն։
Ժողովի օրակարգը շարունակուեցաւ կեդրոնանալով Ստեփանակերտի Սօսէ մանկապարտէզի շինութեան աշխատանքներուն վրայ։ Յանձնախումբի Ատենապետուհին՝ ընկհ. Անժէլ Մանուկեան, յատուկ տեսաներիզով, ներկայացուց կառոյցին ներկայ անապահով վիճակը ու շեշտեց նոր շէնքի մը կառուցման անհրաժեշտութիւնը։ Մասնաճիւղերու ներկայացուցիչները եւս անդրադառձան շէնքի անապահովութեան, ու մանուկներու ապահովութեան կարեւորութեան։ Ներկայ մասնաճիւղերու պատգամաւորները տեղւոյն վրայ գոյացուցին $32,000՝ յատկացուելու մանկապարտէզի շինութեան ֆոնտին։c
Ընկհ. Անժէլ Մանուկեան, երեկոյեան Պարահանդէսին ընթացքին, յայտարարեց Տէր եւ Տիկ. Օրէլեան եւ Անահիտ Մարտիրոսի $50,000-ի առատաձեռն նուիրատուութիւնը Ստեփանակերտի մանկապարտէզի շինութեան ֆոնտին։ Մեծագոյն Պոսթոնի գաղութը ծանօթ է Մարտիրոս ամոլի առատաձեռն նուիրատուութիւններուն։ Այսպիսով $82,000 տոլար կարելի եղաւ գոյացնել Ստեփանակերտի Սօսէ մանկապարտէզի շինութեան ֆոնտին:
95րդ Պատգամաւորական ժողովը վերատեսութեան ենթարկեց շրջանայինի տեղեկագիրը, ու հաստատեց 2015-2016-ի պիւտճէն։ Պատգամաւորական Ժողովը մեծապէս գնահատեց Վարիչ Տնօրէն ընկհ. Վարդուհի Չիլոյեանի յարատեւ նուիրումը, ու շինիչ ծառայութիւնը Հ.Օ.Մ.-ի Արեւելեան Ամնի Շրջանին։
Ընկերուհի Թալին Տաղլեան Վարչութեան անունով գնահատեց արեւելեան շրջանի բոլոր անդամուհիներուն անսակարկ նուիրումը, որուն արդիւնք՝ միութիւնը յաջողած է յառաջ տանիլ իր բոլոր աշխատանքները եւ իրագործել իր պարտաւորութիւնը։ «Մենք պիտի շարունակենք ծառայել հասնելու Հայ Ազգի ծովածաւալ կարիքներուն,» ըսաւ ընկերուհին։d
Ընկհ Տաղլեան աւելցուց, «Տարին սկսանք նպատակ ունենալով Արեւելեան Շրջանի նիւթական վիճակը կայունացնել, գործօն ազդեցութիւն ունենալ մեր գաղութներէն ներս եւ զօրացնել մեր շարքերը։ Այս համատեղ աշխատանքը կը ծառայէ ոչ միյայն Ամերիկահայ գաղութին այլ նաեւ Հայաստանին, Արցախին, Ճաւախքին եւ Սփիւռքին։ Մենք կը շարունակենք մեր ուխտը, մի՛շտ Ժողովուրդիս հետ, ժողովուրդիս համար։
«Մինչ վերատեսութեան կÿենթարկենք մեր անցեալ տարուան ու անցեալ հարիւր եւ հինգ տարիներու աշխատանքները, միեւնոյն ատեն կը մշակենք մեր յաջորդ տարուան ու գալիք հարիւր տարիներու ծրագիրները։
«Վստահ ենք, որ միասնաբար մեր ապագան պիտի կերտենք մեր հարուստ անցեալին վրայ։ Մեր խորին շնորհակալութիւնը կը յայտնենք մեր անդամներուն, նուիրատուներուն ու մեզ քաջալերողներուն, որոնք առատաձեռնօրէն նուիրեցին իրենց ժամանակն ու նիւթական սրտաբուխ օժանդակութիւնը»։Hamazkayin 2Hamazkayin 3
Ուրբաթ երեկոյեան Ժողովականները հիւրասիրուեցան հիւրընկալ Մասնաճիւղերու պատրաստած համադամ ընթրիքը համտեսելու եւ վայելելու Համազգայինի պարախումբի ներկայացուցած յայտագիրը։
Շրջանային Վարչութեան կազմէն ընկերուհիներ Սիլվա Պետեանի, եւ Մելիսա Սիմոնեանի պաշտօնավարութեան շրջանը լրացած ըլլալով, Ժողովը ամբողջացուց իր օրակարգը՝ միաձայնութեամբ Շրջանային Վարչութեան անդամ ընտրելով ընկերուհիներ ՄարիԱնն Պոնճուքլեան եւ Սիլվա Սաղըրեան։ Փոխ անդամ ընտրուեցաւ ընկհ. Սիմոնէ Թօփուզեան։
Արեւելեան Ա.Մ.Ն.-ի ներկայ Շրջանային Վարչութիւնը կը բաղկանայ հետեւեալ եօթը անդամներէն.-
Թալին Տաղլեան, Ատենապետուհի, Ակնունի մասնաճիւղ , Նիւ Ճըրզի

Սեւան Քոլէճեան, Փոխ-Ատենապետուհի, Սաթենիկ մասնաճիւղ Ուաշինկթըն, Տի.Սի.

Մարճի Պապիկեան, Գանձապահ, Պըրկըն Քաունթի մասնաճիւղ Նիւ Ճըրզի

ՄարիԱնն Պոնճուքլեան, Քարտուղարուհի, Պըրկըն Քաունթի մասնաճիւղ, Նիու Ճըրզի

Թալին Մկրտիչեան, Խորհրդատու, Արաքս մասնաճիւղ, Րոտ Այլընտ

Սոնիա Պզտիկեան, Խորհրդատու, Մայր մասնաճիւ , Նիւ Եորք

Սիլվա Սաղըրեան, Խորհրդատու, Ցոլիկ մասնաճիւղ, Միշիկըն

Շատ յաջող ու շինիչ Պատգամաւորական ժողով մըն էր որ կը վերջանար։ Ընկերուհիները ոչ միայն քննարկեցին անցնող տարեշրջանի աշխատանքները, այլ եւ բծախնդրօրէն ուսումնասիրեցին ապագայ ծրագիրներ ու աշխատանքներ։
Պատմագաւորական ժողովը իր երախտագիտութիւնը յայտնեց Միշիկընի Հ.Օ.Մ.ի Զապէլ, Մարօ, Շաքէ, Սիպիլ, եւ Ցոլիկ մասնաճիւղերու ընկերուհիներուն, գնահատելով անոնց բծախնդիր մօտեցումը Պատգամաւորական Ժողովի պատրաստութեան աշխատանքներուն։
Շաբաթ երեկոյեան պատգամաւորները հաւաքուեցան խրախճանքի։ Օրուան հանդիսավարն էր ընկհ. Սօսէ Ներսէսեան, որուն մասնաճիւղերու անունով բարի գալուստի մաղթելէն ետք, ընկհ. Տանա Քաջերեան գնահատականներ փոխանցեց Միշիկընի հինգ մասնաճիւղերէն հետեւեալ ընկերուհիներուն՝
Էտնա Աւետիսեան եւ Գարոլին Արսլանեան, Մարօ մասնաճիւղ

Րիթա Տիլանեան եւ Սոնա Միշիկեան, Սիպիլ մասնաճիւղ

Ալիս Փիլիպոսեան եւ Սիրվարդ Թէլպէլեան, Շաքէ Մասնաճիւղ

Շաքէ Պասմաճեան, Ցոլիկ Մասնաճիւղ

Գնահատանքի նուէրներ ստացան շրջանաւարտ ընկերուհիներ՝ Մելիսա Սիմոնեան ու Սիլվա Պետեան Շրջանային Վարչութեանս կազմին վրայ իրենց նուիրեալ ծառայութեան համար։
Շրջանային Վարչութեան Ատենապետուհի Ընկհ Թալին Տաղլեան հրաւիրեց Ընկ. Թաթուլ Սոնենց ստանալու «Ակնունի» Մրցանակը, Շրջանիս ամենաբարձր գնահատականը, կոչուած Հ.Օ.Մ.-ի հիմնադրի անունով, առ ի գնահատանք անոր տասնամեակներ շարունակ երկարատեւ ու անսակարկ նուիրումին միութեանս ու Հայ գաղութիս։
«Ես պատիւ կը զգամ», ըսաւ ընկհ. Տաղլեան, «խօսելու ծառայասէր անհատի մը մասին, որը տարիներու անխոնջ նուիրումով իր կեանքը նուրիեց հայ կազմակերպութիւններուն։Ընկ Թաթուլ Թարգմանիչն է շատ մը բանաստեղծական հրատարակութիւններու։ Արժանացած է «Մեսրոպ Մաշտոց» շքանշանին՝ Վեհափառ Արամ Ա.ի ձեռամբ, ինչպէս նաեւ Հայ Դատի «Քարտաշեան» շքանշանին։ ներկայիս Ընկ Թաթուլը կը տնօրինէ Հ.Օ.Մ.-ի Արխիւներն ու Հրատարակութիւնները»։
Ընկ Սոնենց, խորապէս զգացուած, ընդունեց Ակնունի Մրցանակը,
«Հպարտութեամբ ու խոնարհօրէն կը ստանամ այս մրցանակը իմ շատ սիրելի կազմակերպութենէս, Հ.Օ.Մ.-էն։ Այս Պատիւին արժանի են բոլոր անձնուէր Հ.Օ.Մ.-ուհիները, առանց անոնց զօրակցութեան ես հոս չէի ըլլար այսօր, ստանալու այս իւրայատուկ մրցանակը։ Իմ Սիրելի Ընկերուհիներ, ամենայն խոնարհութեամբ շնորհակալութիւն կը յայտնեմ բոլորիդ»:
Երեկոն խանդավառեց երգիչ Վաչէ Զաքարեան եւ իր նուագախումբը։

Դադարի ընդմիջումին տեղի ունեցաւ այս տարուան վիճակահանութիւնը.-

1st prize Ralph Lauren Collection Equestrian Saddle Zip Tote in Maize

Ticket # 0580 ARS Shakeh Chapter, Detroit, MI

2nd prize Gold bracelet with pearls donated by Mr. Khatchig Hagopian

Ticket # 1380 Lena Orangian, New York, NY

3rd prize Diamond baby cross in white gold, donated by AK Jewelry

Ticket # 0017 Linda Tarzian, Ridgewood, NJ

4th prize Handwoven 4×6 Tufenkian rug from the Kazak Collection donated by

Tufenkian Artisan Carpets, NY

Ticket # 0136 Heather Krafian, Belmont, MA

5th prize Dell Venue 8 Pro 64GB Tablet, value is $300.

Ticket # 0652 Talar Tarakdjian, Henderson, NV

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles