Հ.Օ.Մ.-ի Յայտարարութիւն

0 0
Read Time:1 Minute, 3 Second

Անցնող տարուայ Արցախեան հայրենիքի դէմ ազէրի հորդաներուն ի գործ դրած ապրիլեան տմարդի ներխուժումէն ասդին, արդէն իսկ նոր Ապրիլի մը անկայուն իրադրութեան սկիզբն է որ կ՚ապրինք։
Հարկ չկայ ըսելու, թէ հակառակ իր կրած պարտութեան, ատելութեամբ մոլեգնած թշնամին կը շարունակէ մնալ իր ռազմատենչ դիրքերուն վրայ։ Անսալով այս իրավիճակի իրողութենէն յառաջացած նորանոր վտանգներուն, հայրենի թէ սփիւռքի հայութիւնը պարտի շարունակել, աչալուրջ ու միացեալ, միատեղե՛լ իր ուժերը՝ դիմագրաւելու համար ամէն հաւանականութիւն։
Այդ միասնական ոգիով է որ, մի՛շտ մնալով համայն հայութեան կողքին, Հայ Օգնութեան Միութիւնը, իր աշխարհատարած միաւորներով, իր սրբազան պարտականութիւնը նկատեց — ու կը նկատէ — հասնիլ հերոսական Արցախի օգնութեան՝ ամոքելով անոր բոլո՛ր վիրաւոր զինեալներուն, սահմանամերձ աւերակի վերածուած գիւղերու եւ աւաններու բնակիչներուն եւ անոնց բոլո՛ր հարազատներուն ցաւն ու վիշտը՝ բարոյապէս ու նիւթապէս սատար հանդիսանալով հարկ եղած խնամքի ու վերաշինութեան աշխատանքներուն։
Արդարեւ, ազէրի նախայարձակ գործողութիւններուն առաջի՛ն օրէն իսկ, Հ.Օ.Մ.-ը, իր Արցախի ու Հայաստանի միաւորներուն նուիրեալ եւ անխոնջ գործակցութեամբ, Արցախի իշխանութիւններուն ցուցմունքներով, ինչպէս ըսինք, անմիջական օգնութիւն կը հասցնէր տնազուրկ դարձած, ճակատներու վրայ կռուող — զոհուած ու վիրաւոր — մարտիկներու ընտանիքներուն ու հարազատներուն, հոգալով ու հասնելով անոնց ամենօրեայ կարիքներուն։
Այսօր, ինչպէս ապրիլեան այդ հոգեմաշ օրերուն, երբ մահու կենաց պայքարի մէջ էր Արցախի հերոսական ժողովուրդը, Հայ Օգնութեան Միութիւնը, իր նուիրեալ շարքերով, կը մնայ պատնէշի վրայ, պատրաստ ամէն զոհողութեան։

ՀԱՅ ՕԳՆՈՒԹԵԱՆ ՄԻՈՒԹԵԱՆ ԿԵԴՐՈՆԱԿԱՆ ՎԱՐՉՈՒԹԻՒՆ

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles