Հ.Օ.Մ.-ի Կեդրոնական Վարչութեան Պատուիրակութիւնը Այցելեց Հ.Հ. Սփիւռքի Նախարարութիւն

0 0
Read Time:1 Minute, 39 Second


ԵՐԵՒԱՆ.- Սեպտեմբեր 13-ին Հ.Հ. սփիւռքի նախարար Հրանոյշ Յակոբեան ընդունեց Հ.Օ.Մ.-ի Կեդրոնական վարչութեան պատուիրակութիւնը` ատենապետուհի Քարոլին Շմաւոնեանի գլխաւորութեամբ : Հ.Օ.Մ.-ի պատուիրակութեան կազմին մէջ էին փոխատենապետուհի Նայիրի Տէրտէրեան, քարտուղարուհի Ռիթա Հինթլեան, գանձապահ Սիլվա Գույումճեան, Կեդրոնական Վարչութեան անդամներ Լիզա Աւագեան, Նելլի Վեքիլեան, Աննա Տէր Յակոբեան, Վարսենիկ Սարգիսեան, Սոնիա Աքելեան, Ալիսիա Պեճանեան եւ գործավարներ՝ Օժիկ Գրիգորեան եւ Նելլի Նարկիզեան:
Ողջունելով հիւրերը` նախարարը շնորհաւորեց կառոյցի անդամները` Հ.Օ.Մ.-ի Հայաստանի Շրջանային վարչութեան 25-ամեակին եւ սեպտեմբեր 6-ին Արցախի մայրաքաղաք Ստեփանակերտի մէջ Հ.Օ.Մ.-ի «Սօսէ» մանկապարտէզի հանդիսաւոր բացման առթիւ: Հրանոյշ Յակոբեան կարեւոր համարեց սփիւռքի մէջ Հ.Օ.Մ.-ի հայանպաստ գործունէութիւնը, առողջապահական, կրթական, սոցիալական ծրագիրներու իրականացումը, պատշաճ ուշադրութիւնը լեզուի եւ ինքնութեան պահպանութեան հարցերուն: Ան մասնաւորապէս նշեց.- «Ուրախ եմ, որ հաւաքուել էք Կենտրոնական վարչութեան ամբողջ կազմով: Մենք հպարտանում ենք Հ.Օ.Մ.-ով, որովհետեւ մէկ դարից աւելի է` այսքան ազգանուէր աշխատանքներ էք կատարել: Դուք ձեր գործունէութեամբ ապացուցել էք, որ հայ կինը նուիրեալ է, նախաձեռնող, գործունեայ: Աշխարհի բոլոր կէտերում Հ.Օ.Մ.-ուհիների արածը միշտ էլ արդիւնաւէտ է եղէլ: Շատ կարեւոր են հայոց լեզուի պահպանութեան հարցերին ուղղուած գործունէութիւնը, յատկապէս երիտասարդների շրջանում: Ինքնութեան պահպանման, երիտասարդներին հայ պահելու համար մեծ նշանակութիւն ունեն նրանց Հայաստան այցելութիւնները»:
Նախարարը ներկայացուց Սահմանապահ գիւղերու աջակցութեան» ծրագիրը եւ առաջարկեց 43 գիւղերէ ընտրել մէկը ու այն դարձնել «Հ.Օ.Մ.-ի գիւղ», շէնացնել զայն, մանկապարտէզ, դպրոց վերանորոգել, ընկերային ծրագիրներ իրականացնել:
Քննարկուեցան Հայաստան-Սփիւռք համահայկական 6-րդ համաժողովին կառոյցի մասնակցութեան, Հ.Հ. սփիւռքի նախարարութեան եւ Հ.Օ.Մ.-ի միջեւ համագործակցութեան զարգացմանն ու ամրապնդմանը վերաբերող հարցեր:
Հ.Օ.Մ. Կեդրոնական վարչութեան անդամները շնորհակալութիւն յայտնեցին ջերմ ընդունելութեան եւ բարձր գնահատանքի համար: Անոնք նախարարին ներկայացուցին իրականացուած աշխատանքները, պատրաստակամութիւն յայտնեցին մասնակցելու «Սահմանապահ գիւղերու աջակցութիւն» շարժումին, աշխուժացնել մասնակցութիւնը նախարարութեան ծրագիրներուն:
Հ.Օ.Մ.-ը Հայաստանի մէջ արձանագրուած է 1991 թուականին եւ շուրջ 600 անդամուհիներով կը գործէ Հայաստանի Հանրապետութեան 48 համայնքի մէջ:
Հ.Օ.Մ.-ի առաքելութիւնն է` նպաստել Հայաստանի Հանրապետութեան մէջ իրաւական, ժողովրդավարական պետութեան ձեւաւորման եւ քաղաքացիական հասարակութեան կերտման գործընթացքին, օժանդակել հայ ժողովուրդի ընկերային, կրթական, առողջապահական եւ բարեսիրական ծրագիրներու իրականացման:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles