Հ.Օ.Մ.-ի Ատենապետուհի՝ Վիգի Մարաշլեան Ներկայ Գտնուեցաւ Աւստրալիոյ Միաւորի Յիսնամեակի Տօնակատարութեան

0 0
Read Time:1 Minute, 45 Second

hom

Հ.Օ.Մ.-ի աւելի քան հարիւրամեայ համահայկական գործունէութեան մէջ կեսդարեայ ներդրում ունեցող Աւստրալիոյ միաւորը անցնող օրերուն հանդիսաւորապէս նշեց իր հիմնադրութեան յիսնամեակը: Տօնակատարութեան առթիւ Աւստրալիոյ Հայ Օգնութեան Միութեան Շրջանային Վարչութեան հրաւէրով, Յուլիս 25- Օգոստոս 3, 2015ին, Հ.Օ.Մ.-ի Կեդրոնական Վարչութեան ատենապետուհի՝ Վիգի Մարաշլեան այցելեց շրջանը:
Աւստրալիոյ Շրջանային Վարչութեան հովանաւորութեամբ Օգոստոս 2015 –ին կայացած Յիսնամեակի տօնակատարութեան պաշտօնական հանդիսութեան ընթացքին, Կեդրոնական Վարչութեան ատենապետուհին ներկաներուն փոխանցեց Հ.Օ.Մ.-ի պատգամը: Խօսքին մէջ ան անդրադարձաւ Հ.Օ.Մ.-ի համահայկական ծրագիրներուն եւ միութեան առաքելութեան:
«Երկար տասնամեակներու ընթացքին, հայ ժողովուրդը երբէք չէ զլացած իր օժանդակութիւնը Հայ Օգնութեան Միութեան, նեցուկ կանգնելով եւ հաւատալով անոր տեսլականին, համահայկական բնոյթին, ու էութեան: Այսօր եւս կը մնանք նո՛յն հաւատքին վրայ, որովհետեւ այն ինչ որ ստացած ենք ժողովուրդէն, վերադարձուցած ենք ժողովուրդին՝ հոն ուր կարիքը կար:
Հ.Օ.Մ.-ը արդէն թեւակոխած է նոր դարաշրջան մը: Հիմա՛ ժամանակն է արդի հարիւրամեակի տեսլականով Հ.Օ.Մ.ի հիմքերը ամրացնել եւ նոր ուժերով շարունակել Միութեանս առաքելութիւնը: Բոլորի՛ս յայտնի Հ.Օ.Մ.ի կամաւոր բանակին աշխատանքի արդիւնքին հետեւելով, պարտի՛նք քաջալերել եւ գործի մղել հայ երիտասարդ տարրը եւ տարածել մեր Միութեան ոգին, ամենուրէ՛ք: …Վերջապէս, այսօրուան այս ձեռնարկը մեզի համար յաղթանակի ձեռնարկ է, որովհետեւ ան կու գայ փաստելու, թէ հակառակ Սփիւռքի եւ հայրենիքի մէջ մեր դիմագրաւած բոլո՛ր մարտահրաւէրներուն, այս կազմակերպութիւնը, այսօր, աշխո՛յժ եռանդով կը շարունակէ իր աշխատանքը աւելի մեծ թափով եւ նուիրումով, իր շուրջ հաւաքելով նոր երիտասարդ ուժեր եւ տալով այն երաշխիքը թէ ան պիտի բոլորէ նոր հարիւրամեակներ Հ.Օ.Մ.ականի վերանորօք հաւատքով» ըսաւ Մարաշլեան:
Նոյն ժամանակաշրջանին, տեղւոյն Շրջանային Վարչութեան եւ Հ.Օ.Մ.-ի անդամներու ընկերակցութեամբ Մարաշլեան հանդիպումներ ունեցաւ Աւստրալիոյ եւ Նոր Զելանտայի Թեմի Առաջնորդ՝ Գերշ. Տէր Հայկազուն Եպիսկ. Նաճարեանին, համայնքի ներկայացուցիչներուն եւ Համազգայինի Արշակ եւ Սօֆի Գօլստըն Ճեմարանի տնօրէնութեան հետ: Հանդիպումներուն ընթացքին քննարկուեցան գաղութը յուզող հարցեր եւ Սուրիահայութեան ներկայ իրավիճակը: Միաժամանակ, բարձր գնահատուեցաւ Հայ Օգնութեան Միութեան գործունէութիւնը տեղական թէ՛ հայկական մակարդակներու վրայ:
Գործիչային այցելութիւններու ծիրէն ներս, Կեդր.Վարչութեան ատենապետուհին ներկայ եղաւ Աւստրալիոյ Հ.Օ.Մ.-ի միջ-վարչական ժողովին, ինչպէս նաեւ հանդիպումներ ունեցաւ Հ.Օ.Մ.-ի մասնաճիւղերու ներկայացուցիչներուն հետ: Այս հանդիպումներուն ընդմէջէն կարելի եղաւ մօտէն ծանօթանալ միաւորին գործունէութեան ու անոր դիմագրաւած մարտահրաւէրներուն:

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles