ՊԱՅՔԱՐ` ՄԱՐԴԿՈՒԹԵԱՆ ԴԷՄ ՈՃԻՐՆԵՐՈՒ Ի ՆՊԱՍՏ ԳՈՐԾՈՂ ԸՆԿԵՐՈՒԹԻՒՆՆԵՐՈՒՆ

0 0
Read Time:59 Second

ANCA_Fidelity  Ամերիկայի Հայ Դատի յանձնախումբի Արեւելեան շրջանի ներկայացուցիչները մասնակցեցան “Ֆիտելիթի“ հիմնադրամի բաժնետէրերու հետ հանդիպման եւ արծարծեցին ընկերութիւններու ներդրումները` ցեղասպանութեան դէմ:

Հիմնադրամի բաժնետէրերուն հետ հանդիպման մասնակցեցան Հայ Դատի յանձնախումբի Արեւելեան շրջանի գործադիր տնօրէն Միշել Յակոբեան եւ Հայ դատի գործիչ Տիգրան Խալիկեան: Հանդիպման ընթացքին քննարկուեցաւ ցեղասպանութիւններուն եւ մարդկութեան դէմ ոճիրներուն նպաստող վարչակարգերուն օգնող ընկերութիւններուն մէջ ներդրումներէն խուսափելու հարցը:

Հայ Դատի յանձնախումբի Արեւելեան շրջանի գործադիր տնօրէն Միշել Յակոբեան յայտնեց, որ “Ֆիտելիթի“-ի բաժնետէրերուն հետ հանդիպումը ցոյց տուած է, որ միլիոնաւոր ամերիկացիներ կը ցանկան ներդրումներ կատարել այն ընկերութիւններուն մէջ, որոնք կապակղութիւն չունին ցեղասպանութիւններու հետ: Յակոբեան յայտնեց թէ Ամերիկայի Հայ դատի յանձնախումբը եւ Ներդրումներ Ցեղասպանութեան դէմ ընկերութիւնը, իրենց գործունէութեան միջազգային ուղղուածութիւն պիտի հաղորդեն` յանցաւոր վարչակարգերուն յատկացուող տնտեսական աջակցութեան վերջ տալու համար:

Հանդիպման ընթացքին բաժնետէրերը պահանջեցին, որ հիմնադրամի ղեկավարող խորհուրդը թափանցիկ ընթացակարգեր իրականացնէ` ցեղասպանութիւններուն եւ մարդկութեան դէմ ոճիրներուն նպաստող երկիրներու ընկերութիւններուն մէջ ներդրումները բացառելու համար: Միացեալ Նահանգներու դաշնակցային օրէնքը քարիւղի ընկերութիւններուն եւ շատ մը այլ ընկերութիւններուն կ՛արգիլէ գործել Սուտանի մէջ: Որոշումը կը մեկնաբանուի անով, որ “Ֆիտելիթի“-ն եւ ամերիկեան բազմաթիւ այլ տնտեսական կառոյցներ արտասահմանեան բազմաթիւ քարիւղի ընկերութիւններուն մէջ մեծ ներդրումներ կը կատարեն, եւ այդ ընկերութիւններն ալ իրենց հերթին ներդրումներ կը կատարեն Սուտանի մէջ` անուղղակիօրէն օգնելով այդ երկրին կառավարութեան կողմէ իրականացուող Ցեղասպանութեան:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles