Հայ Դատը Կը Զգուշացնէ Նիւ Մեքսիքոյի կարգ մը ղեկավարները

0 0
Read Time:1 Minute, 54 Second

p7 New-Mexico-Advocacy

ՈՒԱՇԻՆԿԹԸՆ.- Հայ Դատի յանձնախումբը կը տեղեկացնէ թէ Նիւ Մեքսիքոյի օրէնսդիր իշխանութեան շէնքին մէջ հաւաքներ եւ ձեռնարկներ պիտի կազմակերպէ, հակադարձելու համար այդ նահանգին մէջ Ատրպէյճանի շահերը առաջ մղելու ջանքերուն: Տեղի պիտի ունենան հանրային հաւաքներ եւ ուսուցողական հանդիպումներ՝ նահանգի օրէնսդիրներուն հետ, Օգոստոս 11-12ին:
Արթ ՄըքՀեֆի, որ 2010ին Իլհամ Ալիեւի կողմէ Ատրպէյճանի պատուոյ հիւպատոս նշանակուեցաւ Նիւ Մեքսիքոյի մէջ, կը շարունակէ պաշտպանել իրաւապաշտպաններու եւ լրատուական միջոցներու կողմէ քննադատուող Պաքուի իշխանութիւնները, պնդելով, որ «այդ երկիրը արժանի չէ դատապարտման»:
Նիւ Մեքսիքոյի Հայ Դատի յանձնախումբի համանախագահ Քեն Քլերեան «Ալպըքըրքի Ճըրնըլ» թերթին տուած հարցազրոյցին ընթացքին յայտարարեց, որ նման միջոցառումներ անհրաժեշտ են հակազդելու համար ատրպէյճանամէտ լոպիական ջանքերուն: «Մեր հանդիպումները տեղի պիտի ուենան վճռորոշ ժամանակաշրջանի մը ընթացքին եւ նպատակ ունին մեր առաջնորդներուն ճշգրիտ տեղեկութիւններ փոխանցել՝ Ատրպէյճանի եւ Թուրքիոյ կողմէ Հայաստանի հասցէին կատարուող սպառնալիքներուն մասին», նշելով, որ Հայաստան փոքր երկիր մըն է անհանգիստ տարածաշրջանի մը մէջ։

«Ալպըքըրքի Ճըրնըլ» թերթը նշած է, որ Ատրպէյճանի կառավարութիւնը խիստ քննադատութեան ենթարկուած է շարք մը հեղինակաւոր կազմակերպութիւններու, ներառեալ՝ Միջազգային Ներում (Amnesty International) կազմակերպութեան կողմէ, որ Պաքուն կ՛ամբաստանէ խիստ գրաքննութեան դիմելու եւ քաղաքական գործիչներ ու լրագրողներ հետապնդելու յանցանքներով:
Թերթը գրած է նաեւ Եւրոպական կայունութեան նախաձեռնութիւն կազմակերպութեան կողմէ Ատրպէյճանի մասին հրապարակուած «Ձկնկիթի դիւանագիտութիւն» զեկոյցին մասին, ուր նշուած էր, թէ Պաքուի ի նպաստ տրամադրուած եւրոպացի դիւանագէտներ աչք կը փակեն մարդկային իրաւունքներու խախտումներուն դիմաց, փոխարէնը Պաքուէն ստանալով արժէքաւոր նուէրներ:
Նշենք թէ «Ուաշինկթըն Փոսթ» թերթը հրապարակած է աշխարհի մէջ բռնապետական համակարգերուն բնորոշ ընտրական զեղծարարութեանց մասին յօդուած մը, ուր յիշատակութիւն կայ նաեւ 2013ին Ատրպէյճանի նախագահական ընտրութեանց եւ Իլհամ Ալիեւի ընտրութիւնը ապահովելու զեղծարարութեանց մասին:
Թերթը բաղդատութիւններ կը կատարէ Ատրպէյճանի ու Հիւսիսային Քորէայի միջեւ, ուր անցեալ Կիրակի քաղաքապետական ընտրութիւններ տեղի ունեցած էին, եւ ընտրողներու 99,97 տոկոսը իբր թէ մասնակցած էր ընտրութիւններուն:
Մեծ ժողովրդականութիւն վայելող այս թերթը այդ առնչութեամբ կը յիշատակէ նաեւ 2013ին Ատրպէյճանի նախագահական ընտրութիւնները եւ հետեւեալը կը գրէ.- «2013ին, նախագահական ընտրութիւններու նախորդող օրը, տակաւին քուէարկութիւնը չէր սկսած, երբ Ատրպէյճանի Կեդրոնական Ընտրական Յանձնաժողովը գրպանի հեռաձայն օգտագործողներուն հաղորդեց ընտրութեանց արդիւնքները: Նշուեցաւ, որ նախագահ Իլհամ Ալիեւ դարձեալ 72 տոկոսով յաղթանակ տարած էր: Ընդդիմութեան թեկնածուն ալ իբր թէ ընդամէնը 10 տոկոս քուէ հաւաքած էր: Սակայն ատեն մը ետք պետական մարմինը հաղորդագրութիւն մը տարածեց, թէ հեռաձայններուն ուղարկուած ցուցանիշները գրանցուած են նախորդ տարիներու ընտրութիւններու ընթացքին եւ սխալմամբ է, որ հրապարակուած են»:

Թերթը կ՛ընդգծէ, որ ընտրութիւններուն մասնակցութեան եւ արդիւնքներու նմանօրինակ բարձր ցուցանիշները բնորոշ են բռնապետական երկիրներուն, որոնց կարգին են Հիւսիսային Քորէա, Ատրպէյճան, Ղազախստան եւ այլն:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles