ՀԱՅՈՑ ՑԵՂԱՍՊԱՆՈՒԹԵԱՆ 100-ԱՄԵԱԿԻՆ ԱՌԻԹՈՎ ԱԶԳԱՅԻՆ ԺՈՂՈՎԸ ՊԱՏՐԱՍՏԵՑ ՅԱՅՏԱՐԱՐՈՒԹԻՒՆ ՄԸ

0 0
Read Time:59 Second

p1 azkayin

 

ԵՐԵՒԱՆ.- Հայոց Ցեղասպանութեան հարիւրամեակին առիթով, Ազգային ժողովը պատրաստեց յայտարարութիւն մը: Այս գծով անդրադարձաւ Հայաստանի Ազգային ժողովի “Բարգաւաճ Հայաստան“ կուսակցութեան խմբակցութեան քարտուղար Վահէ Էնֆիաճեան, Ապրիլ 7-ի նիստի ընթացքին:

Յայտարարութեան վերամշակուած տարբերակին մէջ, յղում կը կատարուի Մ.Ա.Կ.-ի եւ միջազգային շարք մը  հեղինակաւոր կառոյցներու ընդունած այն հռչակագիրներուն եւ օրէնքներուն, որոնցմով կը դատապարտուին 1915-ին Օսմանեան Թուրքիոյ կողմէ իրականացուած ցեղասպանութիւնը:

Յայտարարութեան մշակուած նախագիծին միացած են Ազգային ժողովի բոլոր յանձնախումբերու ներկայացուցիչ պատգամաւորները:

Յայտարարութեան նախագծին մէջ կը նշուի թէ.-

– Հիմք ընդունելով Մ.Ա.Կ.-ի Ընդհանուր ժողովին  կողմէ 1948 թուականի Դեկտեմբեր 9ին ընդունուած “Ցեղասպանութեան յանցագործութիւնը կանխարգիլելու եւ պատժելու մասին“ հռչակագիրը, Խորհրդային Հայաստանի Գերագոյն խորհուրդին կողմէ 1988 թուականի Նոյեմբեր 22ին ընդունուած “Օսմանեան Թուրքիոյ մէջ հայերու  1915 թուականի ցեղասպանութեան դատապարտման մասին“ օրէնքը,

– Արժեւորելով “Հայոց Ցեղասպանութեան 100-ամեակի Համահայկական հռչակագիր“-ին մէջ ամրագրուած դրոյթները,

– Կարեւոր նկատելով միջազգային հանրութեան հետ միացեալ ուժերով մարդկութեան դէմ յանցագործութիւններու, ցեղասպանութիւններու դատապարտման եւ կանխարգիլման ուղղուած ջանքերուն մէջ հայ ժողովուրդին ունեցած ներդրումը,

– Երախտագիտութիւն յայտնելով բոլոր պետութիւններու խորհրդարաններուն եւ պետական կառոյցներուն, որոնք պաշտօնապէս ճանչցած են Հայոց Ցեղասպանութիւնը, ընդունած են Հայոց Ցեղասպանութեան ժխտումը քրէականացնող օրէնքներ.

Կոչ կþուղղուի բոլոր երկիրներու խորհրդարաններուն եւ միջխորհրդարանական կազմակերպութիւններուն, պաշտօնապէս ճանչնալու եւ դատապարտելու Օսմանեան կայսրութեան կողմէ իրականացուած Հայոց Ցեղասպանութիւնը` իբրեւ մարդկութեան դէմ ուղղուած ծանրագոյն յանցագործութիւն:

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles