ՀԱՅԱՍՏԱՆԻ ՎԵՐԱՆԿԱԽԱՑՄԱՆ ՔՍԱՆԱՄԵԱԿԻՆ ԱՌԹԻՒ.- ԽՈՏՈՐ ԵՒ ԸՆԴՎԶԵՑՈՒՑԻՉ ԵՐԵՒՈՅԹՆԵՐ

0 0
Read Time:1 Minute, 38 Second

Հայաստանի վերանկախացման կամ անկախութեան վերահաստատման քսանամեակի ձեռնարկերը հասան իրենց աւարտին, շաբաթներ շարունակ հետեւողական պատրաստութիւններէ եւ աշխատանքներէ ետք:

Հաւաքներ, գիտաժողովներ, մշակութային բնոյթ ունեցող համոյթներ, ցուցահանդէսներ, յուշանուէրներու բաշխումներ…Այսպէս բեղուն օրեր անցուց Երեւանը:

Յոբելինականներու մասնագէտ է հայորդին եւ ամէնադոյզն առիթն անգամ չի փախցներ նշելու համար որեւէ ամեակ: Անշուշտ տարբեր է իր` հայորդիին անկախութեան ամեակը…այս պարագային քսանամեակը: Անկասկած որ փա՜ռք ու պատիւ կը պարտադրէ նմանօրինակ պատմական թուական:

Այսպէս բացառիկ էր տողանցքն ու երեկոյեան, գեղարուեստական արդի կազմուածներով ներկայացուած հանդիսութիւնը:

Յատկապէս այսպիսի հպարտութեամբ լի եւ երջանկային օրերուն անտեղի է կատարել անհիմն եւ անհեթեթ քննադատութիւններ կամ բամբասանքներ, սակայն երբ բազմիցս կը կրկնուին կարգ մը խոտոր եւ ընդվզեցուցիչ երեւոյթներ, այդ պարագային հարկ է չլռել եւ “ճիշտ մատը ճիշտ վէրքին վրայ դնելով“ արտայայտուիլ, մտահոգութիւններ բաժնել եւ գէթ նոյնիսկ, ցասում փոխանցել:

Այս յիշատակելի քսանամեակին առթիւ, բազմիցս պարգեւատրուեցան զանազան բնագաւառներէ ներս, յաչս հայրենիքի իրենց ներդրումը կատարած բազմաթիւ անձնաւորութիւններ: Այսպէս, Հայաստանի Հանրապետութեան պետական բարձրագոյն պարգեւներ, շքանշաններ եւ մետալներ ստացան , հայապահպանման գործին մէջ նշանակելի աւանդ ունեցած եւ հայրենիքին զօրավիգ եղած վաստակաշատ անձնաւորութիւններ: Անոնց շարքին էին

զինեալ ուժերու եւ ռազմական կառոյցներու ծառայողներ, դիւանագիտական ասպարէզէն ներս յաջողութիւն արձանագրած դիւանագէտներ, կղերականներ, նաեւ կրթութեան, առողջապահութեան եւ տնտեսութեան մարզին մէջ պատուաւոր կոչումներու արժանացած սփիւռքահայութեան ականաւոր ներկայացուցիչներ:

Շքանշանները թիւով շատ էին, սակայն խոտոր եւ ընդվզեցուցիչ երեւոյթը այն էր թէ.-

Առաջին` յանձնուող կամ աւելի ճիշտը բաշխուող շքանշաններն ու պարգեւները շատ էին:

Երկրորդ` արդար, տրամաբանական ու ամբողջական ձեւով չէր կատարուած այս շքանշանակիրներու ցանկը:

Այսպէս Նկատի ունենալով, վերոյիշեալ երկու կէտերը, անհասկնալի եւ անընդունելի է պետութեան` Հ.Հ. ղեկավարութեան կողմէ, շռայլօրէն բաժնուած այս տիտղոսներն ու շքանշաններու երեւոյթը:

Շատ աւելի արդար ու տեղին է պակսեցնել նմանօրինակ զեխ պարգեւադրութիւններ եւ աւելի՛ն…յաչս միասնականութեան նկատի բոլոր  բնագաւառներն ու անոնց ետին գտնուող միութիւնները:

Հարցը չարտասուող նորածինին կաթ չհասցնելու պարագան չէ, այլ կրկնենք լուրջ խոտոր ու ընդվզեցուցիչ երեւոյթն է որ կ՛անհանգստացնէ, նոյնիսկ շքանշաններու անունները կրող անդենականի անմահներ Մեսրոպ Մաշտոցն ու Կոմիտասը:

Հայկական միասնականութիւնը մեր ճիտին պարտքն է, եւ մենք անպայմանօրէն կը փափաքէինք, որ այս հանդիսութիւնները միասնականութիւն բուրէին:

Մինչ այդ, անգամ մը եւս ՄԻԱՍՆԱԿԱՄ վերանկախացման քսանամեակ:

 

“Հայրենիք“

Սեպտեմբեր 26, 2011

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles