ՏԻԹՐՈՅԹ.- ՀԱՄԱԶԳԱՅԻՆԻ «ԱՐԱՔՍ» ՊԱՐԱԽՈՒՄԲԻ ԵԼՈՅԹԸ

0 0
Read Time:5 Minute, 11 Second

14980767_10211182544025007_6296458327272899917_nԱնդրանիկ Գարատօլեան

Ինչպէս ուրիշ ազգեր, դարերու ընթացքին կերտած են իրենց ազգային պատմութիւնը ու մշակոյթը, մենք ալ մեր կարգին, հին ազգերէն ըլլալով, մեր չորս հազար տարուայ պատմութեան առընթեր, կարողացած ենք կերտել առանձնայատուկ բազմատար ու բազմաշերտ վիթխարի ու հարուստ մշակոյթ: Սփիւռքի մէջ, հայ թատերախումբ, երգչախումբ ու պարախումբ պահելը, ոչ միայն մշակութային անզուգական գործունէութիւն է, այլ նաեւ ազգապահպանման եւ հայապահպանման սատարող ազդակ:
Տիթրոյթի Համազգայինի մասնաճիւղը համոզուած էր՝ իր հովանին տակ ունենալ պարախումբ մը, որ կարենայ հայրենիքէն հազարաւոր մղոններ հեռու այս օտար, բայց հիւրընկալ ափին ապրող ամերիկածին հայութիւնը, եւ յատկապէս երիտասարդներն ու պատանիները իրար մօտեցնել ու կարենալ կապել իրենց արմատներուն, որովհետեւ պարարուեստը լաւագոյն միջոցն է արմատէն ուժ եւ աւիշ ստանալու եւ սնանելու: Եւ այդ երազանքը կեանքի կոչելու հնարաւորութիւնը ու սպասումը երկար չտեւեց:
12 տարիներ առաջ շնորհիւ պարուսոյց Նայիրի Կարապետեանի վերածուեցաւ իրականութեան: Համազգայինի վարչութեան հետ գործակցաբար, ան խօսքէն անցաւ գործի եւ իր ընկերայնի ու համեստ բնաւորութեամբ ու հետեւողական շինիչ աշխատանքով, կրցաւ շուտով իր շուրջ համախմբել 26 պարման-պարմանուհիներ: Ամիսներու տքնաջան աշխատանքը պսակուեցաւ յաջող ելոյթով, եւ այսպիսով կազմուեցաւ Համազգայինի «Արաքս» պարախումբը: Անոր յաջող ելոյթը արձագանգեց հայ ընտանիքներու յարկերէն ներս, տարուէ տարի պարախումբի անդամներու թիւը ուռճացաւ, եւ ներկայիս «Արաքս» «Հրաշք» եւ «Յոյս» պարախումը իր 140 անդամներով վերածուած է գաղութի ազգապահպանման եւ հայապահպանման լիքաւորող ուժի եւ ոգիի:img_0090

Շաբաթ, Նոյեմբեր 12, 2016-ին Պըրմինկհէմ քաղաքի Սիհոլմ վարժարանի սրահին մէջ, հովանաւորութեամբ Հ.Յ.Դ. Տիթրոյթի «Ազատամարտ» կոմիտէութեան, Համազգայինի «Արաք» պարախումբը, իը հիմնադրութեան 12րդ տարեկան յաջող ելոյթը ունեցաւ:
Ելոյթին ներկայ էին գաղութի երեք յարանուանութեան հոգեւոր հայրերը, Արժպ. Տէր.Հրանդ Քհնյ. Գէորգեան, Պատուակալ հոգեւոր հովիւ, Վերապատուելի Տոքթ. Վահան Թութիկեան, Հայ կաթողիկէ համայնապետ Տէր. Միքայէլ վրդ. Պասալի, «Ազատամարտ» կոմիտէութեան ներկայացուցիչ՝ Ռաֆֆի Ուրլեան, Կոմիտէութեան եւ յարակից միութիւններու ընկ. ընկերուհիներ, եւ հինգ հարիւրէ աւելի մշակութասէր հասարակութիւն մը: Օրուան հանդիսավարն էր «Համազգային»ի վարչութեան ատենապետուհի՝ Հերմինէ Մանուկեան: Ան, իր բարի գալուստի խօսքէն ետք, շնորհակալութիւն յայտնեց Հ.Յ.Դ. «Ազատամարտ» կոմիտէութեան, որ այս տարի, ամբողջովին ստանձնած էր սրահի պարի փորձերու ծախսերը, եւ հանդիսութեան հովանաւորութիւնը: Համազգայինի կողմէ յատուկ շնորհակալութիւն յայտնուեցաւ Յակոբ եւ Այտա Տաքէսեաններուն, որոնք անցեալ տարուայ նման, այս տարի եւս հինգ հազար տոլար նուէրին, ինչպէս նաեւ այլ նուիրատուներուն:
Նաեւ շնորհակալութիւն յայտնուեցաւ Սուրբ Սարգիս Եկեղեցւոյ հոգեւոր հովիւ Արժպ. Տէր Հրանդ Քհնյ. Գէորգեանին ու եկեղեցւոյ հոգաբարձութեան, որ անվճառ սենեակ մը տրամադրած են Համազգայինի գոյքերու ու տարազներու պահպանման, ինչպէս նաեւ սրահի գործածութեան միութենական ժողովներու եւ ձեռնարկներուն, նաեւ Հ.Բ.Ը.Մ.-ի Ալեքս եւ Մարի Մանուկեան վարժարանի տնօրէնութեան, կարգ մը տարազներու փոխատուութեան: Ինչպէս նաեւ Հայաստանեայց Առաքելական Սուրբ Յովհաննէս Մկրտիչ եկեղեցւոյ հոգեւոր հովիւին եւ հոգաբարձութեան, որ մարզասրահը սիրայօժար տրամադրեցին պարի փորձերու գործածութեան: Ապա, շարունակելով իր խօսքը, Հերմինէ Մանուկեան ըսաւ.-«Մեծայարգ հրաւիրեալներ, եւ շատ սիրելի մշակութասէր ծնողներ եւ հայորդիներ: Ձեր զոհողութիւններու, ազգասիրութեան, մշակութասիրութեան արդիւնքն է 12 տարիներու Արաքս պարախումբի գոյութիւնը: Փառք ու պատիւ ձեզ նման նախանձախնդիր հայորդիներու, որ սկզբանէ թեւ եւ թիկունք կանգնեցաք Համազգայինի, եւ 48 տարիներու ծանրութիւնը թեթեւցուցիք: Նոյեմբեր ամիսը կարծէք յատկանշական ամիս դարձած ըլլայ Համազգայինին, թէ ըլլայ Տիթրոյ-թահայութեան, քանի մէկ տարուայ յոգնաջան պարի փորձերը պիտի ներկայացուին հանրութեան իրենց լաւագոյն կատարողութեամբ: 140 հաշուող մեր երիտասարդները, պատանիները ու փոքրիկները, Համազգայինի ծրագիրներուն ուժականութեան եւ աւիշ տուող ազդակներն են: Ազգային երգերով ու պարերով սնած հայորդիներէն կարելի է ակնկալել ապագայի հայ մարդ, որ պատրաստ ըլլայ ծառայելու իր Ազգին եւ Հայրենիքին: Ահաւասիկ այս հոգեբանութեամբ կը դաստիարակուին պարախումբի մասնակիցները: Անոնք երգերուն ու պարերուն հետ կը ծանօթանան հայկական գիւղերու, գաւառներու տոհմիկ կենցաղին նիստ ու կացին, տարազներուն, մէկ խօսքով փառք ու սովորութիւններուն»:
Պարուսոյց ու ղեկավար Նայիրի Կարապետեան, եւ իր օգնական պարուսոյց պրն. Տիգրան Քալընի ամբողջական նուիրումի ծառայութիւնը վեր է մարդկային ըմբռնումներու մակարդակէն:

Տիգրան Քալըն, Համազգայինի անսակարկ ծառայութեան համար արժանացաւ, 2015-2016 տարեշրջանի Ա. Մ.Ն.ի Արեւելեան շրջանի Համազգայինի Շրջանային վարչութեան «Օրինակելի Ծառայող»ի մրցանակ յուշանուէրին:
Մանուկեան, իր խօսքը փակելէ առաջ շնորհակալութիւն յայտնեց պարողներու ծնողքներուն, որոնք օգնեցին տարազներու կարային աշխատանքերուն: Ապա, պարախումբը բեմ հրաւիրեց ներկայացնելու օրուայ յայտագիրը:
Պարուսոյց ու ղեկավար Նայիրի Կարապետեանը կրցած էր բծախնդրութեամբ ու գեղեցկօրէն ի մի բերած եւ դասաւորել, 23 ազգայնաշունչ, ռազմաշունչ, հայրենասիրական, եւ տոհմիկ պարեր, որոնք նուիրուած էին Արցախի քառօեայ պատերազմին զոհուած հայ զինուորներու յիշատակին ու Արցախի քաջարի ժողովուրդին:unnamed-1
Յայտագիրը սկսաւ Արցախի ազգագրական պարով: Արաքս, Հրաշք եւ Յոյս, խմբակներու երիտասարդներ, պատանիներ, փոքրիկներ, տղաք ու աղջիկներ, զգեստաւորուած հաՅկական գունագեղ տարազներով, պարեղանակի համընթաց ոտքերու, ձեռքերու եւ մարմնի համաչափ ու ներդաշնակ ոստումներով ներկայացուցին սպասուածէն աւելին, արժանանալով ներկայ հանդիսականՆերու քաջալերական «Հազար Ապրի՞ք» բացագանչութեան: Յայտագրի առաջին բաժինի վերջընթեր երրորդ պարէն առաջ, մութ ու միստիկ լռութեան մէջ հնչեց տաղանդաւոր մեծ բանաստեղծ ու նահատակ՝ Պարոյր Սեւակի « Մենք Քիչ Ենք, Բայց Մեզ Հայ Են Ասում» ազգայնաշունչ բանաստեղծութիւնը: Յայտագիրը իր աւարտին հասաւ «Եռագոյն»ի նուիրուած պարով: Ինչպէս չհիանալ, չհրճուիլ, չոգեւորուիլ, ուրախութեան յուզում, հոգեկան գոհացում, բաւարարութիւն եւ հպարտանք չունենալ, ի տես բեմահարթակին վրայ ներկայութիւնը երեք խումբերու, 140 մեծ ու փոքր տղաքներ ու աղջիկներ, զգեստաւորուած հայկական աւանդական գունագեղ տարազներով, մէջքերնին եռագոյն երիզը գօտեպնդաց, ձեռք-ձեռքի բռնած, իսկ միւս ձեռքի երագոյն դրօշը վերամբարձ, բեմը զարդարեցին իրենց ներկայութեամբ: unnamed-7
Քայլերու ու մարմինի ներդաշնակ համաչափ շարժումներով, եւ գետին ոտքերու զօրաւոր զարկով, եւ բացագանչութիւնով ղղրդացուցին բեմը, յոտնկայս արժանանալով հանդիսա-կաներու երկար ծափողջոյններուն եւ բացագանչութեան: Շուրջ մէկ տարուայ տքնաջան աշխատանքի մը յաջող արդիւնքը կը թուէր ըլլալ ան: Ամէն պարագայի Համազգայինի «Արաքս» պարախումբը անցնող 11 տարիներ գաղութին մէջ շարունակաբար բեմական ելոյթները, եւ այս տարուան ելոյթը, իր նախորդներուն նման շնորհալի եւ յաջող ելոյթ մըն է, թէ՝ իր գոյութեամբ, եւ թէ՝ յարատեւութեամբ, պէտք է գուրգուրալ եւ քաջալերել: Իսկապէս գնահատելի աշխատանքի մը արդիւնքն էր Համազգայինի «Արաքս» պարախումբի ելոյթը, որով կրնայ հպարտ ըլլալ Տիթրոյթի Համազգայինի մասնաճիւղը, առաջին հերթին պարող մեծ ու փոքր տղաքն ու աղջիկները, պար-ուսոյցները, մասնաճիւղի վարչութիւնը, եւ օժանդակ ծնողները որոնք ճիգ չէին խնայած յաջողութեան պատուին հասնելու: Երբ յետադարձ ակնարկ մը կը կատարենք Համազգայինի «Արաքս» պարախումբի հիմնադրութեան 12 տարիներու արձանագրած վերելքին ու յաջողութիւնը գաղութի ազգային, մշակութային եւ հասարակական բնագաւառներուն մէջ, հպարտանքով կ՚ըսենք՝ վարձքերնիդ կատար: Ան, արդէն իսկ դուրս եկած է Տիթրոյթի սահմաններէն ու ներթափանցած յարակից նահանգներու Քլիվլէնտ եւ Ուսքանսին քաղաքներու հայ համայնքի ազգային կեանքէն ներս: Անցնող Յունիս, եւ Սեպտեմբեր ամիսներուն ընդառաջելով հրաւէրներուն, ազգագրական, հայրենասիրական, ռազմաշունչ եւ տոհմիկ, փունջ մը պարերով ելոյթ ունեցաւ արժանանալով հայ թէ օտար հանդիսականներու գնահատանքին եւ քաջալերանքին: Համազգայինի «Արաքս» պարախումբը գաղութիս մէջ, իր «Գլխագիր» անդրանիկ ու յաջող ելոյթէն մինչեւ օրս, սիրայօժար կը մասնակցի հայ համայնքի նախաձեռնութեամբ կազմակերպուած «Հայկական Փառատօներուն»: unnamed-2Ինչպէս նաեւ, անցնող Օգոստոսին, քաղաքի յայտնի Ֆոքս օփերայի մեծ դահլիճին մէջ, հայ մշակոյթի նուիրուած ձեռնարկին մասնակցեցաւ, քանի մը ազգագրական, ռազմաշունչ եւ տոհմիկ պարերով, արժանանալով հայ թէ օտար հանդիսականներու գնահատանքին ու հիացմունքին: Լի եւ յարատեւ յաջողութիւն կը մաղթենք, Տիթրոյթի Համազգային մասնաճիւղին, վարչութեան, «Արաքս» պարախումբի ղեկավար ու պարուսոյց Նայիրի Կարապետեանի, պարուսոյց Տիգրան Քալընի, որ շարունակեն իրենց ազգապահպանման, հայապահպանման առաքելութիւնը, գաղութի ազգային եւ հասարակական կեանքէն ներս, ըսելով….:
Վարձքերնիդ կատար:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Բակօ Սահակեան Ընդունեց Հ.Յ.Դ.-ի, Եւ Այլ Կուսակցութիւններու Ներկայացուցիչներ
Next post «Պելոռուսական Ռուլէթ»…

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles