Կարօ Փայլան Դատ Բացած է Էրտողանի դէմ

0 0
Read Time:1 Minute, 7 Second

p1-garo-paylan

Թուրքիոյ Ժողովուրդներու ժողովրդավարական կուսակցութեան անդամ երեսփոխան Կարօ Փայլան, դատ բացած է Թուրքիոյ նախագահ Ռեճէպ Թայիպ Էրտողանի դէմ, միաժամանակ նշելով, որ թրքական դատարանէն արդարութիւն չ՛ակնկալեր, քանի որ անիկա կախեալ է երկրի ղեկավարէն: «Անիկա չի կրնար Էրտողանի դէմ որոշում ընդունիլ, չունի այդ ազատութիւնը», յայտնեց Փայլան՝ աւելցնելով, որ ապագային պիտի դիմէ նաեւ Մարդկային իրաւունքներու եւրոպական դատարան։:
Ան նշեց, թէ Էրտողան իր յայտարարութիւններուն մէջ կ՛օգտագործէ հակահայ խօսքեր՝ հայերը ներկայացնելով որպէս թշնամիներ:
Յիշեցնենք, որ հայազգի պատգամաւորի զայրոյթին պատճառը՝ Տրապիզոնի մէջ տեղի ունեցած հանրահաւաքի մը ընթացքին Էրտողանի համակիրներուն կողմէ հայերուն վերագրուած վիրաւորական կարգախօսներն էին: Թուրքիոյ նախագահը ոչ միայն չէ փորձած դադրեցնել այս աղաղակները, այլ անուղղակիօրէն քաջալերած է զանոնք՝ քմծիծաղելով:
Փայլան իր էջին վրայ տեղադրելով Էրտողանի արտասանած խօսքին տեսանիւթը, նշած է, որ ուշադիր հետեւելու պարագային նկատելի է, թէ ինչպէ՛ս Էրտողան գոհ կը ժպտի, երբ տրապիզոնցիները կը բացագանչեն «հայու վիժուածքները մեզ չեն կրնար վհատեցնել»:
Փայլան շեշտեց, թէ իր բոլոր կարելիութիւնները կ՛օգտագործէ եւ պիտի օգտագործէ՝ դադրեցնելու համար հայերուն դէմ Էրտողանի յայտարարութիւնները: Իսկ իր անձին ապահովութեան մասին հարցումի մը պատասխանելով՝ ան ըսած է. «Վախ չունիմ այս պայքարին մէջ։ Ամէն օր Թուրքիոյ մէջ մարդիկ կը մահանան: Մենք պէտք է բարձրաձայնենք մեր խնդիրները: Ես ունիմ միլիոնաւոր աջակիցներ Թուրքիոյ մէջ եւ պէտք է անոնց լսելի դարձնեմ այս խնդիրները։ Եթէ ես լռեմ, վտանգի պիտի ենթարկեմ ինքնութիւնս: Եթէ ճշմարիտ ես, պէտք չէ՛ լռես: Ես եւ հայ համայնքը ճշմարիտ ենք, եւ իրաւունք ունի՛նք խօսելու»:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles