ԽՈՐԱՄԱՆԿ ՆՇԱՆԱԿՈՒՄ…

0 0
Read Time:1 Minute, 54 Second

1

ՀԱՅՐԵՆԻՔ

Հոկտեմբեր 27, 2014

“Դէպքերը ցոյց տուին, որ կարելի չէ Թէլ Ապիատը Աքչաքալէէն անջատել, Սրուճը` Արաբունարէն կամ Մծբինը` Գամիշլիէն“, կը յայտնէր Թուրքիոյ վարչապետ Ահմետ

Տաւութօղլու, որ վերջերս աւելի յստակացնելու համար միջազգային ընտանիքը, շեշտած էր թէ իր երկիրը առաջնահերթ դեր ունի ստանձնելիք Հիւսիսային Սուրիոյ եւ Իրաքի մէջ կատարուող անցուդարձերուն առթիւ: Ան շեշտած էր թէ երկու  ընտրանք գոյութիւն ունէր՝ առաջին՝ շրջանէն ներս ստեղծել խաղաղ եւ միաւորող մօտեցում մը, որ հիմնուած է փոխադարձ յարգանքի վրայ, իսկ երկրորդ՝ ներկայ իրավիճակի շարունակութիւն, այսինքն ահաբեկչական կամ արմատական խմբաւորումներու ազդեցութեան տակ տիրող կացութիւն:

Ճկուն բացատրողականով մը, խորամանկ Տաւութօղլու որ յետագային բազմիցս պաշտօնապէս հաստատեց թէ Թուրքիա իր սահմանը արդէն իսկ բացած է քիւրտ փեշմէրկաներու համար, որպէսզի մուտք գործեն Արաբունար:

Նոյնինքն Տաւութօղլու, որ 1915-ի Հայոց Ցեղասպանութեան մասին, ամբողջ աշխարհին կողմէ ընդունուած տեսութիւն եւ հաստատում չկայ եւ ցայսօր միջազգային ոչ մէկ դատարան պատահածը որակած է Ցեղասպանութիւն:

Արաբունարի դէպքերուն, երբ առաջին օրերուն Թուրքիա իր սահմանները փակած էր, դիւրացնելով Իսլամական Խալիֆայութեան տարաշաշրջանի ընդլայնման, միջազգային աշխարհը բռնօրէն քննադատած էր Էրտողանն ու իր ղեկավարութիւնը: Տաւութoղլու իր առջեւ ունէր հսկայ մարտահրաւէր մը, որուն հետ կապ ունէր նաեւ Հայոց Ցեղասպանութեան անունով հպարգելքը:

Միայն արեւմուտքը չէր, այլ տարիներու մօտիկ գործընկեր արաբական երկիրներ սկսած էին նեղել ու “կսմթել“ Անգարան, որուն ցայտուն արդիւնքներէն մէկը, դեռ վերջերս Մ.Ա.Կ.-ի ապահովական խորհուրդի ընտրութիւններուն, անոր պարտութիւնն էր, հակառակ հետեւողական ձեւով կատարուած լոպիինկին:

Այս իրադարձութիւններու լոյսին տակ, կարելի է բացատրել թէ Տաւութողլու ինչո՞ւ

նշանակած է Պոլսահայ գրող, լրագրող, հրապարակախօս Էթիէն Մահճուպեանը, որպէս իր գլխաւոր խորհրդականը:

Հայորդիին համար անծանօթ մը չէ Մահճուպեանը, որ “Ակօս“ի գլխաւոր խմբագիր

Հրանդ Տինքի սպանութենէն ետք, ստանձնած է խմբագրի պաշտօնը եւ տիրացած հռչակի: Ան նաեւ աշխատակցած է տեղական թերթերու հետ, որոնք ունին թէ՛ ընդդիմադիր եւ թէ՛ իշխանամէտ թեքում:

Տաւութօղլուի համար, նախանձելի է Մահճուպեանի ունեցած ներդրումը, Թուրքիոյ ժողովրդավարացման, քաղաքացիական հասարակութեան ձեւաւորման, պետական ու հանրային նիւթերու շուրջ գործընթացէն ներս:

Առաջին անգամը չէ որ, Տաւութօղլու կը փորձէ ձեռք երկարել Պոլսահայութեան: Քանի մը տարի առաջ, երբ Արտաքին Գործոց նախարարութեան պաշտօնը կը վարէր, Տաւութօղլու առաջարկած էր հանրածանօթ տնտեսագէտ Տարօն Աճեմօղլուի, որպէսզի ստանձնէր բարձր պաշտօններ:

Տաւութօղլուի, այսինքն Անգարայի համար, խորհրդականի պաշտօնին ազգութեամբ հայու նշանակումը կարեւոր քայլ է Հայաստան-Թուրքիա յարաբերութիւններու կարգաւորման հոլովոյթը զարգացնելու համար:

Հարց կրնայ ստեղծուիլ, եթէ խնդրոյ առարկայ հայորդի մը, պաշտօնի անցնելէ ետք Տաւութօղլուի վերոյիշեալ խօսքը շարունակելով, աւելցնէ թէ.- “Կարելի չէ Վանն ու Անին, անջատել Հայաստանէն“:

Սակայն Թուրքիոյ վարչապետին համար, առաջնահերթութիւնը՝ հլու կամակատար մը նշանակելն է: …Խորամանկ նշանակում:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles