Լոյս Տեսաւ “Legal Avenues for Armenian Genocide Reparation” .- ”Օրինական Ուղիներ Հայոց Ցեղասպանութեան Հատուցման”

0 0
Read Time:59 Second

p13

Մեծի Տանն Կիլիկիոյ Կաթողիկոսարանի տպարանէն լոյս տեսաւ “Legal Avenues for Armenian Genocide Reparation” .-”Օրինական Ուղիներ Հայոց Ցեղասպանութեան Հատուցման” հատորը:

Սոյն հատորին մէջ ամփոփուած են Մեծի Տանն Կիլիկիոյ Կաթողիկոսութեան կողմէ կազմակերպուած ,Հայոց Ցեղասպանութիւնը՝ ճանաչումէն հատուցումե միջազգային համագումարին նիւթերն ու դասախօսութիւնները: Երկօրեայ այս համագումարը, որուն իրենց մասնակցութիւնը բերած էին աւելի քան երեսուն միջազգային օրէնքի եւ ցեղասպանութեան մասնագէտներ, տեղի ունեցաւ Անթիլիասի մէջ Փետրուար 23-25, 2012-ին, կազմակերպութեամբ Մեծի Տանն Կիլիկիոյ Կաթողիկոսութեան եւ նախագահութեամբ՝ Արամ Ա. Վեհափառ Հայրապետին:

Անգլերէն սոյն հատորը, վերահրատարակութիւնն է “International Criminal Law Review”ի 2014 թուականին լոյս տեսած բացառիկ թիւին, որ կը ներառնէ վերոյիշեալ համագումարին մասնակից մասնագէտներուն դասախօսութիւնները: Խմբագրութիւնը կատարած է Հայոց Ցեղասպանութեան մասնագէտ Henry Theriault, իսկ ներածականը գրուած է Վեհափառ Հայրապետին կողմէ:

“International Criminal Law Review”-ն միջազգային ճանաչում վայելող հրատարակութիւն մըն է: Հետեւաբար, այս նախաձեռնութիւնը Հայոց Ցեղասպանութեան 100-ամեակին առիթով, մեծ հետաքրքրութիւն կրնայ յառաջացնել միջազգային օրէնքով ու ցեղասպանութեամբ զբաղող շրջանակներէ ներս:

Նշենք, որ վերոնշեալ համագումարի ընթացքին եւ անոր լոյսին տակ Վեհափառ Հայրապետին մտքին մէջ սկսաւ խմորուիլ Սիսի պատմական Կաթողիկոսարանի վերադարձի դատին գաղափարը: Մասնագէտներու ու իրաւաբաններու հետ առաւել քան երեք տարիներու խորհրդակցութիւններէ եւ աշխատանքային հանդիպումներէ ետք,Ապրիլ 28, 2015-ին, Մեծի Տանն Կիլիկիոյ Կաթողիկոսութիւնը դատ բացաւ Թուրքիոյ Սահմանադրական Դատարանին մօտ պահանջելով Սիսի պատմական Կաթողիկոսարանի վերադարձը:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles