Գրիգոր Պետրոս Ի.՝ Հայ Կաթողիկէ Եկեղեցւոյ Կաթողիկոս

0 0
Read Time:1 Minute, 22 Second

p6 GATOGHIGE2

Յատուկ հաղորդագրութեամբ մը, հայ կաթողիկէ պատրիարքարանի լրատուական գրասենեակը կը հաղորդէ, որ Հայ կաթողիկէ եկեղեցւոյ արքեպիսկոպոսներու եւ եպիսկոպոսներու ընտրական սիւնհոդոսը, որ երջանկայիշատակ Ներսէս Պետրոս ԺԹ. կաթողիկոս պատրիարքի յաջորդի ընտրութեան աշխատանքներուն սկսած էր Յուլիս 14-ի առաւօտեան` Սուրբ պատարագով եւ հոգեւոր կրթութեամբ, յետ խորհրդակցութիւններու, իր Յուլիս 25-ի առաւօտեան նիստին, Տանն Կիլիկիոյ կաթողիկէ հայոց 20-րդ կաթողիկոս պատրիարք ընտրեց արհիապատիւ հայր Գրիգոր եպս. Կապրոյեանը, որ առաւ Գրիգոր Պետրոս Ի. անունը:
Գրիգոր Պետրոս Ի. կաթողիկոս պատրիարքի գահակալութեան արարողութիւնը տեղի պիտի ունենայ Զմմառու պատրիարքական աթոռ` Զմմառու վանքին մէջ, Օգոստոս 9-ին:
Փրանկիսկոս Պապը Վատիկանէն շնորհաւորական նամակ ուղարկեց է Տանն Կիլիկիոյ կաթողիկէ հայոց Գրիգոր Պետրոս Ի. կաթողիկոս պատրիարքին նամակին մէջ սրբազան քահանայապետը իր գոհունակութիւնը յայտնած է անոր ընտրութեան առիթով եւ շնորհած է եկեղեցական հաղորդութիւնը, որ նորընտիր պատրիարքը առանձին նամակով մը խնդրած էր պապէն, ինչպէս սահմանուած է եկեղեցական կանոններով:
Փրանկիսկոս Պապը իր նամակին մէջ գրած է, որ Գրիգոր Պետրոս Ի. կաթողիկոս պատրիարքին ընտրութիւնը տեղի ունեցաւ, երբ հայ եկեղեցին կը դիմագրաւէ զանազան դժուարութիւններ եւ մարտահրաւէրներ: Պապը նկատի ունի յատկապէս Միջին Արեւելքի մէջ հայ ժողովուրդին կրած տառապանքները ահաբեկչական գործողութիւններուն իբրեւ հետեւանք:
«Յարուցեալ Քրիստոսի նկատմամբ հաւատքի լոյսով լուսաւորուած` մենք լի ենք յոյսով եւ եղբայրասիրութեամբ, որովհետեւ վստահ ենք, որ Յիսուսի Խաչը կենսատու ծառն է», գրած է սրբազան քահանայապետը:
Ան վստահութիւն յայտնած է, որ նորընտիր կաթողիկոս պատրիարքը եւ Հայ կաթողիկէ սիւնհոդոսի միւս եպիսկոպոսները միասին պիտի առաջնորդուին Սուրբ Հոգիով` ըլլալու բարի հովիւներ` իրենց խնամքին վստահուած Աստուծոյ ժողովուրդին համար, բարեխօսութեամբ բազմաթիւ հայ նահատակներու եւ Սուրբ Գրիգոր Նարեկացիի` Տիեզերական եկեղեցւոյ վարդապետին:

Գրիգոր Պետրոս Ի. կաթողիկոս պատրիարքը ծնած է Նոյեմբեր 15, 1934-ին, իբրեւ Զմմառու միաբան կուսակրօն քահանայ ձեռնադրուած է Մարտ 28, 1959-ին, եպիսկոպոս օծուած է Փետրուար 13, 1977-ին: Առաջնորդն է Ֆրանսայի հայ կաթողիկէ թեմին:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles