«Արմէն Ճամբար»ի Պահպանման Պայքարը Թեւակոխած Է 100-րդ Օրը

0 0
Read Time:1 Minute, 25 Second

akp 2

«Արմէն Ճամբար»ի պահպանման պայքարը արդէն իսկ թեւակոխած է հարիւրերորդ օրը: Այս գծով, Օգոստոս 7-ին, Երեւանի մէջ մամլոյ ասուլիս մը տուաւ «Նոր Զարթօնք» կազմակերպութեան համանախագահ Սայաթ Թեքիր` նշելով, որ պետութիւնը հայ համայնքէն խլած է որբանոցի շէնքը: Ան յիշեցուցած է նաեւ, որ ճամբարին մէկ երրորդը արդէն իսկ քանդուած է:armen
«Մեր պահանջները հասցէագրուած են պետութեան, քանի որ անիկա մեզմէ գրաւած է որբանոցի տարածքը: Պետութիւնը կ՛առաջարկէ իր հսկողութեան տակ առնել ամբողջ որբանոցի տարածքը եւ մեզի տրամադրել անոր մէկ փոքրիկ հատուածը` ոչ աւելի քան 40 տարի վարձակալման իրաւունքով: Մենք Հայաստանի բնակիչներէն աջակցութիւն կ՛ակնկալենք: Թուրքիոյ պետութեան կատարած բոլոր անարդարութիւնները յայտնի են դարձած նաեւ Թուրքիոյ մէջ: Մեզի կ՛աջակցին նաեւ թուրքեր, քիւրտեր եւ ալաուիներ: Ո՛չ միայն Պոլիսէն, այլ նաեւ այլ քաղաքներէ այս հարցով մեզի աջակցութիւն կը յայտնեն», շեշտեց Թեքիր:kap 2
Վերջին հարիւր օրերուն ընթացքին, ճամբարին մէջ հերթապահող երիտասարդները ստացած են աջակցութիւնը հազարաւոր մարդոց, որոնցմէ ոմանք հիւրընկալուած են ճամբարին մէջ: «Քեմփ Արմէն» այցելած են բազմաթիւ քաղաքացիներ, որոնց կարգին պատգամաւորներ, գիտնականներ, արուեստագէտներ եւ լրագրողներ:
Անցեալ Մայիս 6ին, ճամբարի սեփականատէր Ֆաթիհ Ուլուսոյ, Թուզլայի քաղաքապետարանէն համապատասխան որոշում ստանալէ ետք սկսած էր քանդումի, սակայն հասարակական ճնշումին ներքեւ՝ ստիպուած եղած է զայն դադրեցնելու, որմէ ետք սկսած էր հերթապահութիւնը:kap 6
Ճամբարին մէջ սկսած են պարբերաբար ձեռնարկներ կազմակերպուելու: Առաջինը՝ Անի Պալըքճըի (Թուրքիոյ մէջ սպաննուած հայ զինուոր Սեւակ Պալըքճըի մայրը) եւ «Ակօս»ի հիմնադիր՝ Հրանդ Տինքի այրի Ռաքէլ Տինքի հայերէն լեզուի դասընթացքն էր, նաեւ՝ «Ոմանք» խումբի համերգը, որուն ընթացքին ճամբարին մէջ, տարիներու ընդմիջումէ ետք, դարձեալ հայկական երգեր հնչած էին: Համերգով հանդէս եկած է նաեւ «Քարտեշ Թիւրքիւլեր» խումբը: Նաեւ,հիւրընկալուած է ուտի վարպետ Երուանդը:kap 3kap 5
Օգոստոս 13-էն 14 լուսցող գիշերուան ընթացքին, ծայրայեղականներ յարձակած են «Արմէն Ճամբար»ին վրայ: Այս մասին կը տեղեկացնէ Թուրքիոյ խորհրդարանի հայ պատգամաւոր Կարօ Փայլեան:Յարձակումը տեղի է ունեցած է դիտմամբ, պայքարի հարիւրերորդ օրը:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles