0
0
ԿԼԵՆՎԻՈՒԻ (Իլինոյ).- Հոկտեմբեր 6-ին, Տոքթ. Խաչիկ եւ Լենա Իշխաններու բնակարանէն ներս, տեղի ունեցաւ ձեռնարկ մը, նուիրուած Հայ Դատին:
Օրուան դասախօսն էր Ուաշինկթընի կեդրոնական գրասենեակի վարիչ պատասխանատու Արամ Համբարեան, որ պատմականով մը ներկայացուց Հայ Դատի բնագաւառէն ներս կատարուած աշխատանքները: Ան անդրադարձաւ վաթսունականներէն ի վեր կատարուած գործընթացին մասին:
Իլինոյի Հայ Դատի յանձնախումբի պատասխանատու Քլօտ Յովհաննէսեան, շնորհակալութիւն մաղթելով տէր եւ տիկին Խաչիկ եւ Լենա Իշխանին, Հրայր Բազէ Խաչերեանի մէկ նկարազարդ գործը նուիրեց:
Ապա խօսք առաւ, Կրէկ Պետեան, որ մաս կը կազմէ նահանգի Ողջակիզման եւ Ցեղասպանութեան հիմնարկին: Ան յայտնեց թէ շրջանէն ներս գիտաժողովներ կազմակերպուած են եւ դեռ ալ պիտի կատարուին, նիւթ ունենալով հայերու կողքին կատարուած ասորիներու եւ յոյներու ջարդը: Ձեռնարկի աւարտին, ներկաներուն բաժնուեցաւ Մ.Ա.Կ.-ի մօտ Ա.Մ.Ն.-ի դեսպան Սամանթա Փաուրի “A Problem from Hell: America and the Age of Genocide“ գիրքը:
