ԱՐԱՄ Ա. ԿԱԹՈՂԻԿՈՍ ՈՂՋՈՒՆԵՑ «ՊԱՇՏՊԱՆՈՒԹԻՒՆ ՔՐԻՍՏՈՆԷՈՒԹԵԱՆ» ՀԱՄԱԽՄԲՈՒՄԻ ԶՕՐԱԿՑՈՒԹԻՒՆԸ ՀԱՅ ԴԱՏԻՆ

0 0
Read Time:51 Second

aram christ

ՈՒԱՇԻՆԿԹԸՆ.- Շարունակելով իր հանդիպումները՝ պետական, համայնքային ու կրօնական ներկայացուցիչներու հետ, Ուրբաթ, Մայիս 8-ի առաւօտուն, Արամ Ա. Վեհափառ Հայրապետը ընդունեց այցելութիւնը «Պաշտպանութիւն Քրիստոնէութեան» ամերիկեան համախմբումի նախագահ Թուֆիք Պաաքլինիի եւ աւագ խորհրդական Անտրու Տորանի:

Արամ Ա. իր բարձր գնահատանքը յայտնեց՝ Միջին Արեւելքէն ներս քրիստոնէական համայնքներու գծով յիշեալ համախմբումին կատարած աշխատանքներուն, ինչպէս նաեւ վերջերս հայ ժողովուրդի պահանջատիրութեան գծով անոր կատարած զօրակցական յայտարարութեան: Հանդիպումը առիթ մը եղաւ ընդհանուր արժեւորումի ենթարկելու Միջին Արեւելքի կացութիւնը եւ յատկապէս վերջին շրջանի զարգացումները: Յայտնենք, որ Յուլիսի կէսերուն, Լիբանանէն ներս միջազգային համագումար մը կը կազմակերպուի Միջին Արեւելքի քրիստոնեայ համայնքներուն զօրակցութեան նուիրուած:aram christ2

Վեհափառ Հայրապետը յաջորդաբար ընդունեց Միացեալ Նահանգներու Արեւմտեան ու Արեւելեան թեմերու Ազգային Իշխանութեանց ներկայացուցիչները, Առաջնորդ Սրբազաններու ներկայութեամբ:

Արամ Ա. Վեհափառ Հայրապետին նաեւ այցելեց Հ.Յ.Դ. Բիւրոյի ներկայացուցիչ Յակոբ Տէր Խաչատուրեան եւ Ուաշինկթընի Հայ Դատի գրասենեակի պատասխանատուները:

Վեհափառը նաեւ մօտէն կը հետեւի Մեծի Տանն Կիլիկիոյ Կաթողիկոսութեան Սիսի պատմական Կաթողիկոսարանի վերադարձի գծով Թուրքիոյ Սահմանադրական Դատարանին մօտ բացած դատին ու անոր արձագանգներուն: Կը ծրագրուի յառաջիկային, դատին մասին, մամլոյ ասուլիսներ կազմակերպել, առաջին հերթին Պոլսոյ եւ Ժընեւի, ապա, կարեւոր այլ մայրաքաղաքներու մէջ:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles