Այնճարը Պէյրութին Նեցուկ

0 0
Read Time:1 Minute, 17 Second


«Միասին՝ Այնճարի Համար» հանգանակութիւնը $10,000 տոլար նուիրատուութեամբ, իր զօրակցութիւնը բերաւ Լիբանանի մեր Հայրենակիցներուն օժանդակելու կոչին: Անցնող շաբաթավերջին գումարը փոխանցուեցաւ Հ.Օ.Մ.ի Կեդրոնական Վարչութեան նախաձեռնած Լիբանանի Օժանդակութեան Հանգանակութեան:

«Միասին՝ Այնճարի Համար» յանձնախումբը, Այնճարի «Շտապ Օգնութեան Յանձնախումբ»ին հետ միաձայն, 4 Օգոստոս 2020ի Պէյրութի աղիտալի պայթիւնէն անմիջապէս ետք, շատ արագ արձագանգեց եւ որոշում կայացուց օժանդակելու պայթումէն տուժած մեր հայրենակիցներուն: Զոհերու ընտանիքներուն, վիրաւորներուն եւ անտուն մնացած լիբանանահայութեան շուտափոյթ օժանդակութիւն հասցնելու արագ որոշումը մեր բոլորին ճիտին պարտքն էր:

Այսօր, Այնճարի մէջ ժամանակաւորապէս ապաստանած են Լիբանանի տարբեր քաղաքներէ Հայ ընտանիքներ: Լիբանանի քաղաքացիական պատերազմէն առ այսօր, Այնճարը եւ Այնճարցին միշտ նեցուկ կանգնած են բոլոր մեր հայրենակիցներուն: Մեր աւանի դռները միշտ բաց են եւ Այնճարը միշտ պատրաստ է ընդունելու բոլորին անխտիր:

Լիբանանի տնտեսական տագնապի եւ պսակաւոր ժահրի համաճարակի ստեղծած կացութենէն մտահոգ, 2020 Մայիսի սկիզբը, ծնունդ առաւ «Միասին՝ Այնճարի Համար» հանգանակութիւնը միասնակամ ուժերով օժանդակելու համար Այնճարաբնակ մեր հայրենակիցներուն: Առ այսու հանգանակուած է 154,000 ամերիկեան տոլար:  Անհուն ՇՆՈՐՀԱԿԱԼՈՒԹԻՒՆ բոլոր նուիրատուներուն: «Չիւր բըռնըք, կանաչ թըղ դառնու» Չոր բռնէ՛ք, կանաչ դառնայ:

Յաւելեալ տեղեկութեանց կամ հանգանակութեան մասնակցելու համար, կրնաք հետեւիլ ընկերային ցանցերու մեր էջերուն TogetherforAnjar facebook եւ Instagram:
https://givebutter.com/togetherforanjar

«Միասին՝ Այնճարի Համար» հանգանակութիւնը նախաձեռնեցին աշխարհացրիւ խումբ մը  Մուսա Լեռցի-Այնճարցիներ, հովանաւորութեամբ տարբեր երկիրներու Մուսա Լեռ Հայրենակցական Միութիւններու:

Քալիֆորնիա՝ Լոս Անճըլըսի Մուսա Լեռ Հայրենակցական Միութիւն, Ծովածոցի եւ Սան Ֆրանսիսքոյի Մուսա Լեռ Հայրենակցական Միութիւն, Ֆրեզնոյի Մուսա Լեռ Հայրենակցական Միութիւն.  Մոնթրէալի, Թորոնթոյի եւ Քէմպրիճի Մուսա Լեռցի-Այնճարցիներ. Նիւ Եորքի եւ Տիթրոյթի Մուսա Լեռցի-Այնճարցիներ. Ֆրանսայի Մուսա Լեռ Հայրենակցական Միութիւն.Հայաստանի Մուսա Լեռ Երիտասարդական Միութիւն. Աւստրալիոյ Մուսա Լեռցի-Այնճարցիներ. Տուպայի Մուսա Լեռցի-Այնճարցիներ:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles