ԱԹԷՆՔԻ ՄԷՋ Հ.Յ.Դ. ՀԱՅ ԴԱՏԻ ԵՒՐՈՊԱՅԻ ՅԱՆՁՆԱԽՈՒՄԲԵՐՈՒ ԽՈՐՀՐԴԱԺՈՂՈՎ

0 0
Read Time:1 Minute, 29 Second

haytadi khorhertajoghov-atenk_khempain

Մէկ ազգ, մէկ պայքար գաղափարական առաջադրանքով գործելու եւ Եւրոպայի տարածքին Հայ Դատի պահանջատիրութեան աշխատանքները համակարգելու նպատակով, Աթէնքի մէջ Նոյեմբեր 29-30ին կազմակերպուեցաւ երկօրեայ խորհրդաժողով՝ Հ.Յ.Դ. Բիւրոյի եւ Եւրոպայի Հայ Դատի Յանձնախումբի նախաձեռնութեամբ եւ Յունաստանի Հայ Դատի Յանձնախումբի կազմակերպութեամբ։ haytadi khorhertajoghov
Ներկայ եղան Եւրոպայի տարածքին գործող Հայ Դատի յանձնախումբերու (Յունաստան, Պուլկարիա, Կիպրոս, Ռումանիա, Շուէտ, Գերմանիա, Աւստրիա, Պելճիքա, Հոլանտա, Ֆրանսա, Սպանիա) ներկայացուցիչներ եւ Հ.Յ.Դ. Յունաստանի Երիտասարդական Միութեան անդամներ։
Նախքան խորհրդաժողովի աշխատանքներու մեկնարկը՝ տեղի ունեցաւ բացման պաշտօնական արարողութիւն, ուր ներկայ եղան Յունաստանի թեմակալ առաջնորդ Գերշ. Տ. Խորէն արք. Տողրամաճեան, Յունաստանի մօտ Հ.Հ. դեսպան Գագիկ Ղալաչեան, Յունահայոց Ազգային Վարչութեան, Հ.Կ. Խաչի, Համազգայինի եւ Հ.Մ.Ը.Մ.ի Շրջանային Վարչութեանց ներկայացուցիչները։
Բացումը կատարեց Եւրոպայի Հայ Դատի Յանձնախումբի նախագահ Գասպար Կարապետեան, ապա ողջոյնի խօսքերով հանդէս եկան Հ.Յ.Դ. Յունաստանի Կեդրոնական Կոմիտէի ներկայացուցիչ ընկ. Քերոբ Էքիզեան, թեմակալ առաջնորդ Սրբազան հայրը, Հ.Յ.Դ. Բիւրոյի կողմէ ընկ. Յակոբ Տէր Խաչատուրեան, Յունաստանի մօտ Հ.Հ. դեսպանը։ Ելոյթներուն մէջ շեշտուեցաւ Հայաստանի – Արցախի – Ջաւախքի եւ Սփիւռքահայութեան հարցերը ուժականութեամբ յառաջ մղելու եւ արդիւնաւէտ ու համակարգուած արդիւնքներ ապահովելու հրամայականը։
haytadi t1130_atenqhaytadi khorhertajoghov-atenk_araxԿարճ դադարէ մը ետք ժողովը շարունակեց իր աշխատանքները շուրջ 75 մասնակիցներու ներկայութեամբ, երկու օրերու ընթացքին քննարկելով իր օրակարգին վրայ դրուած հարցերը՝
ա) Թուրք-ատրպէյճանական ներթափանցումը եւ հակահայ քարոզչութիւնը եւրոպական երկիրներուն մէջ .
բ) Արցախի պետութեան հզօրացում եւ միջազգային ճանաչում.
գ) Հայոց ցեղասպանութեան 100-ամեակին առնչուող հարցեր (ճանաչում, ժխտումի քրէականացում, հատուցում).
դ) Ջաւախքի հայութեան իրաւունքներու պաշտպանութիւն.
ե) Համաեւրոպական կազմակերպութիւններու մէջ նախաձեռնութիւններ.
զ) Հայաստանի Հանրապետութեան արտաքին քաղաքականութեան վերաբերեալ հարցեր.haytadi khorhertajoghov-atenk_giro
է) Զանգուածային լրատուական միջոցներ եւ հանրային կարծիքի ձեւաւորումի քաղաքականութիւն։
Ժողովը լսեց նաեւ մասնակից Հայ Դատի յանձնախումբերու՝ նախորդ խորհրդաժողովէն՝ Յունիս 2013էն ի վեր աշխատանքներու մասին, ուր անդրադարձ եղաւ նաեւ Սուրիահայութեան օժանդակութեան ուղղուած ծրագիրներուն շուրջ:
Օրակարգային հարցերուն համարժէքօրէն արձագանգելու համար՝ համակարգուած ու յաւելեալ ճիգ ներդնելու անհրաժեշտութիւնը շեշտուեցաւ խորհրդաժողովի մասնակիցներուն կողմէ, որոնց քննարկումները ծանրացան նոր ժամանակներու եւ իրողութիւններուն համաքայլ ընթանալու մտահոգութեամբ։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles