Project SAVE Լուսանկարներու Արխիւային Կեդրոնը Կը Մեկնարկէ Հետազօտութեան Մէջ  Մասնագիտացած Պաշտօնավարողներու Կեցութեան Ծրագիրը

0 0
Read Time:2 Minute, 0 Second

 

ՊՈՍԹԸՆ (Մասաչուսէց)․- Շարունակելով իր նոր նախաձեռնութիւնները, հայկական լուսանկարչական արխիւներու Project SAVE կեդրոնը պիտի մեկնարկէ մասնագէտ արուեստագէտներու եւ հետազօտողներու կեցութեան ծրագիր (Research Residencies) մը։

Այս ծրագիրը պիտի կիրարկուի տարին երկու անգամ հրաւիրելով մասնագէտներ։ Առաջինը կը նախատեսուի յառաջիկայ աշնան։

«1975-էն ի վեր Project SAVE հիմնարկը հետեւողական ձեւով հաւաքած է հսկայական հարստութիւն մը։ Ամբողջ աշխարհէն աւելի քան 80 հազար լուսանկարներով իւրայատուկ արխիւային կեդրոն մըն է, որ դժբախտաբար հասանելի չէ։ Իմ նպատակս է բարեփոխումներ կատարել եւ նոր նախաձեռնութիւններով հասանելի դառնալ, նաեւ օտար միջավայրին համար», ըսաւ Դոկտ․ Արթօ Փայասլեան – Վօն, որ անցեալ տարի ստանձնեց գործադիր տնօրէնի պաշտօնը։

Լուսանկարչութեան, գեղանկարչութեան, երաշտութեան եւ շարժապատկերի բնագաւառէն ներս մասնագիտացած արուեստագէտներ երեք շաբաթէն երեք ամսուայ տեւողութեամբ մնալով պիտի հետեւին աշխատանքներուն, յաւելեալ պրպտումներ պիտի կատարեն։ Անոնք նաեւ պիտի մասնակցին ձեռնարկներու, կապ հաստատելով գաղութին հետ։ Նաեւ գրողներ, գրագէտներ եւ դասախօսներ մաս պիտի կազմեն այս կեցութեան ծրագիրին։

«Project SAVE-ը ո՛չ միայն կը պահպանէ հայերու պատմութիւնն ու մշակոյթը, այլ նաեւ արժէքաւոր լուսանկարչական աղբիւր մըն է, որ ունի անբացատրելի ստեղծագործական և ակադեմական հնարաւորութիւններ», – ըսաւ լուսանկարիչ Քիմ Հէօքելըն, որ մաս կը կազմէ Project SAVE-ի նոր խորհրդատու մարմինին, որ նաեւ Նիւ Եորքի մէջ լուսանկարչութեան դասախօս է: «Այս կեցողութեան ծրագիրը հետաքրքրական հնարաւորութիւն մըն է, նմանօրինակ հարուստ արխիւը ընդարձակ ձեւերով ներգրաւելու համար», եզրակացուց Հէօքելըն:

«Զրոյցներ լուսանկարչութեան մասին» (“Conversations on Photography”)  շարքի, վերափոխուած կայքի եւ նոր խորհրդատու մարմինին հետ մէկտեղ, արուեստագէտն ու կեցութեան ծրագրի այցելուները կը հանդիսանան Project SAVE-ի տարուան  վերաորակաւորման եւ բարելաւման ազդակները։

Ըստ Վօնի, այս փոփոխութիւնները շատ աւելի պիտի կատարելագործուին 2025 թուականին կատարուելիք հաստատութեան 50-ամեակի դրամահաւաքի արշաւին՝ արխիւներու համար աւելի մեծ տարածք ապահովելու համար: «Այս բոլոր տասնամեակներու ժրաջան աշխատանքէն ետք, այլեւս անիմաստ պիտի ըլլայ այս հսկայական եւ արժէքաւոր արխիւներուն համար  պատշաճ տեղ չտրամադրելն ու չցուցադրելը», շեշտեց Վօն։

Էլենա Պուլատը՝ Հարվըրտ համալսարանի լուսանկարչական ոլորտի մասնագէտներէն է եւ Project SAVE-ի խորհրդատու մարմինի անդամ։ Ան կը կարծէ, թէ այս կեղոցութեան ծրագիրը հիանալի նախաձեռնութիւն մըն է: «Այս ծրագիրը ոսկի առիթ մը պիտի ըլլայ երիտասարդ կամ փորձառու մասնագէտներու համար, թէ՛ սորվելով եւ թէ՛ սորվեցնելով: Այս հիւր հրաւիրեալները երկար վազքի վրայ պիտի կարողանան օգնել Project SAVE-ին եւ այս գանձերու պահպանման:

Վօն ոգեւորուած եւ լաւատես է, որ Project SAVE-ի ներուժը պիտի ծաղկի: «Մենք կ՛ապրինք տեսողական դարաշրջան մը։ Հետեւաբար լուսանկարներու նման բազմազան եւ հսկայական հաւաքածոյով Project SAVE-ը աւելի քան պիտի դառնայ կենդանի եւ գործօն արխիւ, որ պիտի ներգրաւէ աւելի մեծ շրջանակ: Գործակցելով այս կեցողութեան ծրագիրին մասնակցող հիւրերուն հետ յաւելեալ հետաքրքրութիւն պիտի ստեղծենք, ներգրաւելով ընդհանրապէս հանրութիւնը։

Յաւելեալ մանրամասնութիւններ․- https://projectsave.org/

 

 

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles