0
0
ԵՐԵՒԱՆ (“Արմինիա Նաու“ եւ “ԱՊԱ“).- Հայաստանի Պաշտպանութեան նախարարութեան մէկ հաղորդագրութիւնը կը տեղեկացնէ թէ Յունիս 4-ին, Տաւուշի մարզի սահմանամերձ Չինարի գիւղի կեդրոնատեղիին վրայ, ազերի բանակայիններ յարձակում մը կատարած են եւ պատճառ դարձած, որ երեք հայրենի երեք զինուորներ սպաննուին, նաեւ այլ վեց բանակայիններ ալ վիրաւորուին:
“Ըստ նախնական տուեալներու, հայ–ատրպէյճանական սահմանի հիւսիս–արեւելեան հատուածին վրայ ատրպէյճանական կողմը հերթաբար կոպտօրէն խախտած է սահմանին հաստատուած հրադադարը` փորձելով ներթափանցել ՀՀ Տաւուշի մարզի Բերդաւան եւ Չինարի (վերը) գիւղերուն ուղղութեամբ տեղակայուած հայկական յենակէտեր“, կը նշուի հաղորդագրութեան մէջ, որ նաեւ կը նշէ թէ հայ զինուորական ծառայողներու քաջարի գործողութիւններուն արդիւնք` յարձակումը կարելի եղած է կասեցնել եւ թշնամի ուժերը կորուստներ տալով` վերադարձած են: Այս գործողութեան իբրեւ արդիւնք զոհուած են Հայաստանի բանակի ծառայողներ` Զոհրապ Բալաբէկեան, Հրաչ Սարգսեան եւ Կարէն Դաւթեան: Օր մը ետք, այլ միջադէպի մը ընթացքին, հայրենի բանակը սպաննեց թշնամի հինգ բանակայիններ:
Ատրպէյճանի Պաշտպանութեան նախարարութիւնը տեղեկացուց թէ, զոհուած բանակայիններն են` Հալիտ Ազիզով, Ամիլ Ալիեւ, Ուահիտ Պակիրով, Զուլֆուկար Աթաշլը եւ Էլչին Իսմայիլով:
Հայաստանի Պաշտպանութեան նախարարութիւնը, իր կարգին մամլոյ ծառայութեան համաձայն, ձեռնարկուած քայլերուն եւ հայ զինուորներուն քաջարի գործողութիւններուն արդիւնքով, թշնամիին նենգամիտ յառաջխաղացումը կասեցուած էր եւ ետ մղուած:
Նշենք թէ Յունիս 7-ին, տեղի ունեցաւ Չինարի գիւղին մէջ, Յունիս 4-ին, երկու օր առաջ զոհուած զինուորներու յիշատակին նուիրուած սգոյ երթը, որ կատարուեցաւ Ազատութեան հրապարակէն` Արամ Խաչատրեանի արձանի մօտ: Մասնակիցները սեւ դրօշակներ պարզած էին:
Միջադէպին առիթով հետաքննութիւն կը կատարուի: Դէպքի վայր մեկնած են ՀՀ զինուորական դատախազն ու Հ.Հ. պաշտպանութեան նախարարութեան յատուկ քննիչներու խումբը:
