ՄԱՇՏՈՑԻ ԱՅԳԻՆ ՓՐԿԵԼՈՒ ՀԱՄԱՐ.- ԻՆՔՆԻՇԽԱՆ ժՈՂՈՎՈՒՐԴԸ ԻՆՔՆ Է ԾՆՈՒՄ, ԱՌԱՋՆՈՐԴՈՒՄ ԵՒ ԿԵՆՍԱԳՈՐԾՈՒՄ ԻՐ ԳՈՅՈՒԹԵԱՆ ՀԱՄԱՐ ԱՆՀՐԱԺԵՇՏ ՓՈՓՈԽՈՒԹԻՒՆՆԵՐԸ
Լուսանկարներ` Իննա Մխիթարեանի
Երեւանի գլխաւոր` Մաշտոցի պողոտային յարող պուրակին մէջ բնապահպանները աւելի քան մէկ ամիս է ի վեր կը պայքարին տեղադրուած տաղաւարներու դէմ: Մարտի 8-ին, ցուցարարներ կը շարունակէին իրենց բողոքը: Ոստիկանները կը շարունակէին հսկել, երբ յանկարծ փափուկ սեռի պատկանող ցուցարարներ ճեխքելով պատնէշները, մուտք գործեցին հսկուող տաղաւարներու տարածք եւ կարգախօսներով մտան տաղաւարներ: 
Անոնք կիսակառոյց տաղաւարներու ապակիներին փակցուցին ծաղիկներ եւ շրթունքի ներկերով գրեցին քաղաքապետարանին դէն ուղղուած կոչեր: Ստորեւ, լոյս կ՛ընծայենք, այս յօդուածը, որ գրուած է այս առթիւ Քաղաքագէտ եւ միջազգային իրաւաբան, Մարդկանց իրաւունքներու եւ ժողովրդավարութեան հիմնարկի հիմնադիր` Արմինէ Առաքելեանի կողմէ, Մարտ 13-ին:
Վերեւից եւ դրսից չեն մատուցւում եւ պարտադրւում նմանօրինակ փոփոխութիւնները:
Հայաստանի Հանրապետութեան` Հ.Հ. ներկայ իրաւական համակարգը չի առաջնորդւում եւ աշխատում Հ.Հ. Սահմանադրութեան իրաւունքների շրջագծում:
Այսօր Երեւանի Մաշտոցի Պուրակում սկսում է Քաղաքացիական անկախ եւ արդար դատարանի աշխատանքը: Քաղաքացիական Անկախ եւ Արդար Դատարանում տեղի է ունենալու ինքնորոշուած քաղաքացիների հայցն` ընդդէմ Երուանի քաղաքապետարանի` Մաշտոցի պուրակում կրպակների ապամոնտաժման պահանջի մասին:
Հանրային սեփականութեան, շրջակայ միջավայրի, մարդու հիմնարար իրաւունքների եւ ազատութիւնների համար շարժման մեջ համխմբուած` ինքնորոշուած քաղաքացիները պազապէս փորձում են վերականգնել հայ հասարակութեան եւ ժողովրդի ազատ ու արժանապատիւ ԳՈՅՈՒԹԵԱՆ համար անհրաժեշտ պայմանները եւ նախադրեալները, որոնք ամրագրուած են Հ.Հ. Սահամնադրութեան մէջ:
Հ.Հ.-ում հանրութեան եւ ժողովրդի իրաւունքներն ապահովելու եւ պաշտպանելու իմաստով`
– հանրութիւնը չի իրազեկ-ւում իր ԳՈՅՈՒԹԵԱՆՆ առնչող հիմնական որոշումների կայացման մասին.
– հանրութիւնը չի ներառւում/մասնակցութեան հնարաւորութիւն չի ապահովում իր ԳՈՅՈՒԹԵԱՆՆ առնչող հիմնական որոշումների կայացման գործընթացներում.
– հանրութեանը չի թոյլատրւում հայց ներկայացնել եւ Հ.Հ. ներկայ արդարատադական համակարգում ինքն իրեն պաշտպանել իր ԳՈՅՈՒԹԻՒՆԸ վտանգող հիմնական որոշումներից.
Իմ կարծիքով` թէ իբրեւ հայ կին, մարդ-անհատ, փորձառու մասնագէտ եւ “աքթիւիսթ“, նոր սերնդի “Ինքնորոշուած քաղաքացիական շարժումը“ իր ռազմավարութեամբ ու գործունէութեամբ մնում է եւ պայքարում է հիմնականում եւ բացարձակապէս Հ.Հ. Սահմանադրական իրաւական կարգի համաձայն` պայքարում իրապէս բարեփոխելով հայ մարդուն ու հասարակութիւնը: Պաշտպանում է մարդ անհատի եւ հաւաքականութեան` հանրութեան գոյութիւնը երաշխաւորող իրաւունքները եւ փորձում է վերականգնել իր անվտանգ ու արժանապատիւ գոյութիւնը:
Սա ազատ, ինքնիշխան ու արժանապատիւ հասարակութիւնների չափորոշիչն է:
Անհրաժեշտ է գիտակցել, թէ մենք` մեր հասարակութիւնն ու ժողովուրդը ինչ դրական եւ արմատական փոփոխութիւն ենք ծնել ու առաջնորդում մեր ներսում, առանց ակնկալելու, որ վերին եւ կամ արտաքին ատեանները դա անեն մեզ համար:
Անհրաժեշտ է գիտակցել, որ փակ հակասահամանադրական համակարգը ճեղք է տուել եւ պարտաւորուած է նահանջել: Անհրաժեշտ է հաւատալ ու մաս կազմել մեր նոր որակի սերնդի ինքնակերտման ջանքերին եւ տէր կանգնել մեր եւ մեր նոր որակի պետութեան մշակման գաղափարին ու գործին:
Անհրաժեշտ է վախը թօթափել եւ գործնականում լիարժէք մասնակցել ու վերականգնել մեր մարդ անհատի ու հաւաքական անհատականութեան-ազգի ինքնիշխանութիւնն ու արժանապատւութիւնը: Անհրաժեշտ է` հաըատա՛նք մեր անհատական ու հաւաքական ներուժին, ինքներս մեզ:
Որեւէ արմատական փոփոխութիւն անհանգստութեան, գուցէ եւ վախի առիթ է տալիս: Պէտք չէ վհատուել, քանզի մարդուն տրուած է ինքնագիտակցութեան, արժանապատուութեան ու կարեկցանքի անբաժանելի ու անօտարելի ընդունակութիւնն ու հնարաւորութիւնը: Կարեւոր է կամենալ այդ օգտագործել յանուն ներդաշնակ ու համերաշխ կեանքի ու գոյութեան: Մասնակցե՛նք մեր արժանապատիւ ԳՈՅՈՒԹԻՒՆԸ երաշխաւորող իրական բարեփոխումներին:
ԱՐՄԻՆԷ ԱՌԱՔԵԼԵԱՆ
Յ.Գ.- Կարելի է նաեւ այցելել հետեւեալ կայքէջները.-
– Բարենպաստ հնարաւորութեան հասունացո՞ւմ. քաղաքացիական պետութեան արմատական սլացքը ճեղքում է քրէա–օլիգարխիկ պետութիւնը (http://lragir.am/armsrc/comments60794.html) 27.02.12
– Որպէսզի այլեւս ՉՀԱՄԱՐՁԱԿՈՒԵՆ կրկնել, http://lragir.am/armsrc/comments61074.html, 02.03.12
– Անհրաժեշտ է ինքնիշխան հասուն այլընտրանք http://organize-now.am/am/2012/03/03/2410/ 3.03.12
