Յօդուածներ
ԾԱՂԿԱՁՈՐ…ԶԲՕՍԱՇՐՋԻԿԻՆ ԱՆԿԻՒՆԸ
Երեւանէն հազիւ յիսուն քլմ. հիւսիս, կը գտնուի հռչակաւոր Ծաղկաձորը, որ կը հաշուէ 1700 բնակիչ: Անոնց ջախջախիչ մեծամասնութիւնը կը զբաղուի զբօսաշրջիկութեան գործերով:
Քաղաքին մէջ պանդոկներու եւ իջեւաններու թիւը կը գերազանցէ երեսունը:
Ծաղկաձորը կրնայ հիւրընկալել հինգ հազար զբօսաշրջիկ:
Տնտեսական դժուար պայմաններու արդիւնք, վերջերս այցելողներու թիւը պակսած էր:
Հետեւաբար գիներն ալ բաւական անկում կրած էին: Յառաջիկայ տարիներուն կը սպասուի մեծ ոստում եւ այցելողներու թիւի բարձրացում:
