0
0
Մօտաւորապէս հազար հայորդիներու մասնակցութեամբ կատարուեցաւ Ամերիկայի Հայ Մշակութային ընկերակցութեան կազմակերպած Հայկական Աւանդական նաւապտոյտը, որ այս տարի կը բոլորէր իր 14ամեակը:
Տնտեսական դժուար պայմանները ազդած էին որ մասնակցողներու թիւը պակսի: Սակայն, հակառակ այս կացութեան, դաստիարակչական զանազան ձեռնարկներով եւ գեղարուեստական յայտագրերով լեցուն այս նաւապտոյտը, անմոռանալի յիշատակներ ստեղծեց:
Մայամիի նաւահանգիստէն, ազդանշանը տրուեցաւ մէկ շաբաթ (Յունուար 2128) տեւողութիւն ունեցող այս նաւապտոյտին, որ կ°ընդգրկէր Քարայիպեան զանազան կղզիներ, որոնց կարգին Պահամաս, Թորթոլա, Կրէնտ Քայքոս եւ Փրինսես Քէյ կղզիները: Աշխարհի զանազան շրջաններէն ժամանած էին հայորդիներ եւ շաբթուան մը համար, բնակութիւն հաստատած՝ »Քոսթա Աթլանթիքա« նաւուն վրայ: Յաւելեալ մանրամասնութիւններ՝ մեր յառաջիկայ թիւերուն մէջ:
Տեսարան մը Հայ Օգնութեան Միութեան նուիրուած մէկ ձեռնարկէն Լուսանկար՝ Զ. Թազեան
