Սիւնիք․-  Հ.Օ.Մ.-ի Հիմնադրութեան 115-Ամեակ՝ Տաթեւի Վանական Համալիրին Մէջ

0 0
Read Time:1 Minute, 4 Second

Մայիս 25-ին Հ.Օ.Մ.-ի 33 անդամներ եւ համակիրներ միացան զանազան կազմակերպութիւններու հարիւրաւոր հայորդիներուն եւ ուխտագնացութեան  մեկնեցան դէպի Սիւնիք` մասնակցելու Տաթեւի վանական համալիրին մէջ «Մենք ենք մեր սարերը» զարգացման գործակալութեան կազմակերպած «Կենաց ծառ» նախագիծին, որ նուիրուած էր գործակալութեան հիմնադիր Ռուբէն Վարդանեանի տարեդարձին:

Հ.Օ.Մ.-ի պատուիրակութիւնը կը գլխաւորէին` Հ.Օ.Մ.-ի Կեդրոնական վարչութեան անդամ Զոյա Քոչարեան, Հ.Օ.Մ.-ի Հայաստանի Շրջանային վարչութեան ատենապետ Մարօ Քէշիշեան եւ անդամ Գոհար Մինասեան:

Տեղատարափ անձրեւն ու ցուրտը երբեք չխանգարեցին այս յատկանշական ուխտագնացութիւնը: Տաթեւի վանքին մէջ երգ ու պարով դիմաւորուելէ ետք տեղի ունեցաւ համատեղ աղօթք` Պաքուի բանտերուն մէջ ազատազրկուած հայ գերիներու ազատ արձակման համար: Ապա Հ.Օ.Մ.-ականները մասնակցեցան  վանքի մօտ Ռուբէն Վարդանեանի եւ իր ընկերներու անունով «Կենաց ծառի»` սօսիի տնկման արարողութեան, տեղի ունեցաւ Ռուբէն Վարդանեանի յուշատախտակի բացումը` առ ի երախտագիտութիւն Տաթեւի վանքի վերականգման անոր աւանդին:

Այնուհետեւ տեղի ունեցաւ վանքի մօտակայ պտղատու ծառերու պարտէզին բացումը, ուր նոյն օրը պիտի տնկուէին 1000 պտղատու ծառեր` համապատասխան կազմակերպութիւններու հովանաւորութեամբ: Սակայն աննպաստ օդին պատճառով ծառերը տնկուած էին մէկ օր առաջ:  Հայ օգնութեան միութիւնը Հ.Օ.Մ.-ի հիմնադրութեան 115-ամեակին առիթով ստանձնած էր 115 ծառերու տնկման հովանաւորութիւնը:

Մատաղի բաժանումէն ետք Տաթեւի ուխտագնացութիւնը աւարտեցաւ «Վարք հայոց» ազգագրական ծրագիրով: Այնուհետեւ  Հ.Օ.Մ.-ականները մեկնեցան Հալիձոր, ուր ճաշակեցին աւանդական հերիսան, վայելեցին նկարչական ցուցահանդէսն ու հրամցուած ազգային երաժշտութիւնը:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles