Հ.Յ.Դ. ՀԱՅ ԴԱՏԻ ՅԱՆՁՆԱԽՈՒՄԲԵՐՈՒ ՈՒ ԳՐԱՍԵՆԵԱԿՆԵՐՈՒ ՀԱՄԱՀԱՅԿԱԿԱՆ ԽՈՐՀՐԴԱԺՈՂՈՎԻ ԱՄՓՈՓՈՒՄ

0 0
Read Time:1 Minute, 48 Second

 

Հ.Յ.Դ.աշնակցութեան Բիւրոյի հրաւէրով, 25-28 Մայիսին Հայաստանի մէջ գումարուեցաւ Հ.Յ.Դ. Հայ Դատի յանձնախումբերու ու գրասենեակներու համահայկական խորհրդաժողով՝ շուրջ քսան երկիրներէն ժամանած Հ.Յ.Դ. Հայ Դատի յանձնախումբերու ու գրասենեակներու պատասխանատուներուն մասնակցութեամբ։
Խորհրդաժողովը լսեց Հ.Յ.Դ. Հայ Դատի համաշխարհային ցանցի աշխատանքներու ամփոփումները նախորդ՝ Դեկտեմբեր 2021-ին խորհրդաժողովէն առ այսօր, քննարկեց Արցախի հայաթափումէն ու անով պայմանաւորուած զարգացումներու մասին տարբեր զեկոյցներ, կատարեց գործունէութեան հիմնական ուղղութիւններու եւ քաղաքական առաջնահերթութիւններու մարտավարական բնոյթի փոփոխութիւններ՝ յառաջիկայ գործունէութեան համար։Խորհրդաժողովը արժեւորեց պատերազմական եւ մարդկութեան դէմ յանցագործութիւններու համար շարք մը երկիրներու մէջ Հ.Յ.Դ. Հայ Դատի յանձնախումբերու կողմէն սկսեալ՝ պատժամիջոցներու կիրառունին ուղղուած աշխատանքները եւ ընդունեց որոշում՝ անիկա շարունակելու նոր թափով ու աշխարհագրական աւելի լայն ընդգրկումով։
Խորհրդաժողովը քննարկեց այն հիմնական ուղղութիւններն ու կարելի քայլերը, որոնք, հաւանաբար, ձեռք կ’առնէ Ատրպէյճան՝ իր միջազգային հեղինակութեան բարձրացումին եւ պատերազմական յանցագործի պիտակէն խուսափելու համար։ Անդրադառնալով այս հարցին՝ խորհրդաժողովը ընդունեց համապատասխան որոշումներ։ Առհասարակ, պիտի շարունակուին ատրպէյճանական յանցագործութիւններու միջազգային հանրահռչակումն ու անոնց մասին քաղաքական, հասարակական ու իրաւապաշտպան շրջանակներու իրազեկուածութեան բարձրացման աշխատանքները։
Հ.Յ.Դ. Հայ Դատի յանձնախումբերը ամէնօրեայ դրոյթով պիտի հետապնդեն Պաքուի մէջ պահուող հայ գերիներուն՝ Արցախի Հանրապետութեան ռազմաքաղաքական ղեկավարութեան տունդարձի հարցը։
Խորհրդաժողովի մասնակիցները, նկատի առնելով նաեւ իրենց աշխատանքի հետեւանքով ստացած տեղեկութիւնները, մէկ անգամ եւս արձանագրեցին՝ լուծուած չէ Ղարաբաղեան հակամարտութիւնը։ Ուստի, Հայ Դատի ցանցը պիտի շարունակէ հակամարտութեան եւ անոր աւելի ծանրացած եւ խորացած հանգամանքներու միջազգային հանրահռչակումը՝ առաջնահերթութիւն համարելով Արցախի ժողովուրդի հաւաքական ու միջազգային ամբողջական երաշխաւորութեամբ վերադարձի իրաւունքի իւրացումը։
Խորհրդաժողովին քննարկուեցան նաեւ Արցախի հոգեւոր եւ նիւթական մշակութային ժառանգութեան պահպանման հարցերը։ Անոր ուղղուած որոշակի գործողութիւններուն մասին ընդունուած են որոշումներ, որոնք կ’ենթադրեն համագործակցութիւն հայկական, միջազգային կազմակերպութիւններու եւ առանձին պետութիւններու հետ։
Յատուկ քննարկումի արժանացած են Հայաստանի Հանրապետութեան գործող իշխանութիւններու վարած արտաքին քաղաքականութիւնը եւ այդ քաղաքականութեան բացասական հետեւանքներուն դիմագրաւելու կարելիութիւնները, ինչպէս նաեւ «Տաւուշը Յանուն Հայրենիքի» շարժումի արտաքին ճակատը լուսաբանելու քայլերը։
Խորհրդաժողովի ընթացքին քննարկուեցան նաեւ տեղերու մէջ Հայ Դատի յանձնախումբերու կարողականութիւններու զարգացման, համայնքային կապերու ամրապնդման ու երիտասարդութեան ներգրաւման վերաբերող հարցեր։
Խորհրդաժողովը, 28 Մայիսի ուշ երեկոյեան իր աշխատանքները աւարտեց Ամենայն հայոց կաթողիկոս, Ն․Ս․Օ․Տ․Տ․ Գարեգին Բ-ի հետ հանդիպումով ու Նորին Սրբութեան օրհնութեամբ։
29 Մայիսին գումարուեցաւ Հ.Յ.Դ. Բիւրոյի Հայ Դատի կեդրոնական խորհուրդի նիստը, որ ճշդեց խորհրդաժողովի որոշումներու իրագործման ուղղուած աշխատանքային ծրագիրը։

Հ.Յ.Դ. Բիւրոյի Հայ Դատի Կեդրոնական Գրասենեակ

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles