ՈՉ ԵՒՍ Է ԵՐԷՑԿԻՆ ԼՈՒՍԻՆ ՏԱՂԼԵԱՆ

0 0
Read Time:1 Minute, 16 Second

Հինգշաբթի, Յունուար 25-ին, իր մահկանացուն կնքեց երէցկին Լուսին Պաղտասարեան-Տաղլեան  (Օգոստոս 3, 1925 – Յունուար 25, 2024), որ հանգուցեալ Արժպ. Տ. Արշակ Ա. Քհն. Տաղլեանի կողակիցն էր եւ ունեցած է հինգ զաւակներ՝ Սոնիա, Նորա (ամուսնացեալ՝ Ռիչըրտ Սարաճեանի), Այտա (այժմ՝ հանգուցեալ), Յովհաննէս, եւ Հուրի, ինչպէս եւ եօթը թոռներ եւ երկու ծոռներ։ Ան քոյրն էր Վալանթին Պիլեզիկեանի, Մարի Քասապեանի եւ Յակոբ Պաղտասարեանի։

Երէցկինը ծնած էր Հալէպ, Էմմանուէլ եւ Սաթենիկ Պաղտասարեաններու ընտանիքին մէջ։ Ալեփփօ քոլէճէն շրջանաւարտ ըլլալէ ետք, ամուսնացած է Արտաշէս Տաղլեանի (ապագայ Արշակ Քհն. Տաղլեան) հետ, այնուհետեւ հաստատուելով Պէյրութ։ Տէր Արշակ եւ երէցկին Լուսին Արեւելեան Թեմի առաջին ծառայողներէն եղած են։ Շուրջ երեք տարի ծառայած են Սուրբ Պօղոս (Ուոքիկըն, Իլինոյ) եկեղեցիին եւ Ուեսթ Փուլմընի մէջ (Իլինոյ)։ Այնուհետեւ, անոնք փոխադրուած են Նորթ Անտովըր (Մասաչուսէց), ուր 15 տարի ծառայած են իբրեւ Սուրբ Գրիգոր եկեղեցւոյ առաջին հովիւն ու երէցկինը։ Երէցկին Լուսին իր մասնակցութիւնը բերած է դպրաց դասերուն, Հայ Օգնութեան Միութեան, Տիկնանց Միութիւններու Ազգային Ընկերակցութեան, եւ եղած է Սուրբ Գրիգոր եկեղեցւոյ Տիկնանց Միութեան ատենապետուհին։

Արժպ. Տ. Արշակ Ա. Քհն. Տաղլեանի հանգստեան կոչուելէն ետք, երէցկին Լուսին անդամակցեցաւ Սուրբ Ստեփանոս (Ուոթըրթաուն, Մասաչուսէց) եկեղեցւոյ եւ շարունակեց ծառայել մեր Եկեղեցւոյ, նիւթապէս մասնակցելով Ազգային Առաջնորդարանի բազմաթիւ ու բազմապիսի ձեռնարկներու։ Ան միաժամանակ իր խորհրդատուութեամբ նեցուկ կանգնած է նոր սերունդի երէցկիներու։ 2013-ի Ազգային Երեսփոխանական Ժողովին, օրուան Առաջնորդ՝ Գերշ. Տ. Օշական Արքեպիսկոպոս «Տարուան մայր» տիտղոսը շնորհած է իրեն։

Առաջնորդ Սրբազան Հօր նախագահութեամբ եւ շրջանի հոգեւորականաց դասուն մասնակցութեամբ, յուղարկաւորութիւնը տեղի ունեցաւ Սուրբ Ստեփանոս եկեղեցւոյ մէջ, Չորեքշաբթի, 31 Յունուարին, որուն հետեւեցաւ թաղումը West Parish Garden գերեզմանատան (Անտովըր, Մասաչուսէց) մէջ։ Նուիրատուութիւններ կարելի է կատարել Սուրբ Ստեփանոս եկեղեցւոյ կամ Ազգային Առաջնորդարանին։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles