Անկեղծ Մտորումներ՝ Հ.Յ.Դ.-ի 133-Ամեակին Առթիւ

1 0
Read Time:2 Minute, 9 Second

Գէորգ Պետիկեան

Գաղտնիք մը չէ, որ բոլոր հայ կուսակցականները յեղափոխականներ են ու նաեւ՝ չեն: Բայց եւ այնպէս բոլորն ալ ուխտած են դրօշակակիրը ըլլալ եւ մնալ կամովին իրենց ընտրած այդ գաղափարին:

Սակայն նաեւ պէտք է գիտնանք, որ յեղափոխական կուսակցութիւններու շարքերը անհատական սեփականութիւններ ալ չեն: Անոնք, մեր տառապող ժողովուրդին նուիրական աւանդն են, յեղափոխական գաղափարի զոհուածներուն սրբազան կտակը ապրող սերունդներուն համար:

Յեղափոխութեան ճշմարիտ հերոսը, ինք՝ ժողովուրդն է, իր ցասումի, իր տառապանքի արտայայտութիւններէն, եւ անոնց յոյսերէն ծնած: Իսկ յեղափոխանը այն անհատն է, որ ծարաւ է իր հայրենիքի ազատութեան, իր հայրենակիցներուն երջանիկ կեանքի ու վրէժխնդրութեան եւ արիւնի, յաղթանակի տիրապետող ոգիով:

Յեղափոխութիւնն ու յեղափոխականը ժողովուրդներու փառքին մաս կը կազմեն եւ ո՛չ… հրապարակներու եւ հանրային պոռչտուքները:

Եւ պատմութիւնը վկայ, հայրենիքը սիրողն ու պատուողը անոնք են, որոնք արդարութեան համար հանդուրժած են բանտը, աքսորն ու մահը:

Մեր մեծերէն սորված ենք, որ յեղափոխական գաղափարները մեզի կու տան առողջ գիծեր, դիմացկուն եւ խիզախ ու անխարդախ հոգի:

Բոլոր յեղափոխականներնն ալ հայրենիքի ազատութեան գաղափարին

հաւատքովը կամաւոր զինուորագրեալներն են, որոնք իրենց պատանի տարիքէն իսկ ուխտած են հաւատարիմ մնալ նուիրական գործին, միաժամանակ չնսեմացելով յեղափոխականի գործը, սկզբունքն ու իրենց կատարած երդումը:

Հոս տեղին է աւելցնել, որ ազգային դիմագիծով բոլոր յեղափոխականներն ալ կ’ապրին խիզախութեամբ, պարկեշտութեամբ, անկեղծութեամբեւ անսակարկ 

Գաղտնապահութեամբ ու կարգապահութեամբ, միշտ հաւատարիմ իրենց սկզբունքներուն, եւ միշտ յանձնառու՝ իրենց յեղափոխական շարժման եւ վստահուած պարտականութիւերուն:

Ուրեմն, յեղափոխականի կեանքին մեծագոյն նպատակը իր հայրենիքի եւ հոն ապրող ժողովուրդի ազատութեան պաշտպան ու կեցուկ կանգնիլն է, քաջութեամբ եւ անձնազոհութեամբ, իբրեւ խրորտ եւ արթուն պահակ:

Ահա էականը իրենց կեանքին մէջ:

Անոր համար բոլոր յեղափոխականներն ալ իրենց հայրենիքին արհաւիրքի եւ տառապանքի անապատին մէջ կը նկատուին իբրեւ մէկական ովասիս: Որովհետեւ, բոլորն ալ կը ձգտին դառնալ մէկական վահան հայրենիքի սահմաններու ապահովութեան եւ պաշտպանութեան, նաեւ՝ ներքին եւ արտաքին խոչընդոտներու դէմ պայքարող, հայրենիքի անդորրութեան սպառնացող ուժերու եւ շարժումներու դէմ անսակարկ կամաւոր ծառայ:

Լաւ յիշենք.- յեղափոխականը խօսքէն աւելի գործով կը յատկանշուի:

Ինք միշտ պատրաստ է շէնցնել պապենական իր երկիրը, նաեւ՝ զայն փրկել սարսափի եւ դառնութեան ճիրաններէն, չարչարանքի եւ արիւնոտ ճամբաներէն: Ան ամէն գինով կը պոռթկայ եւ նոյնքան ալ կը զոհուի անիրաւութեան դէմ: Միշտ զինուած է ապրի անհուն երախտագիտութեամբ, գաղտնապահութեամբ, հաւատարմութեամբ եւ հնազանդութեամբ: Իր զայրոյթին մէջ առկայ են ազատութիւն եւ արդարութիւն գոռացող արձագանգները, եւ որոնք երբեք չեն մարիր:

Դարձեալ մեր մեծերէն սորված ենք, որ հայ յեղափոխականը, հայրենիքի յաւերժութեան գաղափարին նուիրուած ան հայ անհատն է, որ զինուած ու պատրաստ է մարտնչելու իր հայրենի հողին եւ անոր վրայ բնակող ժողովուրդի երջանկութեան, ազատութեան, արդարութեան եւ մանաւանդ՝ խաղաղութեան, իր ոգեղէն խորհուրդով եւ զէնքերով:

Ան միշտ պատրաստ է զոհելու եւ զոհուելու յանուն պապենական հայրենիքի հողերու պաշտպանութեան եւ անկախութեան ճիգերուն եւ մարտնչումներուն:

Ահա՛,  Հ. Յ. Դաշնակցականն ու եւ ահա՛, 133 տարեկան Հ.Յ.Դ. -ն:

Պատիւ բոլորին, եւ յատկապէս իրենց ծնունդ տուող հայ ժողովուրդին:

 

bedig43@aol.com

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles