0
0
ՈՒԱՇԻՆԿԹԸՆ․- Հայ Դատի կեդրոնական գրասենեակը կը տեղեկացնէ, թէ Հինգշաբթի, Նոյեմբեր 16-ին Ծերակոյտը միաձայնութեամբընդունեց «Հայաստանի պաշտպանութեան 2023-ի օրէնք» խորագրուած բանաձեւը, որ կրնայ երկրին նախագահէն երկու տարիով խլել 1992-ին վաւերացուած «Ազատութեան աջակցութեան օրէնք»-ի թիւ 907 ենթաբաժինը (Ատրպէյճանին տրամադրուող օգնութեան վերաբերող) շրջանցելու իրաւունքը։
907-րդ ենթաբաժինը կը շեշտէ, թէ Ուաշինկթըն չի կրնար Ատրպէյճանին օգնութիւն տրամադրել, Պաքուի հակահայ արարքներուն պատճառաւ, սակայն յետագայ տարիներուն օրէնսդիրները վերամշակած են թիւ 907 ենթաբաժինը, նախագահներուն թոյլատրելով զայն շրջանցել եւ 2002-էն ի վեր, «հակաահաբեկչական գործողութիւններ իրականացնելու նպատակով» ռազմական օժանդակութիւն կը տրամադրուի Պաքուին:
Ծերակոյտին ընդունած այս բանաձեւը ի զօրու պիտի դառնայ, եթէ Ներկայացուցիչներու Տունը վաւերացնէ եւ ապա նախագահ Պայտըն ստորագրէ զայն:
