ՎԵՐԱՄՈՒՏԸ ՓՐՈՎԻՏԵՆՍԻ ՄԷՋ 

Շաբաթ, Սեպտեմբեր 9-ին, Սրբոց Վարդանանց եկեղեցւոյ (Փրովիտենս, Ռոտ Այլընտ) «Մուրատ» ազգային վարժարանը եւ կիրակնօրեայ վարժարանը պատշաճօրէն մեկնարկեցին վերամուտը, կազմակերպելով յատուկ տօնակատարութիւն մը։ Աշակերտներն ու այլ մանուկներ զուարճալի պահեր ապրեցան, մինչ իրենց ծնողները արձանագրութիւնը կատարեցին շաբաթօրեայ եւ կիրակնօրեայ դպրոցներուն համար։

Նախանցեալ տարիներու նման, Փրովիտենսի համայնքը կ՚ակնկալէ կրթական աշխատանքներու արդիւնաւէտ տարի մը ունենալ։