0
0
Մարտի 28-ին Արցախի Հանրապետութիւնում վերականգնուել է Ատրպէյճանի կողմից օրեր շարունակ արհեստականօրէն խափանուած կազամատակարարումը:
Կազամատակարարումը զուտ մարդասիրական հարց է, իսկ Ատրպէյճանն այն օգտագործել է որպէս Արցախի ժողովրդի վրայ հոգեբանական ճնշումներ գործադրելու եւ ահաբեկելու միջոց: Սակայն արցախահայութիւնը, հերթական անգամ դրսեւորելով քաղաքացիական բարձր պատասխանատուութիւն, կարողացել է յաղթահարել առկայ իրավիճակը:
Բռնաճնշումների այս քաղաքականութիւնն արժանացել է Հայաստանի Հանրապետութեան, Ռուսաստանի Դաշնութեան խաղաղապահ ուժերի եւ միջազգային հանրութեան, մասնաւորապէս` Ռուսաստանի Դաշնութեան, Միացեալ Նահանգների, Ֆրանսայի եւ մի շարք այլ երկրների ու միջազգային կառոյցների խիստ քննադատական արձագանգին:
Արցախի Հանրապետութեան Ազգային ժողովի բոլոր խմբակցութիւնները երախտագիտութիւն են յայտնում միջազգային կառոյցներին եւ մեր բարեկամներին` սկզբունքային կեցուածք դրսեւորելու համար:
Միեւնոյն ժամանակ, բարձր գնահատելով Արցախի Հանրապետութիւնում տեղակայուած Ռուսաստանի Դաշնութեան խաղաղապահ ուժերի կողմից ձեռնարկուող հետեւողական քայլերը, ակնկալում ենք ատրպէյճանական զինուժի յետ վերադարձը ելման դիրքեր:
«ԱԶԱՏ ՀԱՅՐԵՆԻՔ-ՔՄԴ»
«ՄԻԱՍՆԱԿԱՆ ՀԱՅՐԵՆԻՔ»
«ԱՐԴԱՐՈՒԹԻՒՆ»
«ՀԱՅ ՅԵՂԱՓՈԽԱԿԱՆ ԴԱՇՆԱԿՑՈՒԹԻՒՆ»
«ԱՐՑԱԽԻ ԺՈՂՈՎՐԴԱՎԱՐԱԿԱՆ ԿՈՒՍԱԿՑՈՒԹԻՒՆ»
Ստեփանակերտ
29 Մարտ 2022
