0
0
Չորեքշաբթի Օգոստոս 26ի վաղ արշալոյսին, Հայէնիսի (Մասաչուսէց) մէջ, իր մահկանացուն կնքեց Ամերիկահայերու մօտիկ բարեկամ եւ Հայ Դատի բնագաւառէն ներս, անաչարօրէն եւ ամէնայն հետեւողականութեամբ աշխատանք տարած՝ ծերակուտական Էտուըրտ Քեննետի:
77 տարեկան Քեննետի, որ տարիէ մը ի վեր կը տառապէր ուղեղի քաղցկեղէ, եղբայրն էր ահաբեկչական արարքի զոհ գացած նախագահ Ճոնի եւ Ռապերթի: 1962-էն ի վեր ծերակուտական, ան մեծ յարգանք եւ ժողովրդականութիւն կը վայելէր:
Նախագահ Օպամա փոխանցեց իր խորին ցաւակցութիւնները եւ յայտնեց թէ՝ Քեննետի առաջին օրէն իսկ նեցուկ կանգնած էր իր նախագահական թեկնածութեան:
Այս առթիւ, Հայ Դատի Արեւելեան Ա.Մ.Ն.-ի գրասենեակի պատասխանատու Արի Գիլեան իր խոր վիշտը յայտնեց.- »Տարիներ շարունակ Ծերակուտական Էտուըրտ Քեննետի պաշտպանած էր մարդկային իրաւունքները: Ան եղած էր ամերիկահայերու մօտիկ բարեկամը: Կը գուժենք մահը մեր մօտիկ բարեկամին որ տարիներ շարունակ պայքարեցաւ ի նպաստ Հայոց Եղեռնի ճանաչման եւ Հայ Դատի առնչուող բոլոր հարցերուն…«:
