0
0
Գոյնզգոյն լոյսերն ու եղեւնին կը տիրապետեն Երեւանի վրայ: Արդարեւ, Հինգշաբթի Դեկտեմբեր 20-էն ի վեր, ձեռամբ Երեւանի քաղաքապետին, ազդանշանը տրուեցաւ տօնական օրերուն: Վառ են ամանորեայ կեդրոնական տօնածառի լոյսերը եւ լուսաւոր` մայրաքաղաքի տարբեր շրջաններէն ներս, տեղադրուած տօնական ծառերն ու զարդերը:
Այս տարուայ Երեւանի Կեդրոնական հրապարակի տեղադրուած գլխաւոր տօնածառի բարձրութիւնը 32 մեթր է: Անիկա պատրաստուած է վեց հազար ճիւղերէ, որոնք տեղափոխուած են տարբեր մարզերէ: Տօնածառի լուսային ձեւաւորման համար օգտագործուած են աւելի քան յիսուն հազար լոյսեր, որոնց երկարութիւնը գրեթէ 11 մղոն (17 քիլոմեթր) է:
Երեւանի զանազան շրջաններէ ներս լուսաւոր ձեւաւորում ստացած են ընդամէնը 450 ծառ, եւ տեղադրուած են աւելի քան տասը ձեւաւոր մոմեր եւ մսուրներ: Տարբեր այլ վայրերու մէջ եւս ուրախ երեկոներ պիտի կազմակերպուին:
Այսպէս, փառատօնի բոլոր օրերուն Ազատութեան հրապարակին վրայ պիտի կազմակերպուին անհատական եւ խմբային բազմազան խաղեր` ուրախ փինկուիններ, պոուլինկ, նկարչական պատ, լապիրինթ եւ այլն: Երեխաներու համար պիտի կատարուին հեքիաթային ներկայացումներ:
Դեկտեմբեր 28ին` Այսօր…նախատեսուած է Կաղանդ Պապերու մրցավազքը, ուր կրնան մասնակցիլ մեծ թէ փոքր բոլոր փափաքողները: Միակ պայմանը` կրել կարմիր զգեստ, գլխարկ եւ մօրուք:
