Վաղարշապատի Ընտրատեղամասերու Քուէարկութիւններուն՝ «Քաղաքացիական Պայմանագիր»-ը Յաղթական
ԵՐԵՒԱՆ.- Կիրակի, 16 Նոյեմբերին, Վաղարշապատի համայնքին մէջ տեղի ունեցան տեղական ինքնակառավարման մարմիններու ընտրութիւնները, որոնց մասնակցած քուէարկողներու համեմատութիւնը եղաւ 45,12 տոկոս:
Կեդրոնական ընտրական յանձնաժողովը հրապարակեց Վաղարշապատի բոլոր՝ 47 ընտրատեղամասերուն մէջ քուէարկութեան արդիւնքները: Յաղթական դուրս եկաւ «Քաղաքացիական Պայմանագիր» կուսակցութիւնը՝ 15,298 ձայներով: «Յաղթանակ» կուսակցութիւններու դաշինքը ստացաւ 10,051 ձայն, «Համահայկական ճակատ»ը` 295, «Հանրապետութիւն»ը` 1241, «Մայր Հայաստան»ը` 1692, «Ազատ դեմոկրատներ»ը` 1177, «Ժառանգութիւն»ը` 440, «Հայրենիք» կուսակցութիւնը` 1193 ձայն:
«Ազատութիւն»ը կը տեղեկացնէ, որ Վաղարշապատ համայնքի ընտրութիւններուն «Քաղաքացիական Պայմանագիր»ի թեկնածուին յաղթանակը ոգեւորած է վարչապետ Նիկոլ Փաշինեանը ոչ միայն ժողովրդավարութեան տեսանկիւնէն, այլ նաեւ վեհափառէն ձերբազատելու իր ծրագիրին առումով։
