ԵՐԵՒԱՆ․- 23էն 24 Սեպտեմբեր լուսցող գիշերը, Արմաւիրի մարզի Մերձաւան բնակավայրին մէջ, դիմակաւոր մարդասպան մը, կրակելով եւ վազելով մօտեցած է տունէն նոր դուրս ելած եւ իրարու հետ զրուցող երեք տղամարդոց` Փարաքարի համայնքապետ ընդդիմադիր Վալոտիա Գրիգորեանին եւ անոր ընկերներուն: Կրակոցներուն պատճառով երեքն ալ մահացած են։
42 տարեկան Վալոտիա Գրիգորեան, որ չորս զաւակի հայր է, մերձաւանցի էր եւ Փարաքար համայնքի ղեկավար ընտրուեցաւ այս տարուան գարնան։ «Ապրելու Երկիր» կուսակցութեան անդամը յաղթած էր իշխող «Քաղաքացիական Պայմանագիր»ի խումբին: Գրիգորեանի կողքին մահացած է նաեւ, իր ընկերներէն՝ Կարէն Աբրահամեան։
Վարչապետ Նիկոլ Փաշինեան, դիմատետրիիր էջին վրայ դատապարտեց Փարաքարի ընդդիմադիր համայնքապետին սպանութիւնը եւ գրած է, թէ իրաւապահները պէտք է շուտափոյթ բացայայտեն յանցագործութեան մէջ ներգրաւուած բոլոր անձերը:
Գրիգորեանի սպանութենէն ժամեր ետք, «Ապրելու Երկիր» կուսակցութեան ղեկավար Մանէ Թանդիլեան յայտարարեց, որ ոչինչ պատահաբար եղած է, եւ յստակ է, որ այս նախապէս ծրագրուած սպանութիւն էր:
«Ո՞ւմ է ասում, ո՞ւմ հետ է խօսում, ես հասկանում եմ, որ ինքն էլ է հասկանում, որ ինքը իր տեղում չէ, բայց բաւարար է ստատուսագրի նման… առաւօտ մարդիկ արթնանում են տեսնեն` Փաշինեանն ինչ ստատուս է գրել, սա խայտառակութիւն չի՞: Թող իրաւապահ համակարգին գործի դնի, որովհետեւ հասկանում ենք, որ մէկ մարդու իշխանութիւն է: Եւ օր առաջ այս սպանութիւնը բացայայտուի», եզրակացուց նշեց Թանդիլեան, արձագանգելով Փաշինեանի գրառումին:
