0
0
ՈՒԱԹԸՐԹԱՈՒՆ․- Երկուշաբթի, Ապրիլ 10-ին, Հայ Մշակութային Եւ Կրթական Կեդրոնէն (ACEC) ներս գումարուեցաւ յատուկ ժողով մը, որ ընտրեց զանազան միութիւններու պատկանող միութիւններու 21 անդամներէ բաղկացած հոգաբարձուներու խորհուրդ մը, որ իր կարգին յառաջիկայ երկու տարիներուն համար ընտրեց 7 անդամներէ գործադիր մարմին մը, բաղկացած հետեւեալ անձնաւորութիւններէ․-
Ճորճ Պաշիրեան, Վահէ Ղահրաման, Տիգրան Խալիկեան, Արմէն Խաչատուրեան, Մարթա Մենսոյեան, Վաչէ Սէրայտարեան եւ Ռաֆֆի Եափուճեան։
1980-էն ի վեր կը գործէ այս կեդրոնը, որուն խոհանոցին վերանորոգումն ու պատասխանատուութիւնը ստանձնած է քաղաքէն ներս համբաւ շահած «Անուշ ըլլայ» ճաշարանը, որ այս առթիւ պատրաստած էր հիւրասիրութիւն։
Վաչէ Սէրայտարեան ստանձնեց նախագահի պաշտօնը, Մարթա Մենսոյեան՝ փոխ-նախագահ, Վահէ Ղահրաման՝ քարտուղար եւ Արմէն Խաչատուրեան՝ գանձապահ։
Աւարտին խօսք առնելով Վաչէ Սէրայտարեան շնորհակալութիւն յայտնեց գործադիր մարմնի ընթացաւարտ երկու անդամներու՝ Ստեփան Չիլոյեանի (նախագահ) եւ Արա Սարգիսեանի (խորհրդական), որոնք անաչառօրէն եւ նուիրումով կատարած էին իրենց պարտականութիւնը։
Ոչ հասութաբեր հիմնարկ մըն է Հայ Մշակութային եւ Կրթական Կեդրոնը, որուն կարելի նուիրատուութիւն կատարել, այցելելով․- https://acecwatertown.org/donate/.
