
ՆԻՒ ԵՈՐՔ․- Չորեքշաբթի, Մարտ 8-ին, Ազգային Առաջնորդարանի եւ Սուրբ Լուսաւորիչ Մայր Եկեղեցոյ հովանաւորած Մեծ Պահքի դասախօսութիւններու շարքին երրորդը տեղի ունեցաւ Սուրբ Լուսաւորիչ Մայր Եկեղեցւոյ մէջ։ Ա․Մ․Ն․ Արեւելեան Թեմի բարեջան Առաջնորդ՝ Գերշ. Տ. Անուշաւան Արք․ Դանիէլեան դասախօսեց Սուրբ Ներսէս Շնորհալիի մասին իբրեւ հովուապետ, ներկայացնելով անոր «Թուղթ ընդհանրական»-ը։ Երեկոյեան յայտագիրը վերջ գտաւ Մայր Եկեղեցւոյ Տիկնանց Յանձնախումբի հովանաւորած ընթրիքով։
Յառաջիկայ Չորեքշաբթի, Մարտ 15-ին, Մայքըլ Փափազեան՝ փիլիսոփայութեան դասախօս Պեռի (Ռոմ, Ճորճիա) քոլէճի մէջ պիտի խօսի Սուրբ Ներսէսի մասին իբրեւ միջեկեղեցական յարաբերութիւններու ջատագով։