ԱՊՐԻԼԵԱՆ ՈԳԵԿՈՉՄԱՆ ՑՈՅՑԵՐ ՆԻՒ ԵՈՐՔԻ ԵՒ ՈՒԱՇԻՆԿԹԸՆԻ ՄԷՋ

0 0
Read Time:2 Minute, 7 Second

Նիւ Եորքի եւ Ուաշինկթընի մէջ խաղաղ քայլարշաւ-ցոյցերով նշուեցաւ Հայոց Ցեղասպանութեան 106-ամեակը։

Նիւ Եորքի Սուրբ Լուսաւորիչ մայր եկեղեցւոյ մէջ, Ա․Մ․Ն․ արեւելեան թեմի Առաջնորդ Անուշաւան Արք․Դանիէլեան կատարեց յատուկ պատարագ։ Ան իր խօսքին մէջ ըսաւ, թէ 106 տարիներու Հայկական Ցեղասպանութեան ուրացումը, պատմութեան նենգափոխումը, Արեւմտեան Հայաստանի յուշարձաններու բնաջնջումը բաւարար չէր, Յուլիս 14, 2020-ին Թուրքիոյ նախագահին ամբարտաւան ու անամօթ յայտարարութիւնը կու գար առաւել եւս կոտտացնելու Հայու կարէվէր սիրտը, թէ՝ «պիտի շարունակենք ամբողջացնել մեր մեծ հայրերու առաքելութիւնը Կովկասի մէջ։

«Նման յայտարարութիւններ համավարակէն աւելի վտանգաւոր են ե՛ւ Թուրքիոյ, ե՛ւ շրջանի, նաեւ մարդկութեան համար առհասարակ։ Հայոց ցեղասպանութեան անուրանալի ոճիրը գէթ մասամբ կարելի է դարմանել միայն ու միայն ներողութիւն խնդրելով եւ արդար հատուցում կատարելով Հայ ժողովուրդին, որպէսզի պատմութեան մէջ նոր էջ բացուի դրական յարաբերութեան, գործակցութեան եւ բարգաւաճման ի խնդիր։ Հայկական բարձրաւանդակի վրայ աւելի քան հինգ հազար տարիներ ապրած է Հայ ժողովուրդը եւ Հայ ժողովուրդը պիտի շարունակէ հոն ապրիլ ու գործել առյաւէտ։ Մինչ այդ, մեր կամքը աւելի տոկուն է քան կրանիթը, մեր համբերութիւնը աւելի խոր է քան ովկիանոսները եւ մեր տեսլականը աւելի բարձր է քան ամպերը», յայտնեց Բարեջան Առաջնորդը։

Ապա տեղի ունեցաւ քայլարշաւ, շրջանի Հ․Ե․Դ․-ի երկու մասնաճիւղերու՝ «Մուշ» (Մանհաթըն) եւ «Հայորդիք» (Նիւ Եորք) կազմակերպութեամբ։

Հաւաքը տեղի ունեցաւ «Ուաշինկթըն» հրապարակին մէջ։ Անահիտ Ինճիկուլեան մեներգեց քայլերգները, ապա խօսք առին լրագրողներ՝ Սամ Արմէն, Ճուլիըն ՄըքՊրայտ եւ յոյն համայնքի ներկայացուցիչ Տիմիթրի Ֆիլիփիտիս։

Անոնք շեշտեցին, թէ Թուրքիոյ ներկայ ղեկավարութիւնը  հետամուտ է ազգայնամոլ ծաւալապաշտ քաղաքականութեան իրագործման եւ ճիգ կը թափէ օսմանական կայսրութիւն մը վերստեղծելու։

Արմէն յայտնեց, թէ հայ ժողովուրդը չունի այլընտրանք` բացի  պայքարելէ, դիմագրաւելէ եւ յաղթահարելէ բռնութիւններն ու բրտութիւնները, որոնք կը գործադրուին իր եւ իր հայրենիքին դէմ։ Իսկ ՄըքՊրայտ շեշտեց, թէ հայ ժողովուրդին գրաւականը իր երիտասարդութիւնն է, որ պիտի շարունակէ վառ պահել ջահը եւ աննկուն կերպով շարունակել պայքարը:

Ֆիլիփիտիսի Կիզակէտն էր փանթուրանականութիւնը եւ  Միջին Արեւելքի մէջ նոր-օսմանական կայսրութիւն հիմնելու Թուրքիոյ  կիրարկած ծաւալապաշտ քաղաքականութիւնը: Ան բաղդատական մը կատարեց յոյն եւ հայ ժողովուրդին ապրած դաժան անցեալին մասին։

Գեղարուեստական յայտագրով, բեմ բարձրացաւ Անի Ճռճռեան, որ յատուկ մշակումով ներկայացուց Պարոյր Սեւակի «Ողբամ Մեռելոց»-ը։

Ուաշինկթընի մէջ, տեղւոյն Հ․Ե․Դ․-ի «Անի» մասնաճիւղի կազմակերպութեամբ, Ապրիլ 23-ին  կազմակերպուեցաւ հսկում։

Խօսք առնողներու շարքին էր շրջանի Հայ Դատի ներկայացուցիչ Թերեզա Երեմեան , որ շեշտեց հետեւողական պայքարի անհրաժեշտութիւնը, մանաւանդ որ թրքական եւ ատրպէյճանական լոպպին հետզհետէ կը փորձէ թափանցել քարոզչական զանազան միջոցներով։ Երիտասարդականներ ալ իրենց կարգին խօսք առին, շեշտելով թէ ժամանկը չէ անտարբերութեան, որ կրնայ պատճառ դառնալ դասալքութեան։

Ապա յաջորդ օրը տեղի ունեցաւ քայլարշաւ եւ հաւաք։ Այս հաւաքին մասնակցողներուն թիւը կը հասնէր 500-ի։ Շրջանի հովիւ Սարգիս Ագթաւուգեան կատարեց պատարագ։ Իսկ  Խօսք առնողներու շաչքին էին Մարի Ստեփանեան (Հ․Մ․Ը․Մ․) եւ Արենի Մարկոսեան (Հ․Ե․Ը․)։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles