ՄԱՐՏԻԿ ՄԱՐԹԻՆԻ ՀՐԱԺԵՇՏԸ

0 0
Read Time:1 Minute, 22 Second

Պաստառի եւ քուլիսներու ետին գործողներէն էր Մարտիկ Մարթինը, որ իր մահկանացուն կնքեց Սեպտեմբեր 11-ին, Սթիւտիօ Սիթիի իր բնակարանին մէջ։ Քանի մը օրէն ան պիտի նշէր իր 85-րդ տարեդարձը։

Իր համալսարանական տարիներուն ծանօթացած էր հռչակ սփռած բեմադրիչ Մարթին Սքորսիզիի հետ, որուն հետ բեմագրած էր «Mean Streets»-ի, «New York, New York»-ի եւ «Raging Bull»-ի նման գործեր։

2008 թուականին, անոր կեանքին նուիրուած ժապաւէն մըն ալ պատրաստուած էր․- «Mardik: Baghdad to Hollywood»:

Մարտիկ Մարթինի օժանդակութեամբ, Ֆաթիհ Աքին պատրաստեց հայոց ցեղասպանութեան մասին պատրաստուած ամէնէն աւելի յաջող ժապաւէններէն՝ «The Cut»-ը (Հատում)։ Այս գծով, գերմանածին թուրք բեմադրիչը, հարցազրոյցի մը ընթացքին ըսաւ․- «Բեմագրութիւնը գերմաներէնով գրած էի: Երբ յայտնի եղաւ, որ ժապաւէնը անգլերէնով պիտի պատրաստեմ, ինծի թարգմանիչէն աւելի օժտուած մէկը պէտք էր: Իսկոյն մտաբերեցի Մարտիկ Մարթինը, որ նախ “աշխատանքէ դադրած եմ“՝ ըսելով մերժեց առաջարկս: Բայց ՝՝The Cut՝՝ի պատմութիւնը կարդալով՝ ցնցուեցաւ: Ամբողջ կեանքին ընթացքին նման ժապաւէն մը երազած էր: Աշխատելու սկսաւ եւ բեմագրութիւնը անհատականացուց, ուղղեց, ա՛լ աւելի խտացուց եւ դրական իմաստով կ՛ըսեմ՝ ամերիկանացուց: Անվարան կրնամ ըսել, թէ Մարտիկին հետ աշխատելով՝ կեանքս հարստացաւ: Ան իմ ամենատարեց ընկերս է եւ ուսուցիչս»։

Մարտիկ Մարթին եւ Ֆաթիհ Աքին , Վենետիկի փառատօնին

Մարտիկ Մարթին ծնած է Ապատան (Իրան)։ Ան հասակ նետած է Իրաքի մէջ, ապա հաստատուած է Նիւ Եորք, ուր առաջին տարիներուն, դաժան պայմաններու տակ ապրած Նիւ Եորքի մէջ, Մարթին աւարտելէ ետք, բեմագրութիւն դասաւանդեց Նիւ Եորքի եւ Հարաւային Քալիֆորնիոյ համալսարաններուն մէջ։

Հարազատները փափաք յայտնած են, որ փոխան ծաղկեպսակի նուիրատուութիւններ կատարուին Հ․Օ․Մ․-ի «Մայր» մասնաճիւղին, Մարտիկ Մարթինի անուան կրթական հիմնադրամ մը հաստատելու նպատակով (Armenian Relief Society/Mayr Chapter for Mardik Martin Education Fund, P.O. Box 27863, Hollywood, CA 90027)։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles