Հայ Դատը Կ՛ողջունէ Քրիստոնեաներու Օժանդակութեան Որոշումը

0 0
Read Time:1 Minute, 41 Second
Ձախէն աջ՝ Արամ Համբարեան, Առաջնորդ Օշական Արք. Չօլոյեան, Վեր. Պերճ Ճամպազեան եւ Զաւէն Խանճեան

ՈՒԱՇԻՆԿԹԸՆ.- Ամերիկայի Հայ Դատի յանձնախումբը կը տեղեկացնէ, թէ կայացած «Ի Պաշտպանութիւն Քրիստոնեաներու» համաժողովին ընթացքին, ամերիկեան կառավարութիւնը յայտարարած է, թէ պիտի որդեգրէ Հայ Դատի յանձնախումբին, ինչպէս նաեւ Միջին Արեւելքի մէջ քրիստոնեաներու պաշտպանութեան համար աշխատանք տանող շարք մը այլ կազմակերպութիւններու այն առաջարկը, ըստ որուն՝ Միացեալ Նահանգներու կողմէ տրամադրուող մարդասիրական օժանդակութիւններուն մէկ մասը պիտի հասցէագրուի ուղղակի քրիստնեաներուն եւ հալածուող այլ փոքրամասնութիւններու՝ ոչ-կառավարական եւ կրօնական բարեսիրական կազմակերպութիւններու միջոցով։
Իր ելոյթին ընթացքին, Միացեալ Նահանգներու փոխնախագահ Մայք Փենս ողջունեց ներկաները։ Փենսի նշած կրօնական առաջնորդներուն շարքին էր յատկապէս Արեւելեան թեմի առաջնորդ Օշական արք. Չօլոյեանը։ Ան նաեւ յիշեց Միջին Արեւելքի այն շրջանները, ուր քրիստոնեաներ կը հալածուին, եւ անոնց կարգին են հայերը:

Ձախէն աջ՝ Հայ Դատէն Թերեզա Երիմեան եւ Ռաֆֆի Գարագաշեան, քոնկրէսական Քրիս Սմիթ, Արամ Համբարեան եւ Հայ Դատի «Աբօ Սաղտճեան» վարժողական ծրագիրի մասնակից Արենի Մարկոսեան

Հայ Դատի յանձնախումբի գործադիր վարիչ Արամ Համբարեան իր կարգին ողջունեց այս որոշումը, որուն շնորհիւ հալածուող քրիստոնեաներն ու այլ փոքրամասնութեանց ներկայացուցիչներ, ներառեալ՝ հայեր, օժանդակութիւններու իրենց արդար բաժինը պիտի կարենան ստանալ։ Միւս կողմէ, «Ի Պաշտպանութիւն Քրիստոնեաներու» համաժողովի փոխնախագահ Էնտրու Տորըն, կազմակերպութեան հինգ առաջնահերթութիւններուն շարքին նշեց Հայոց Ցեղասպանութեան ճանաչումը։
Յիշենք, որ այս տարուան համաժողովին նաեւ մեծարուեցաւ քոնկրէսական Քրիս Սմիթ (Հանրապետական, Նիւ Ճըրզի), որ նոյնպէս ողջունեց այս որոշումը։
Քաղաքականութեան այս յատկանշական փոփոխութիւնը, «Ի Պաշտպանութիւն Քրիստոնեաներու» համաժողովին ընթացքին՝ Հոկտեմբեր 25-ին, յայտարարուած է Միացեալ Նահանգներու փոխնախագահ Մայք Փենսի կողմէ։ Նախապէս, նման օժանդակութիւններ սովորաբար Մ.Ա.Կ.-ի խողովակով կը կատարուէին։

Մայք Փենս ելոյթի ընթացքին

Այս տարի եւս համաժողովի հովանաւորներէն մէկն էր Ամերիկայի Հայ Դատի յանձնախումբը։ Վերջին հինգ տարիներուն, Հայ Դատի յանձնախումբը եւ այլ կազմակերպութիւններ կը պնդէին, որ ՄԱԿի միջոցաւ տրամադրուող օժանդակութիւններէն բաւարար նպաստ չի հասնիր Միջին Արեւելքի քրիստոնեաներուն եւ այլ փոքրամասնութիւններու, որոնք ցեղասպանական արշաւներու թիրախ դաձած են։
Համաժողովին ներկայ էին Հիւսիսային Ամերիկայի Հայ Աւետարանական միութեան հոգեւոր հովիւ վեր. Պերճ Ճամպազեան եւ Ամերիկայի Հայ Աւետարանչական ընկերակցութեան գործադիր վարիչ Զաւէն Խանճեան։

 

 

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles