ՏԻԹՐՈՅԹԻ ՄԷՋ.- ԾՆՆԴԱԲԱՆՈՒԹԵԱՆ ԽՈՐՀՐԴԱԺՈՂՈՎ

0 0
Read Time:47 Second

ՏԻՐՊՈՐՆ (Միշիկըն).- Մարտ 17-18-ին, ծննդաբանութեան (genealogy) խորհրդաժողովը կատարուեցաւ տեղւոյն համալսարանին մէջ, մասնակցութեամբ աւելի քան 250 ներկաներու, որոնք ժամանած էին 18 տարբեր նահանգներէ:
Այս խորհրդաժողովը կը վայելէր հովանաւորութիւնը Միշիկընի համալսարանի Հայկական Հետազօտական Հիմնարկին, Պոլսահայ Մշակութային միութեան, «Նոր Քղի» հիմնարկին եւ Հայկական Ուսումնասիրութիւններու Հիմնարկին (NAASR):
Մարտ 17-ին հիւրասիրութեամբ ազդանշանը տրուեցաւ այս հաւաքին, Սուրբ Սարգիս եկեղեցւոյ «Լիլիըն Առաքելեան» սրահին մէջ: Բարի գալուստ մաղթեց հովիւ Տէր Հրանդ Գէորգեան, որ յաջողութիւն մաղթեց մասնակցող ժողովականներուն եւ պատուիրեց որ, անոնք շարունակ կապ հաստատեն իրարու եւ պահեն իրենց անցեալի աւանդը:
Մարտ 18-ին, կազմակերպիչ մարմնի անդամներ՝ Ճորճ Աղճայեանի եւ Անի Պողիկեան-Գասպարեանի խօսքերով, ազդանշանը տրուեցաւ այս խորհրդաժողովին:
Ապա, խօսք առաւ Միշիկընի համալսարանի Հայկական Հետազօտական Հիմնարկի պատասխանատու տոքթ. Արա Սանճեան: Թրէյսի Քինի ծննդաբանութեան մասին տեղեկութիւններ փոխանցեց, իսկ Ճորճ Աղճայեան եւ «Յուշամատեան» հիմնարկի պատասխանատու Վահէ Թաշճեան յաջորդաբար խօսեցան բռնի ուժով թրքացած հայերու եւ Բալուի շրջանի գաղութին մասին:
Յաջորդաբար երկրորդ տարին ըլլալով կատարուեցաւ այս խորհրդաժողովը: Անցեալ տարի, ծննդաբանութեան անդրանիկ խորհրդաժողովի ժամադրավայրն էր Պոսթընը:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles