Համազգայինի Երիտասարդական Ցանց-ArtLinks 2016ի Հաւաք

0 0
Read Time:1 Minute, 27 Second

p14 hamazkayin artlink1

ԹԱՄԱՐ ՏՕՆԱՊԵՏԵԱՆ-ԳՈՒԶՈՒԵԱՆ
Իր տեսակին մէջ եզակի Համազգայինի երիտասարդական ցանց-ArtLinks ծրագիրը արդէն իսկ թեւակոխած է իր երկրորդ տարեշրջանը:
Համազգային Հայ Կրթական Եւ Մշակութային Միութեան Արեւ-մտեան ու Արեւելեան Միացեալ Նահանգներու եւ Գանատայի Շրջանային վարչութիւններուն ջանքերով 2015ին ծնունդ առած այս ծրագիրին նպատակն է՝ շաղկապել ընտրանի հայ արուեստագէտներ հայկական մշակոյթով խանդավառ երիտասարդներու հետ եւ աշխատանոցներու միջոցով հետաքրքրութիւն սերմանել հայ արուեստին հանդէպ:
Նիւ Եորք նահանգի Ճըուիթ գիւղաքաղաքին մէջ, 2015ի Օգոստոսին կայացած առաջին հաւաքին իրենց մասնակցութիւնը բերին գրող եւ դերասան Էրիք Պօղոսեան, ֆիլմերու բեմադրիչ Էրիք Նազարեան, լուսանկարիչ Սքա-ութ Թիւֆէնքեան, դասախօս դոկտ. Դալար Շահինեան եւ գրող Ալին Օհաննէսեան: Հաւաքը, իր աշխատանոցներու ընտրութեամբ, իր ջերմ մթնոլորտով եւ բարձր որակով, բարձր գնահատանքի արժանացաւ մասնակցողներուն կողմէ, որոնք կու գային Նիւ Եորքէն, Քալիֆորնիայէն, Մեսեչուսեցէն եւ Օնթարիոյէն:
Այս ամառ կայանալիք հաւաքին վայրն է Քեպեքի տեսարժան վայրերէն՝ Saint-Gabriel-de-Brandon-ի Auberge du Mont-Lanaudiere տուն-պանդոկը, ուր 30 Յունիսէն 3 Յուլիս շաբաթավերջին, Հիւսիսային Ամերիկայի զանազան տեղերէն ժամանող 21-35 տարեկան երիտասարդներ պիտի մասնակցին մշակոյթի զանազան մարզերու առնչուող այլազան եւ հետաքրքրաշարժ աշխատանոցներու, նաեւ ընկերային մթնոլորտի մէջ հաճելի երեկոներ պիտի անցընեն՝ բացօթեայ խարոյկի շուրջ զրոյցներու, երգի ու պարի ընդմէջէն:
Այս տարի եւս, հաւաքին ընդհանուր վարիչն է ծանօթ մտաւորական դոկտ. Խաչիկ Մուրատեան։ Հայ մշակոյթի եւ հասարակական կեանքի զանազան բնագաւառներուն առնչուող աշխատանոցներու միջոցով, հաւաքին իրենց մասնակցութիւնը պիտի բերեն Մասաչուսէց նահանգէն բեմադրիչ Թալին Աւագեան, լրագրող Լիանա Աղաճանեան, ղեկավարութեան խորհրդատու Քրիսթի Ռենտըլ, թատերական արուեստի մասնագէտ Վանէ Ասատուրեան, ուսուցիչ Մհեր Գարագաշեան եւ պարուսոյց Լոռի Նաճարեան: Ժապաւէնէն լրագրութիւն, ղեկավարութենէն թատերական աշխարհ, դիցաբանութիւն եւ պարարուեստ… այս եւ այլ բնագաւառներ ընդգրկող հաւաքը իր այլազանութեամբ եւ եռանդուն վարիչներով կը միտի շահեկան եւ հաճելի փորձառութիւն պարգեւել իւրաքանչիւր մասնակցողի:
Կը հրաւիրենք ձեզ, որ այցելէք Համազգայինի երիտասարդական ցանցի կայքէջը, ուր կը գտնուին յաւելեալ տեղեկութիւններ եւ արձանագրութեան թերթիկները: Լիայոյս ենք, որ առիթը կ՛ունենանք ձեր ներկայութիւնը վայելելու այս հաւաքին ընթացքին։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles