ՆԱԽԱԳԱՀ ՍԱՐԳՍԵԱՆԻ ԱՅՑԵԼՈՒԹԻՒՆԸ ՄԱՍԱՉՈՒՍԷՑ

0 0
Read Time:3 Minute, 12 Second

16520_b

Երկուշաբթի, Մարտ 28-էն Հինգշաբթի Մարտ 31, Հ.Հ. նախագահ այցելեց Մասաչուսէց նահանգ, նախքան Ուաշինկթընի մէջ կայանալիք հիւլէական-միջուկային անվտանգութեան խորհրդաժողովին մասնակցիլը:
Նախագահական պատուիրակութիւնը կը բաղկանար Կրթութեան նախարար՝ Լեւոն Մկրտչեանէ, Սփիւռքի նախարար Հրանոյշ Յակոբեանէ, Ուաշինկթընի մօտ Հայաստանի Հանրապետութեան դեսպան Գրիգոր Յովհաննիսեանէ, Նիւ Եորքի Մ.Ա.Կ.-ի մօտ ներկայացուցիչ՝ Զոհրապ Մնացականեանէ, Լոս Անճելըսի մօտ Հ.Հ. հիւպատոս Սերգէյ Սարգիսովէ եւ Վիգէն Սարգսեանէ: Այս պատուիրակութեան միացած էին նաեւ Ա.Մ.Ն. Արեւելեան Շրջանի Բարեջան Առաջնորդներ՝ Օշական Արք. Չօլոյեան (Մեծի Տանն Կիլիկիոյ թեմ) եւ Խաժակ Արք. Պարսամեան (Էջմիածնական թեմ):16519_b
Մեր անցեալ շաբթուայ թիւին մէջ անդրադարձած էինք, նախագահին «Հայրենիք»ի շէնք այցելութեան եւ Ա.Մ.Ն. Արեւելեան Շրջանի Կեդրոնական Կոմիտէին տեսակցութեան հետ: Նածագահը, նաեւ այցելած էր այլ հայկական թէ տեղական հաստատութիւններ:
Ժատուիրակութեան առաջին հանգրուանն էր Պոսթընի Հին հիւսիսային եկեղեցին, ուր տեղւոյն հոգեւոր հովիւ Տ.Ստեֆան Այերսի եւ հայ հոգեւորականներու մասնակցութեամբ մատուցուեցաւ Սուրբ Պատարագ: Հոս է որ առաջին անգամ 18-րդ դարաշրջանէն գաղթած հայորդիներու հնարաւորութիւն տրուած է պատարագ մատուցել: Ապա, նախագահ Սարգսեան այցելեց Հայկական Ժառանգութեան պուրակը, որ հիմնուած է ի յիշատակ Հայոց Ցեղասպանութեան զոհերուն: Ապա, նախագահը տեսակցեցաւ նախկին նահանգապետ Փաթրիք Տիւվալի եւ Պոսթընի քաղաքապետարանի ներկայացուցիչներու, Հայոց Ցեղասպանութեան 100-ամեակի միջոցառումները համակարգող՝ Ճէյմս Գալուստեանի, Միտըլսեքս շրջանի շէրիֆ Փիթըր Գութուճեանի, հիմնադրամի այլ անդամներոը եւ հայ համայնքի ներկայացուցիչներու հետ: 16513_b
Մարտ 29-ին, Նախագահը կենսագիտական ոլորտէն ներս մասնագիտացած եւ 2011-էն ի վեր գործող Նուապար Աֆէեանի հիմնած ընկերութիւնը, որ երեք հարիւրէ՝ աւելի պաշտօնեաներ ունի եւ կը գործէ նաեւ Շուէտի մայրաքաղաք Սթոքհոլմի մէջ: Նաեւ նախագահը այցելեց MIT համալսարանը, ուր տեսակցութիւններ ունեցաւ: Անոր կ՛ընկերակցէր «Լոյս» կրթական հիմնադրամի պատասխանատու՝ Ժագլին Քարաասլանեանը: Նախագահը այս առթիւ, աշակերտներու ներկայութեամբ, խօսք առաւ եւ յաջողութիւն մաղթեց:
Մարտ 30-ին, նախագահը այցելեց Թաֆց համալսարանի իրաւունքի եւ դիւանագիտութեան Ֆլեչըր դպրոցը, ուր տեղի ունեցաւ հաւաք եւ նախագահը հանդիպումներու ընթացքին, պատասխանեց դասախօսներուն ու կրթական ծրագրի մասնակիցներուն: Նշենք թէ 1980-ին հիմնուած է «Դաւիթեան» հիմնադրամը, որու միջոցաւ Հայաստանի անկախացումէն ետք, բազմաթիւ երիտասարդներ ուսանած են:
Ապա, նախագահը հանդիպեցաւ նահանգապետ Չարլզ Պէյքըրի հետ: Դիմաւորման հանդիսաւոր արարողութիւնէն ետք, տեղի ունեցաւ պաշտօնական տեսակցութիւնը, որուն ընթացքին, նախագահը երախտագիտութիւն յայտնեց այն շարունակական աջակցութեան համար, որ Միացեալ Նահանգները կը ցուցաբերեն Հայաստանին:16554_b

Նախագահը շնորհակալութիւն յայտնեց Հայոց Ցեղասպանութեան ճանաչման առնչութեամբ, նահանգապետ Չարլի Պէյքըրի վճռական դիրքորոշման եւ հայ ժողովրդին աջակից դառնալուն համար: Սերժ Սարգսեանը նշեց, թէ ուրախ է, որ Մասաչուսէց նահանգի ղեկավարութիւնը պատմականօրէն արդար դիրքորոշում ունեցաւ այս հարցով:
Աւարտին, ան նշեց թէ Հայաստան-Մասաչուսէց յարաբերութիւններն ունեն խոստումնալից ապագայ եւ Հայաստանը շահագրգռուած է Մասաչուսէցի հետ գործօն կապեր հաստատելու գծով: Նախագահ Սարգսեան պաշտօնապէս հրաւիրեց նահանգապետ Պէյքըրի, որպէսզի այցելէ Հայաստան:16714_b
Մարտ 30-ին, Հարվըրտ համալսարանի Քէնետի անուան հիմնարկէն ներս, տեղի ունեցաւ հանդիպում, հայ ուսանողներու հետ: Նախագահը իր դասախօսութեան մէջ, անդրադարձաւ հայ-ամերիկեան միջպետական յարաբերութիւններու օրակարգի մասին, Արցախի հիմնախնդրի լուծման բանակցային գործընթացի ներկայ վիճակին մասին, առկայ խնդիրներուն ու մարտահրաւէրներուն, Միացեալ Նահանգներ իր աշխատանքային այցի արդիւնքներուն, Սահմանադրութեան բարեփոխումներուն ու ընտրական օրէնսգրքի մշակման ընթացքին, իրաւական նոր եւ բարեփոխուած կարգաւորումներով կատարուելիք յետագայ ընտրութիւններուն, Հայաստանի տնտեսական զարգացման ներուժին, Հայաստան-սփիւռք յարաբերութիւններուն մասին:16712_b
Նախագահը նաեւ հանդիպում ունեցաւ Հարվըրտի տնօրէնութեան հետ:
«Ուրախ եմ, որ այսօր հայ երիտասարդները հնարաւորութիւն ունեն սովորելու այս համալսարանում եւ այստեղ ստացած հիմնաւոր գիտելիքները ծառայեցնելու մարդկութեան առաջընթացին, Հայաստանի ամրապնդմանն ու հասարակութեան բարգաւաճման խնդիրներին», յայտնեց Նախագահը:
Ապա, նախագահ Սարգսեան այցելեց Սուրբ Յակոբ եկեղեցի: Հանրապետութեան Նախագահը Հայ Առաքելական եկեղեցու Արեւելեան թեմի առաջնորդ Տէր Խաժակ արք. Պարսամեանի, Մեծի Տանն Կիլիկիոյ Ա.Մ.Ն. Արեւելեան թեմի առաջնորդ Տէր Օշական արք. Չօլոյեանի, «Հայաստան Ծառ» ծրագրի հիմնադիր Քերոլին Մուկարի ու տեղւոյն հայ համայնքի ներկայացուցիչներուն հետ ծաղկեպսակ զետեղեց եկեղեցուոյ բակէն ներս գտնուող Հայոց Ցեղասպանութեան զոհերու յիշատակը յաւէրժացնող յուշարձանին: Ապա, նախագահը փոխանցեց իր խօսքը: Ան Հ.Հ. անկախութեան տօնին առթիւ, ինչպէս նաեւ հայրենիք-սփիւռք կապերու ամրապնդման գործով իր հետեւողական աշխատանքին համար պարգեւատրեց Պոսթընի համալսարանի նախագահներէն՝ Արամ Չօպանեան: Նաեւ նախագահական շնորհակալագրով պարգեւատրուեցան Պոսթընի հարիւրամեակի յանձնախումբի անդամներ `Էնթընի Պարսամեան, Ճէյմս Գալուստեան եւ Արա Նազարեան:16723_b
Մարտի 31-ին, նախագահը այցելեց Սուրբ Ստեփանոս Ազգային Վարժարան: Տնօրէն Հուրի Պոյամեանի եւ այլ պատասխանատուների ուղեկցութեամբ, նապագահը այցելեց դասարաններ:
Ապա, նախագահ Սարգսեան այցելեց «Էտուըրտ Քէնետի» անուան հիմնարկ եւ այցելեց ծերակուտական Թետ Քէնետիի այրիին՝ Վիքէորիային: Ապա, նախագահը մեկնեցաւ Ուաշինկթըն, մասնակցելու համար միջուկային անվտանգութեան խորհրդաժողովին:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles