Հ.Օ.Մ.ի 5րդ Միջազգային Նաւապտոյտ.- Բարի Գալուստ Պուէնոս Այրէսի Եւ Մոնթէվիտէոյի Մէջ

0 0
Read Time:4 Minute, 3 Second

76203bcb-21c9-4b40-931a-5ff25a96185e

Զարմանալի է երեւակայել որքա՛ն զանազան ձեւերով Հ.Օ.Մ.ը յառաջ կը տանի իր աշխատանքը։ Երբեմն գործունէութիւնը այդքան լայնածաւալ է որ կարծես իր ծրագիրներէն շատ աւելի կ՚ընդգրկէ, սակայն այդքան յստակ, ամբողջական եւ ճշգրիտ աշխատանք կը յառաջանայ որ յատուկ դերակատարութիւն կը ստանձնէ ուր որ իր ներկայութիւնը կենդանի կը գտնուի։
Միջազգային Նաւապտոյտը այդ նախաձեռնութիւններէն է որու միջոցաւ Հ.Օ.Մ.ի Կեդրոնական Վարչութիւնը սոյն ծրագրի մասնակցողներու հաճոյքը կը համատեղէ բարեսիրութեան հետ, որ մեր կազմակերպութեան խողովակով կը հասնի միշտ կարիքաւորին։ Օգնութիւն հասցնելու հետաքրքրական ձեւ մը։ Նպատակներու հասնելու եւ իր առաքելութիւնը կատարելու անվիճելի կերպ մը։ e54b4a50-bcfe-4186-8196-e981eeb38633
Ընթացիկ տարուայ ընթացքին տեղի կ՚ունենայ Հ.Օ.Մ.ի 5րդ Միջազգային Նաւապտոյտը, որ ի տարբերութիւն նախորդներուն, որոնք կատարուեցան Եւրոպայի մէջ, այս առիթով Հարաւային Ամերիկայի ափերը կը շրջէ։ Սկիզբ առնելով Պուէնոս Այրէս քաղաքի մէջ անցեալ Մարտ 13ին, նաւապտոյտը ճամբայ ելաւ Արժանթինի մայրաքաղաքէն դէպի Ուրուկուայ, ուր Մոնթէվիտէօ եւ Փունթա տէլ Էսթէ այցելելէ ետք, ուղղուեցաւ դէպի Արժանթինեան Փաթակոնիայի շրջանը, Փուերթօ Մատրին, Ուսուայա, որմէ ետք անցաւ Չիլէ, Քապօ տէ Օրնոս, Փունթա Արէնաս, Մակաժանէսի նեղուցը, Փուէրթօ Մոնթ եւ վերջաւորութեան հասնելով Վալփարայիսօ, ուր իր ճամբորդութիւնը ամբողջացուց մինչեւ Մարտ 27։ Հ.Օ.Մ.ի Կեդրոնական Վարչութեան կազմակերպութեամբ, սոյն նաւապտոյտի երգն ու երաժշտութիւնը ներկայացուցին Արժանթինահայ երաժիշտ Էտկարտօ Սարեան եւ երգիչ Ալեխանտրօ Չիփեան։ 24d2382a-9783-47ec-babb-f5b3b192e1cc
Պուէնոս Այրէսի մէջ հիւրընկալող շրջանը ըլլալով Հարաւային Ամերիկայի Հ.Օ.Մ.ի Շրջանային Վարչութիւնը, իր մասնաճիւղերով, Հ.Օ.Մ.ի Նաւապտոյտի Յանձնախումբը կազմակերպեց բարի գալուստի միջոցառումներ նաւապտոյտի բոլոր ճամբորդողներուն։
Շաբաթ, Մարտ 12ին տեղի ունեցաւ այցելութիւն մը Թիկրէի շրջանը, անոնց համար որոնք արդէն ժամանած էին Պուէնոս Այրէս նախ քան նաւապտոյտի սկսիլը։ Այս առիթով խումբը այցելեց Պուէնոս Այրէսի արուարձաններէն Սան Իսիտրոյի շրջանը, ներառեալ պատմական Մայր Տաճարը, որմէ ետք Թիկրէի Գետափի Կայանէն նաւով շրջեցան Տէլթայի գեղատեսիլ գետակները եւ կղզիները, ճաշի դադար առնելով Գափիթան գետի կողքին գտնուող «Կաթօ Պլանքօ» նշանաւոր ճաշարանի մէջ։ Պուէնոս Այրէս վերադարձին, իրիկունը խումբը ներկայ եղաւ «Սենիոր Թանկօ» ճաշարակը, ուր ընթրիքի կողքին վայելեց թանկոյի երգի ու պարի անմոռանալի ներկայացում մը։
Կիրակի, Մարտ 13ին, Ռոյալ Գարիպեան Ինթըրնէշընըլի «Ռափսոտի Աֆ Տը Սիզ» նաւու մէջ արձանագրուելէ ետք, Հ.Օ.Մ.ի 5րդ Միջազգային Նաւապտոյտի մասնակիցները, որոնք մեծ մասամբ հասած էին Գանատայէն, Միացեալ Նահանգներէն, Աւստրալիայէն ու Եւրոպայի զանազան երկիրներէ, Փալերմօ թաղամասին հայկական շրջանը այցելեցին, յատկապէս կեդրոնանալով Հ.Օ.Մ.ի «Օ.Պօտուրեան-Օ.Տիարպէքիրեան» Հանգստեան Տունի եւ Սուրբ Գրիգոր Լուսաւորիչ Մայր Տաճարը։08ef2b90-6ed3-4f48-9814-a9c8d018991b12e3a79e-75f5-4df9-84e8-4ec7e7db5358
Ապա պատուիրակութիւնը այցելեց Հ.Յ.Դ. «Էտուարտօ Սէֆէրեան» Ակումբը, որու 5րդ յարկի թատերասրահի մէջ տեղի ունեցաւ, առաջին հերթին, բարի գալուստի յատուկ ձեռնարկ մը, ուր ներկայ եղան ոչ միայն Նաւապտոյտի մասնակիցները, այլ նաեւ Պուէնոս Այրէսի հայ համայնքի կազմակերպութիւններու եւ հաստատութիւններու ղեկավարներ ու անդամներ։ Մարի Էպէքեանի հաղորդավարութեամբ, որ բարի գալուստ յայտնեց ներկաներուն, նախ երգուեցան Արժանթինի եւ Հայաստանի քայլերգներ, որմէ ետք՝ Հ.Օ.Մ.ի օրհներգը։ Հետեւաբար Հ.Օ.Մ.ի «Շիրակ» մանկապատանեկան պարախումբը, պարուսոյցներ Թերեզ Սարգսեանի եւ Վահրամ Համբարձումեանի ղեկավարութեամբ, որոնց կ՚օժանդակէ Տայանա Պալասանեան, ներկայացուցին «Շիրակի շարոն», «Սարերի հովին» եւ «Եարխուշտա» պարերը։
Հ.Օ.Մ.ի Նաւապտոյտի Յանձնախումբին անունով խօսք առաւ ընկհ. տոքթ. Կրասիէլա Գէորգեան, որմէ ետք ցուցադրուեցաւ Հարաւային Ամերիկայի մէջ Հ.Օ.Մ.ի կողմէ տարուած աշխատանքի վերաբերեալ տեսաերիզ մը, կազմակերպութեան իր ծնունդէն ի վեր մինչեւ օրս, Շրջանային Վարչութեան ու շրջանի եօթը մասնաճիւղերու միջոցաւ։ Սոյն ձեռնարկին նոյնպէս ներկայ եղաւ թանկոն, երգչուհի Վալերիա Չէրէքեանի ձայնով, որ ներկայացուց «Պալատա փարա ուն լոքօ», մինչ պարողներ Լաուրա Գոռատօ Միսիրլեան եւ Տամիան Էսէլ ներկայացուցին թանկոյի յատուկ պար մը։ 6e6c7bf7-b0a4-45e9-96ef-c8b08bc2438c
Հ.Օ.Մ.ի Հարաւային Ամերիկայի Շրջանային Վարչութեան պատգամը բերաւ կազմի ատենապետուհի՝ ընկհ. Արփինէ Գարամանուկեան, որմէ ետք Պուէնոս Այրէսի հայ համայնքի աշխատանքի մասին տեսաերիզ մը ցուցադրուեցաւ։
Ապա իր խօսքը ներկայացուց Հ.Օ.Մ.ի Կեդրոնական Վարչութեան անդամ՝ ընկհ. Սոնիա Աքելեան, որ Միացեալ Նահանգներէն հասած, կը մասնակցի այս նաւապտոյտին։
Հայկական երաժշտութիւնը անգամ մը եւս հաճելի պահեր տուաւ, անգամ մը եւս երգչուհի Վալերիա Չէրէքեանի ձայնով, որ այս առիթով ներկայացուց «Եարը մարդու եար կու տայ» եւ «Մենք ենք մեր սառերը» երգերը։ Հետեւաբար, Հ.Օ.Մ.ի «Նայիրի» պարախումբը, պարուսոյցներ Թերէզ Սարգսեանի եւ Վահրամ Համբարձումեանի ղեկավարութեամբ, ներկայացուց «Քոչարի», «Ես իմ անուշ Հայաստան» եւ «Արագած»։ Վերջաւորութեան, բեմ հրաւիրուեցաւ Հայց. Առաք. Եկեղեցւոյ Արժանթինի եւ Չիլէի Առաջնորդ Տ. Գիսակ արք. Մուրատեանին որպէսզի «Պահպանիչ»ով փակէ ձեռնարկը։36d1ba35-efa1-4966-a3a1-5c14ea86a83d9cf352b2-daff-4351-80ef-32ccc6d8d261
Այս յուզիչ եւ նոյն ժամանակ ոգեւորիչ յաջող միջոցառումէն ետք, ՀՅԴ «Էտուարտօ Սէֆէրեան» Ակումբի առաջին յարկի «Արմենիա» ճաշարանին մէջ տեղի ունեցաւ Բարի Գալուստի Ընթրիք-Խրախճանքը։ Հանդիպումը երկարեցաւ մինչեւ իրիկուան ուշ ժամերը, եւ երգչուհի Վալերիա Չէրէքեանի հայկական արդի ու աւանդական երաժշտութեանց, ազգային երգերու եւ տեղական թանկոյի երգեցողութեամբ առիթ տուաւ որ նոյնիսկ ներկայ ժողովուրդը մասնակցի երգերով ու պարով։
Յաջորդ օրը, Երկուշաբթի, Մարտ 14ին, տեղի ունեցաւ Պուէնոս Այրէս քաղաքի զբօսաշրջային տեսարժան վայրերու այցելութիւնը։ Նաւը ճամբայ ելաւ երեկոյեան, դէպի Ուրուկուայի ափերը, ուր հասաւ Երեքշաբթի, Մարտ 15ի առաւօտեան։ Մոնթէվիտէոյի մէջ, Ուրուկուայ, Հ.Օ.Մ.ի «Ռուբինա» մասնաճիւղը կազմակերպեց այցելութիւն Ներսէսեան Ազգային Վարժարանը, Հայց. Առաք. Եկեղեցւոյ Ուրուկուայի Առաջնորդարանը եւ եկեղեցին, ինչպէս նաեւ Հ.Յ.Դ. Վռամեան Ակումբը։ Իրիկունը նաւը անգամ մը եւս ճամբայ ելաւ, դէպի իր յաջորդ այցելութեան կէտը։d64b517b-dee2-48aa-ba33-e3f99aa15228c7a00b47-6c1a-48c5-810c-bdd137e815d3

Անկասկած, Հ.Օ.Մ.ի 5րդ Միջազգային Նաւապտոյտի մասնակիցներուն համար անմոռանալի բարի գալուստի միջոցառումներ եղան, որոնք իրենց յիշողութեան մէջ միշտ ներկայ պիտի ունենան Պուէնոս Այրէսի եւ Մոնթէվիտէոյի հայ համայնքներուն ջերմ ընդունելութիւնը, որպէս Հարաւային Ամերիկայի այս ափերու այցելութեան առաջին քայլ։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles